Saturday 31 December 2011

Selamat Taun Baru 2012

Saritu ari penudi ba taun 2011. Meri selamat taun baru 2012 agai bala kaban cyber. Ngajih sereta ngarap ke semua kitai bulih berkat ari Allah Taala meri pengerai engau pengelantang ngagai semua kitai, AMEN

Aku Meri Puji engau terima kasih agai Tuhan ke meruan nyempulang aku dalam semua pengawa dikereja aku taja aku semina mensia ti maioh dosa sereta selalu ninggal ke diri ari Tuhan.

Taja pan kami sebilek ukai urang menyana ukai urang bepangkat ukai urang ka maioh reta engau pengeraja tang pengidup kami ka diberi nuan Tuhan udah cukup ba ungkup kami Terima kasih Tuhan

Tuesday 20 December 2011

Ngitung Ari-Selamat Ari Krismas


Urang benung gagau nyedia kediri ka nyambut ari kerismas, kami manak tu dedugau ngati kediri. Nadai sedia sedia utai pemakai tauka perengka dikena. Semina kayu kerismas aja udah bediri.

Enda nemu nama kebuah enda gagit nyendia ke pemakai engau perengka dikena ngintu ari kerismas taun tu. Tak seilu-ilu asai ati. Semina nganti ke ngintu sembiang malam kerismas aja meh tu.

Pagila nyu ari 2. Ka berapa ari da agi kitai raban kristian deka ngintu ari krismas ke tanda kena ngingat ke ari pengada Jesus Kristus nyu datai ba tengah malam ari 6.

Engau peluang tu indai dara meri pesan ari KRISMAS ngagai bala kaban blogger ke sama ngintu ari Krismas ti deka datai.

SELAMAT ARI KRISMAS

Monday 19 December 2011

Kasih Ka Aku Kasih Ka Sida




This special Christmas wish
That comes with love to you
Brings warm and heartfelt thanks
For all the thoughtful things you do--

It also comes to let you know
You both mean more each day
To everyone your lives have touched
In such a loving way.

Happy Christmas, Mum and Dad
With Love





Nadai chara bukai kena malas pemanah engau pengasih agai apai indai kelebih baka aku ka nadai pengawa tu enda ulih meri sokong ari segi material semina nyerah ke pengerai engau pengelantang seduai ngagai Tuhan ti pemadu bekuasa. Nadai pemeri kerismas ti berega ulih beri ngagai seduai ia tang besampi ngambi seduai meruan nerus ka pengidup taja kelaku maioh penguji dalam pengidup seduai ia.

Lord, when we are infants, you partner with our parents in loving and caring for us. My parents are now elderly and infirmed and I ask that you partner with me in giving them the same tender loving care. Give me the strength to be fully present for my parents and lovingly tend to their needs and the wisdom to take time out to tend to my physical, emotional and spiritual needs as i care them, AMEN


Wednesday 14 December 2011

Udah Sedia????

Krismas nyu semak.
Maioh bala udah nyedia kediri deka ngintu ari pengada Jesus Christ kelebih agi ba pekara ngelagu kayu krismas.
Taun tu sepi asai ati tak enda entu nyendia kediri ari pengawa ngelagu kayu xmas tauka ari pengawa nyendia kediri "nunga" Tuhan.
Nyu lelak diri ditagih sida anak ngasuh mansut ke pun kayu xmas ari stor.
Entah meh nama kebuah-bai ati kelalu bingking kini. Maioh endar asai utai nanggul ati kedeka nyambut penatai ari xmas tu.
Nyerah kediri ngagai Tuhan ngambi bulih berkat ari ya tajapan aku tu anak mensia ti cukup maioh dosa tang aku nemu Tuhan enda ngira penyalah engau penyai aku.

Besampi Kitai
Lord, in this holy season of prayer and song and laughter, we praise you for the great wonders you have sent us: for shining star and angel's song, for infant's cry in lowly manger. We praise you for the Word made flesh in a little Child. We behold his glory, and are bathed in its radiance.

Be with us as we sing the ironies of Christmas, the incomprehensible comprehended, the poetry made hard fact, the helpless Babe who cracks the world asunder. We kneel before you shepherds, innkeepers, wisemen. Help us to rise bigger than we are. Amen.



engau peluang tu indai dara ngari ke kami sebilek meri
SELAMAT ARI KRISMAS
ngagai bala kaban ke bisi nyenguk ruai indai dara tu

Sunday 11 December 2011

Ukai Senang Ka Senang Ukai Tusah Ka Tusah

Sigi amat meh jaku sempama ukai senang ka senang sereta ukai tusah deka tusah.

Ari 3 tu kemari aku ngambi kaban ka sama engau aku kereja kelia lepak agai rumah aku. Nyu sunyi ditinggal ke bala pulai nemuai nyau aku ngambi ia ke cheras kin. Nya meh maia aku ke ngambi ia dalam kerita ia madah ke diri bisi meli no, no kerita urang udah sidin. Dipau ke tudah tuai meh no nya. Nya meh ia ngasuh aku meli ga. Tang meh laban ukai rezeki kitai munyi ko laut nyu telunga-lunga bejalai sebelah Empire, pulai ke rumah alu terus ga enda ngetu endur meli numur.

Lemai pansut numur nya kena no 1, laban ke dipau kena meh tudah tuai.

TANG.......................................................................................................................
MALANG TIDAK BERBAU, laban enda nyangka urang ngenyai nya engau kitai dia ia meri tiket ia ngagai apai tuai laut ke driba teksi tiket ia laban ka nulong meda keno ko jaku. Aku bisi alit ati mimit ga nama kebuah apai tuainya sanggup ngambi ngagai kami sereta ia sanggup ga nyua ke tiket nya ngagai urang. Asuh aku fotostat dulu.

Pagi apai tuai laut madah ke tiketnya enda kena keno lalu udah dibuai ia tiket nya tadi.

HAAAAAAAAAAAAAAAAAAAAAAAAAAAA, nama hak nuan muai tiket urang sema amat enda kena.

Kemari maia kaban akunya call ia nyu lain jaku ia, berupai amat ia ngakal/nipu. Ta choma-choma meh RM12500.00 nya masuk pukit bangkai apai tuainya. Kaban aku munyi ko laut nusu tunjuk aja meh. Engai nyadi bejaku.

Udahnya lemai kemari, udah melabur ba 2 iti endur, makai laban perut rapar tulang buruk berapi. Puas ke bekenang kediri kena tikit sereta ensera maia ke bebeli ke numur alu pansut meh numur kedeka ati sebut kaban akunya 2442 meli tua legi ko ia ba toto laban ke alu bedau meli dia. setegal pala engau ati agi pedis ditipu apai tuai maia ke nyimpang agai ndur meli kaban aku nyu nadai mood, alu madah kenda ibuh aja meh ko ia. Aku nitih aja laban ke sigi enda nemu baka nembiak ke masu tadika 1 pasal utainya hahaha.

Sekali malam ngecek pansut ba numur toto 2442 nya tadi AKAIIIIIIIIIIIIIII. Amat ukai senang meh ka senang lalu ukai tusah meh ka tusah. ONG kaban aku nya amat manah amat seminggu tu tang nya meh laban ukai nasit.

Tuesday 6 December 2011

Tan 16

Selalu endar ninga sempama madah tan 16 enti sema bisi urang sigi enda mindah tauka nginsit.Nya meh nama sebut ke tan 16 tanda urang nya cukup tan amat. Umbok nginsit tauka ngereja pengawa bukai engai meh. Munyi ko laut cukup setia.

Aku kadang-kadang puh amat nundi ( bisi meh ka amat ) apai tuai aku ngasuh ia mindah tauka ngiga kereja bukai. Ngicha ke bisi tetemu ke pengawa ke menyana sereta besai agi gaji keno. Ukai nama deh ninga tak nyu bebesai ndar gaji bala ke mindah ke menua bukai, pengiduo urang "nyamai" endar dipeda. Ngining meh anak ati hahahaha. Tang ti aku bejaku munyi nya muai karan aja Show allmunyi ko jaku nembiak maia ari tu hahaha, nyampau meh urang ka ningga jaku aku tu.

Nyu enda berasai tudah ia udah 20 taun ba kompeni endur ia kereja. Ti nitih ka bulan 4 tu kemari nerima tang laban nganti party ujung taun kompeni sida meh urang ngaga.

Agi betunang kami duai kelia maia sama-sama meda iklan pengawa nya ba Borneo Post 1991 sebedau kemisi taun baru cina, duduk makai laksa ba kedai Max ( ti nda salah sepil) wisma pelita.

Nya meh minggu nyin kemari agai kertih kami manak dikangau ke kumpeni ( kala urang nambang sereta nyewa ke kitai utai ukai selalu ) . Tambah mega engai nyadi ga enda engau, tanda sokong kami menyanak agai dd sida ga ba pengawa ia. Hahaha asuh urang sepis indai dara, oh terima kasih aja meh ko aku enda berani ga ngemandai ke diri asuh urang meri petua keni ka nyaga diri sebilik laban pengawa laki sigi semampai ninggal ke anak bini.

Bulih ga tudah tuai a token of appreciation ari kumpeni sida ia. Enti diri empu kira ka enda meh tebeli ke utai ngemarnya laban ke ukai bepangkat sereta begaji besai baka urang bukai. Puji Tuhan ketegal pengawa engau penyabar ia ba kumpeninya tudah tuai bulih ga juluk ati ngena utai bakanya. Engi kami menyanak beri urang bungai.

Puji & Terima Kasih Tuhan.

peda tudah minah nyu nadai dipeda laban bungai ke besai ari ia. Mr Sulu nerima jam hulik ari CEO


gaga indai dara bulih bungai & mr sulu bisi jam baru

Thursday 1 December 2011

Miss Little Mermaid Minah

Nyu bebelas taun ( disember 1997 ) suba bisi nemuai ke Awana Kijal igat agi mit 3 taun lebih tu baru meda baru disember 2011. Nama agi anak duyung sigi nda tau nda berendam. Munyi ko jaku sempama laut pucuk dicita ulam mendatang nadai ia ka muai peluang.

Monday 28 November 2011

Nyapu Pukat Empelawa

Lama amat ruai petang enda ditungkun ke api kelita engau enda disapu, nyu penuh pukat empelawa. Nama datai virus buruk sigi gerenti penuh pukat empelawa.

Tu nyu masuk minggu ke 2 udah nembiak kemisi sekula ujung taun. Ke batang nadai entu ensera ke menyana ditusoi ba ruai ditu ( sigi ga semampai ensera sengapa hahaha)

Seminggu sebedau cuti gagau keno sida indai dara menyanak. 3 ari bejurut agai sekula, enggau ngeruh ai. Ni ka engau sida anak maia ari anugerah cemerlang, ni ka engau ngambi duit ke RM100 alu ni ka engau nganti pemutus peresa UPSR sida anak.

Puji Tuhan. Pemutus peresa anak indai dara ke no 3 manah. Taja pan pemaioh ke bulih semua A bisi nurun mimit, ari 49 iku taun nyin kemari nurun agai 46 iku aja.

Terubah minggu ke kemisi sekula alu begiga ke perengka sekula sida anak engai ke berebut engau urang tambah mega nama nyu ujung pedis endar ga ngiga sais kasut engau baju sida anak.

Maia cuti sekula tu mega kuda tuai indai dara bisi dimakeover mimit. Nyu tuai jara nya meh nyu ngena botox tudah hahaha. Perengka seput tudah kuda tuainya nadai utai ngacau, gerai. Semina gamal tudah ke nyu enda berapa lalu bau tudah pan nyu bau ampis nemu aja meh kuda tuai. 2 iku anak indai dara ke biak ( no 3 n no 4) sigi tak berumah dalam keretanya. Ni ke nyadi jamban sida anak meh penuduk, ni kendur mutah, ni ka bau tusu/orange/cola entah macam ai sida anak ke nyaya. Nyu lebih 10 taun jara umur tudah.

Nya meh penuduk tudah ditukar agai leather, ukai kitai aja ka be"sunglass" tudah kuda tuai pan diberi urang sunglass hahaha ( ditinted). Siling tudah diberus n dituci manah, beresi nadai bintik2/dot2 agi. Udah diberi karpet baru meh tudah ia. Nyu udah bajik mimit meh tudah kuda tuai aku, pama meh.
sebedau
kira bajit mimit meh ney udah penuduk baru ia nadai bau agi

Pia mega nyu pemuas ka bejegau ngadu ke utai nyu kira ka ngisi perut ga. Laban bala bisi besebut ka ba pavillion bisi pemakai kitai menua. Alu kia kami manak laban aku tetenguk ka makai pansuh. Tepantup sera sida indai dara hahaha dah makai pansuh manuk. Mr Sulu ngudar laksa sarawak, anak dara ngudar kolo mee.

Udahnya untak indai dara alu "evil mode" hahaha laban udah kenyang, maioh idea datai. Apai tuai indai dara ukai urang ke lumintik. Sida bedei, sida anibseri sigi enda kala nerima pemeri ari ia. Enti bedei bisi ga sekali sekala bai urang makai luar engau bala anak. Enti ka anibaseri nya tak enda kala ningga ia nyebut. Nya meh indai dara nguji meraya mimit laban enda kala minta nama-nama maia anibeseri. Taun baru tu (pun taun) nyu ka datai 20 taun jadi enda kala meraya, nya meh ka nguji. Niki katas udah makai alu tepeda ke kedai jewellery. Nguji masuk HAHAHA ( ketawa urang jai lok) Eksyen2 ajak keno mula-mula. Ningga urang madah ti ka beli meh YAHOOOOOOOOOOOO nama agi hehehe datai ke pending tuchum indai dara hehehe. Nyu bujang dara anak baru mr sulu meli tinchin diamond ( enda kasih kita ningga ) lama udah nadai tinchin kawin udah ke rumah kena rumpak engau barang emas lesap 1998 kelia. Nya pan tinchin belah rutan aja hehehe kasih ninga, pia pan ia ga baru ngidup kediri, nya pan nyu ka enda alah beli. Terima kasih mr sulu. Taja pan enda tebeli ke besai baka engi urang, nya pan udah cukup. Biar urang ngumbai semina sepur tauka repik diamond aja tang ba aku nya udah cukup BESAI ke tanda kasih sayau nuan agai aku.

anang salah sangka ukai ngemesai tu wai tinchin indai dara, tu semina gambar paper bag kendur nyimpan ia aja hehehe

Labanke udah meli ka aku utai datas nya, nya meh ari minggu tu kemari puas ke sesipa ba subang parade alu nyengkau ayam ia ga. Ba ia gila gadget apai tuai indai dara, siti ari utai ke dikerindu ke ia kamiha dslr. Enda nemu bansa lens ka dikena, tang semampai meli belama, nya meh kemari nyangku utai ke digambar aku ba baruh nyin ia. Apuuuuuuu ko ati aku pama aku anang guai dulu meli tinchin ti nemu lens ngemarnya. Uji meh aku minta tinchin ka sama rega engau lens ke dibeli ianya ney . Hahaha engai alah keno ko ati, tang berani kenda minta.



ayam baru apai dara

Bah ila mantai ke ensera baru, gagau indai dara bepun ari 5 tu ila bisi temuai ari menua. Nyadi turisgat engau driba meh aku.

Saturday 19 November 2011

PUJI TUHAN

Terima kasih Tuhan meri pengelantang engau pengerai ngagai kami sebilek. Taja kami urang ke berdosa tang nuan semampai ngibun, ngemata sereta ninga ke sampi engau peminta kami sebilek. Puji Tuhan, Hallelujah.

Thanks for a beautiful day: On a beautiful day,
we may thank GOD and praise him for his many gifts.

Father of Jesus,
We praise you and give you glory
For the wonderful things you do for us;
For life and health,
for friends and family,
for this splendid day.

Amen

Friday 4 November 2011

Udah Atur Petara

Udah nasit atur petara tauka ketegal peneka kitai empu?

Enda nemu meh Laban aku ukai urang ka kering ba pengarap, sebuti ke nemu bisi Tuhan aja.

Nyamai amat meda urang bisi kuasa. Ukai semina kuasa ba pengawa tang mega ba pengidup.

Urang ka bisi kuasa tak sepeneka ati peda aku. Ti bejaku nyawa enda tau enda kurah-kurah engai enda minta disenakut ke urang. Mua enda tau Enda redu-redu kena ngeso ke pemangah engau kuasa.

Pia meh engai urang baka aku tu Enda nemu baka Ni pendiau urang ka bisi kuasa bisi pengeraja engau bisi semua.

Enda aku isahhhhhhh tajapan aku tu urang merinsa urang nadai kuasa nadai pengeraja. Munyi ko leka lagu engkah Sigi udah selatan pengidup tudah diri datur petara baka tu, nyadi terima aja meh.

Ni ko urang meh engau tudah diri. Semina minta Tuhan meri pengerai ngagai aku ngambi ulih ngemata sereta nyaga bala anak ka mesti dijaga engau ngibun Apai Indai aku ka nyu tuai. AMEN

Monday 24 October 2011

Lumpit Tebal

Ari minggu nyin kemari kami manak nganjung diri ke Bangsar makai mee kolok engau laksa sarawak seraya ke alu bejalai. Laban endur makainya ba belakang Bangsar Village. Nadai pejalai sigi nuci mata aja. Lama amat udah enda ngusuk leka mata meda ruyalebat, kira ke ka kia meh tuju ati.

APUUUUUUUUUUU raya ga rega utainya diatu. Bisi discount 20-30% agi meh mar ari maia aku meli kelia. Aruh ga nyu dara sida anak. Tekenyit meda rega laban aku sigi amat lama nadai nuci mata agai kedainya sekumbang ke nyu enda ngiga pala agung kediri agi.

Nyu tekenyit aku meda teapot rega ia diatu rm12++.++ siti. Aku meli kelia semina RM6++ bedau discount. Huhuhu nadai ulih meli utai tu agi ko ati aku. AMat bendar aku nelik utai dia laban indu ka nyaga kedainya friendly endar ga.

Enda lama udahnya datai mak latin siko pulai sesais ngetu dia ka meli wedding gifts ka anak kaban ia. Auk urang tebal lumpit nyamai meh wai. Meri perisin ke urang kawin pan beribu rega. Nya aku nundi ia laban friendly enda ga mak latinnya. Pama beri ka aku ney hahahaha ( kati kenda munyinya deh ia ga madah arap ke ia ka kawin tu sampai parai meh jadi melaki bini rugi ku meli ti 2-3 taun nyu sarak ko ia) Nya aku meda rega utai beli ia RM17++.++ udah 40% nya.

Akaiiiiiiiiiiiiiii kemaia meh lumpit aku tu tebal ney??????

Friday 21 October 2011

Kemisi Gawai Sida Ingei

Lantang seput saritu laban ari 5 pagila ulih begulung nyadi tenggiling laun dani. Pia mega kira ke saritu mega nembiak kemisi sekula seminggu nyentuk ke minggu baru laban bala ingei poringei deka begawai lebuh ari 3 minggu baru.

Sida anak pan nyu udah tembu peresa ujung taun mega. Panjai meh kaki maia kemisi seminggu tu. Ke bendar kami menyanak deka pulai kemisi ke menua bepun saritu tang maioh mat penanggul. Nasit ga enda nyadi sida apai engau indai maioh prugrim ga bepun ari saritu. Saritu ke menua sibau seduai ia bisi pengerami, Ko jaku enda engau nadai belanja ko tudah indai engau apai tang bos besai sida ia nganu meda enda engau. Nya seduai ngarap ke urang bisi "nyua" meh pama meh kena meli minyak. Lama udah enda nangkal ko indai ari ujan belama. Minggu baru asuh bos besai ke kuching ga seduai ia bisi pengerami. Nya enti kami manak pulai seduai ia nyu bara beganjuh rugi ga. Aruh bisi aja utai nanggul maia ka meli tikit kena pulai.

Nama enda prugrim sida indai dara manak sekumbang kemisi seminggu tu ney????? Ka ngabang gawai sida ingei bala kaban nadai ga nganggau. Ti nganggau pan lembau ga laban sida ngintu ba "kampung" diri empu.

Bisi misis bos besai indai dara madah diri ke ke kuching - nganti saut bos besai aja meh hahahaha gerenti kena timbak. Saja nadai utai kerandau nanya utai kenda patut.

Nyukat suping kumplik aja meh ti nadai prugrim ka menyana.

Selamat begawai ngagai bala kaban ingei ke ngintu deepavali.

SHUBHA DEEPAWALI

Tuesday 18 October 2011

Ngemuni Diri

Bula ngumbai engai enti urang meri aku utai ke ba gambar dibaruh tu. Sigi engkecit nurun enda nengah tangga aku ngambi ia.

Tu meh utai dalam angan minah jenin indai dara enda ibuh besai asal meh bisi ke tanda beri sida sulu keno ko ahhhh

Enti enda tichin perais gula batu baka kelia ga


Wednesday 5 October 2011

Enda Ibuh Nyadi Juta Nam, Ratusan Pama Meh

Hahahahaaaaaaaaaaaaaaa ketawa dulu.

Ngelama tu ninga cerita tauka maca ba newspaper utai tu nyadi. Tang saritu munyi ko jaku maia aritu HARI INI DALAM SEJARAH ( mentang-mentang meh aku tu nyadi cigu sejarah kelia munya di Bethlehem)

Jarang engau urang ngecik balance aku maia ke ngambi anak sen ba atm laban ke nemu ampau ke tinggal ( mesa ga tudah anak sen ke tinggal sebuti ke cukup datai ba ujung bulan nganti gaji bulan baru ke masuk)

Tu tadi rajin aku ngecik, AIKKKKKKKKKKKKK peda aku ngemaiohnya balance. Kumbai salah peda mata kini merinsa ga enda entu terang tang engai kiruh ngena cermin mata. Iskkkkkkkkk salah kini peda mata ko aku.

Nadai entu kiruh ke balance duit nya tadi, alu mansut ke duit meh aku laban berumban ari ka ujan tambah agi nyu dah geriuk perut ka makai tengah ari.
Udah ke mansut ke duit sigi nganti resit pansut engai ke nadai bukti duit keluar ampaunya maia BOS BESAI datai alu ngaga audit. Nadai aku kiruh ga meda balance.

Datai ba kerita laban ke nyimpan resitnya memanah nya aku tepeda ke balance.
APUUUUUUUUUUUUUUUUU
Uji peda nuan igat ko aku madah ke anak aku.
Bah mami enda nemu maca lumur sa puluh ratus ?????




Nyin baki ya nyu ratus hibuuuu wakakaka duit dalam akaun nya enda datai 2% ari utai ke ditulis dia.

Udahnya udah tembu makai sereta bebeli ke barang dapur, pulai alu meh aku ngecek baru. Ni nemu perchuma kitai kumbai urang nipu enda alah kena tangkap baka berita ke empai lama nyadi di New Zealand.

Akaiiiiiiiiiiiiiiiiiiiii ba urang ke kaya nadai ngasuh ka luput utai bansanya. Aja bala Iban kaya belah menua arab din gaji sida ia 1-2 bulan utai ke ampaunya. Indah bala Iban ba kulikil aka ng latak ditu bisi gaji RM100k sebulan.

Tudah indai dara dini enda ka luput 10 generation ke ka datai kada kala meda utai ampaunya ba akaun bank. Kus semangat uji ti amat enda udah tua sebugey raun mai duit ampaunya hahahahaha
(ti kena tangkap urang pan sama meh kami duai)
Laban udah janji sapa ke tiket sigi mai pangan diri raun.

Nya meh cerita mat jenin, indai dara version.
Kaya 2-3 minit aja wakakakaka




Monday 3 October 2011

Kena Muai Ari


Ke bendar maioh pengawa tang sigi engai ngereja. Ngumbai diri nadai pengawa nya bebeluk kena muai ari hehehe rari ari pengawa, nyu ngereja nya beari-ari buhing keno. Aram aku nusi ensera ( perasan munyi ko laut - sapa ke nemu maca jaku nuan tu indai dara hehehe adaku kesahhhhhh!!!)

Psttttttttt cik endun bacalah utai merapu dicerita mak dara hehehe.

Anang kelalu nyimpan dalam ati engai ke meletup kababooommmmm munyi ko apek. Pelaba aku amat. Enti kelalu disimpan ba ati enda dipansut sigi meletup tang kitai enda nemu maia. Bisi kaban ke nyengala begulai manah engau kitai tau endur mansut ke utai ke beserabut dalam untak din. Kebuah aku nyebut utai ketu laban bisi utai nyadi.

Lemai kemari aku bisi betali alau agai sida indai di menua din. Lama aku nganti bala uchu ia ke bekangau, nemu nya ia lipak engau bala anak ia di ruai din. Ehhhh ngibun ruai keno ko. Ukai ga bisi urang deh. Enti enda bekerja sebelah negeri sebelah kem kayu, diau sebelah langkau kebun ga bala. Nya meh 4-5 iku aja bisi nunga ruai kedua nyu bepeda ke tv ke dalam bilek ko ia. Amat sunyi ga rumah panjai, kami manak selalu pulai ujung minggu ti malam sigi tusah meda mensia pansut ke ruai.

Auk nyu nampung cerita kami mindai, nya meh indai madah ke tanah ini kami ( laki ia menyadi aki ke ngada ke apai aku, lalu ia empu kira petungal ini aku ga, ukai urang bukai). Maia pulai gawai tu tadi sigi udah meda pendiau ia ti nyalaik. Bejaku kuchau-kucahu kediri engau jari-jari. Maianya agi enda entu didinga randau ia. Semadi tak nyengala duduk ngerimbai ia ulih kitai ninga nama utai dikerandau ke ia.

Diatu nyu majak ko indai. Nadai ngetu. Malam ari urang tinduk ia kuchau-kuchau meh kediri. Bisi petungal kami takah sepintu ari bilek ia madah. Malam lelak-lelak ninga ia mutap. Nyawa ukai mit. Enda nyamai mat ka tinduk malam ninga nyawa ia.

Ia urang ke engau ia berandau sereta urang ke disebut ia maia ke bejakunya semua sida sebayan magang. Ni enda tudah petungal aku nyu geli maia malam ari ninga randau ia engau bala sebayan. Nadai entu randau ruai utai ke disebut ia. Semua jaku maia ke belaban tauka bechara engau urang. Nya meh indai madah tak jaku laya memagang. Belaya ketegal antara tanah, belaya ketegal laki ia bisi sekindil engau maioh macam laya bukai. Nyu majak ia diatu ko indai. Bisi anak ia siku ke sebilek engau ia nyu pemuas nyu nemu takut ninga ia enda ngetu bejaku engau bala sebayan. Auk bula ngumbai diri enda takut ninga maia malam ari. ecakkkkkkkkkkkkk

Nyu ko aku madah agai indai. Ukai namanya, laban ia sigi ukai bansa ke nemu "meluah" perasaan agai kaban. Semua disimpan dalam ati memagang. Nya meh nyu tuai tu ia nyu meletup pansut lebih ari kababoooommmm bunyi ia. Maioh urang mamau enda nyebut sida sebayan. Tu sigi nadai urang ke idup ke disebut sereta berandau engau ia. Kasih meda tudah. Ukai bisi urang tuai agi di rumah panjai, kengka ia engau bisi siku menyadi aki kami ke biak endar. Tang ia meh ka tuai amat di rumah panjai din. Pemedis ka ngasuh nyawa ia bebadi nadai ga entu. Nya meh semina ka nyu mamau amat-amat.

Thursday 29 September 2011

Indu Bagas Gawa

Nyentuknya kini????? Ngelawa tu sebana kediri ngelusu belama, saritu alu madah kediri indu bagas gawa???????????????????????????

Nenako mehnya - munyi ko jaku agi mit kelia MPSO @ minta puji semua urang ndar indai dara tu ngeso kediri bagas gawa wakakaka PEMADU.

Lama udah dibeli alu enda kala danjung. Nyu baka ayam kena ngelagu @ ngias rumah laban kenda dikena. Minggu ka ngerajin kediri indai dara, ka bekebun keno ko. Nyengala nya kini hehehe.

Ari 5 tu ngambi nana pulai kira ke ngetu ba nursery ke semak endur ia sekula. Lama udah ka ngetu tang meh nyu lemai ari udah tutup maia ke mansa. Minggu tu pelining ka tumu nurun ngambi ulih ngetu dia. Maioh prujik rancangan buku ijau niang apai najib suba dalam untak tu udah hahaha.

Nya gambar dambik enda entu terang laban engai kiruh upload gambar ti ngena kamiha nyamai ngena talipaun binching alu post ba pisbuk dahnya save ba file ( nye nda ke temu urang ngelusu hahahaha)

Nya gamal kereban indai dara. Ke bendar bisi bebungai ka ba tangkai sida kerebannya. Tang laban kelalu gagit meli, enda diperesa silik utai. Sekali datai muka meda nadai bungai-bungai tangkai pemegai baka ke peda diso ke urang. Nadai pan tang ka nikal baru nganjungnya pulai puuuuuuuuuuu ngenyauhnya.






Wednesday 28 September 2011

"Duit Ukai Semua"

Ingat iklan maybank ia ka kontroversi ngena jaku kitainya kita? Duit ukai semua, amatnya kini?????

Aku puh skodeng FB sida anak - ukai ka nyadi stalker tang meh engai enda nemu pengawa sida.

Diatu maioh mat paper work @ folio digaga nembiak. Start ari pom 1 - pom 5 sida ia mesti ngaga folio ka subject2 ka bisi kereja kursus. Nya meh anak bujang indai dara gagau ga ngaga folio subject prinsip akaun ia.

Peda kita ulah sida anak. Ia ke bisi duit alu ngasuh urang ngaga tauka meli ari urang laban enda nemu sereta engai kiruh ngaga. Ukai bisi urang kiruh nyiasat folio nya gaga nuan tauka sapa-sapa. Ba sida cikgu asal tembu sereta betul cukup. Laban ti digaga ba kelas sigi enda cukup jam. Tambah agi siti kelas 40 lebih enda bulih 1/3 ga tembu maia ke patut. Bangai untak nagih sida pan bedau meh terus tembu digaga. Report agai pengetua, nampok meh sida takut.

Nya meh sida ke bisi duit ngambi jalai senang, sida ke nadai pan nemu meh ngagai jalai senang- peda kita minta ari kaban ke tembu ngambi enda kiruh ngemedis ke untak ngaga. Sida anak engai nyadi ga enda meri kaban, engka bisi maia ia minta ngagai urang ga ila.

Randau sida anak:

finished my accounts folio . Definitely got help from Kah C:hun but not sure 100% correct *winkwink
· · 19 hours ago · Privacy:

  • 3 people like this.
    • Kah Chun wtf?! so fast??!!!!
      19 hours ago ·
    • Hillary Simon haha I pro mah , I think got some error
      19 hours ago ·
    • Haziq Ibrahim Kau tak rasa nak bagi aku tiru ke?hehe
      18 hours ago ·
    • Hillary Simon tak .
      18 hours ago ·
    • Haziq Ibrahim Cuba kau bawak esok Bagi aku check kan bagus.:)
      18 hours ago ·
    • Mohd Aqil Fuck! Bapak cpt siaal!!!
      17 hours ago ·
    • Mohd Aqil Aku setuju ngan Haziq..
      17 hours ago ·
    • Haziq Ibrahim Haha come on la hillary. Kita kene bekerjasama mah :)
      17 hours ago ·
    • Hillary Simon haha aku belum imbangkan lagi lah . tak dapat ah aku suruh kau tiru , nanti aku plak yng fail . HAHA
      16 hours ago ·
    • Haziq Ibrahim Hahaha
      16 hours ago ·
    • Nik Hezrin Weyh aku nak. Copy utk aku satu. Serious. Haha nnt aku TUKAR . Please....
      16 hours ago ·
    • Hillary Simon bagi email , aku send kan
      15 hours ago ·
    • Haziq Ibrahim Aku pon nak jugak
      15 hours ago ·
    • Hillary Simon bagi lah email -.-
      14 hours ago ·
    • Haziq Ibrahim Haziqraika@yahoo.com haha
      9 hours ago ·
    • Nik Hezrin nik_hezrin@yahoo.com
      3 hours ago ·
    • Siva Keeshen hill i first
      2 hours ago ·
    • Nik Hezrin Hill I second
      2 hours ago ·
    • Haziq Ibrahim Senang cite kau hantar serentak la kan senang. Hehe
      about an hour ago ·
    • Hillary Simon dah hantar dah pun , pegi check . kalau tk dapat bagitau aku
      about an hour ago · · 1 person
    • Choong JiaJie aiyah i str8 buy frm ppl :)
      about an hour ago · · 1 person
    • Haziq Ibrahim Okat
      about an hour ago ·
    • Haziq Ibrahim ‎*okay
      about an hour ago ·
    • Hillary Simon jia jie , you rich mah . I no money to buy from people !
      38 minutes ago ·
    • Choong JiaJie i damn poor la coz i duno hw to do....no choice lo
      31 minutes ago ·

Monday 19 September 2011

Nama Brita?

Nadai entu cerita tang sigi rindu ka ngerichau, nyu puas dedugau nunga tv nunga litup. Pama ga kekuchah kediri ditu sesais mulut hahaha, tuyu nadai pengawa. Ukai nadai pengawa maioh tang tulang tu buruk amat, enda alah kira pengawa sigi enda nemu ambis.

Yeaaaaaaaaaaaay nyu lempung mimit ga pengawa indai dara. Udah ambis urang peresa UPSR ari 4 minggu nyin kemari. Kurang setengah pengawa meribit. Sida neighbour pan lantang meh pending engau mata. Kati ko deh ngelama tu lelak ninga indai dara brom kia brom kitu sari nyu bepuluh kali ka nurun niki. Udah ngambi siko, siko ga agi. Enda sida lelak nilik aku belama hahaha.

Bah gaga meh pengawa di rumah kala pengawa meribit nyu kurang. Lap ceremin, lap furniture lap sana lap sini. Ehhhhh kapa ku nya...... hahaha BURUK.

Lemai kemari ngerajin ke diri aku muai dan kayu ka ba luar pagar nyu ngasuh kerita parking engau nyu balat ngemanah ke luar ti daun balat gugur. Arinya nguji ngasuh sida bangla muai. Nemu kita berapa pinta sida ia RM80 ukainya maioh pengawa ka sejam aja ti datai, datai muai dan kayu nya. Pama duitnya beri aku ke sida apai indai aku ka nadai urang nupi di menua din, ke belanja anak kupi gula bisi agi asil ke meri bangla enda sedar diuntung munyi ko sempama laut. Pedis ati aku meda laut sepiaknya sida indu bilun - ka parai. Buai rumput engau sampah daun/bunga engkah ba compound luar ke endur aku parking kerita. Lapa engai terus muai dalam plastik engkah ba luar bisi urang sigi ngambi sampah rumput/daun/kayu 2-3 minggu sekali. Tugong ka indon engau laki indu bilun ba area parking kami dia. Enda nemu badu ngembuan ati ka jai engau urang. Nama aku tu kuli sida muai sampah pia???? Nemu meh aku mua aku tu enda glamer baka mua bini ia @ mua indun ia ( glamer @ bajik ke ??????? baka mensia biasa ga peda aku).Enda badu-badu ngemedis ke ati urang. nadai semangat kejiranan langsung enda nemu nyaga sensiviti urang sepiak2. Pagi tadi pulai nganjung anak skul peda aku kerita bala sida ia diberi urang notis besai ba cermin laban ngacau area parking urang ke empu rumah ujung enda jauh ari kami. Kin kitu sida ngacau compound parking urang, ti nitih ke lantang endur sida parking ba endur sida empu. Ti aku suba suka ati sida ia ngalah kendur parking nadai aku meri sida warning, nya sepi asai kita kena urang ke pama,

Sigi bendar agi indai dara nungga TV ( selalu ia tv nunga indai dara laban ke ngaga drama zzzzzz belama hahahaha) ti enda nunga litup ga kulu kili sebenar beluk sebelah pisbuk.

Maia rajin lap sana lap sini ga. bah ngetu dulu kekutap ka nurun meribit. 2 trip tengah ari tu, sida pasinjil enda sama jam pulai.

Wednesday 14 September 2011

Be Grateful

Be Thankful
~ Author Unknown ~


Thanks for not having
Be thankful that you don't already have everything you desire.

If you did, what would there be to look forward to?

Thanks for lacking knowledge
Be thankful when you don't know something,
for it gives you the opportunity to learn.

Thanks for difficult times
Be thankful for the difficult times.
During those times you grow.

Thanks for limitations
Be thankful for your limitations,
because they give you opportunities for improvement.

Thanks for challenges
Be thankful for each new challenge,
because it will build your strength and character.

Thanks for mistakes made
Be thankful for your mistakes.
They will teach you valuable lessons.

Thanks for exhaustion
Be thankful when you're tired and weary,
because it means you've made the effort.

Thanks for setbacks
It's easy to be thankful for the good things.
A life of rich fulfillment comes to those who
are also thankful for the setbacks.


Thanks for troubles
Gratitude can turn a negative into a positive.
Find a way to be thankful for your troubles,
and they can become your blessings.
Thank you Lord for all that I have received from you and most of all, that I know I am never alone, for You are always here beside me

Meri penyinu ati ngagai petunggal aku ke udah ditinggal ke bini kena pagi tu tadi.
Minta berkat Allah Taala mai ia ngagai menua serega begulai engau urang kudus, Amen.

Cukup maioh penguji udah diasai kita sebilek dalam tempuh bebelas taun ke udah ketegal penyakit nuan. Peda mata kumbai udah gerai meh nuan pulai gawai tu kemari wai. Kenang penudi nuan engau kami gawai taun tu tadi meruan dikenang belama.

RIP wai Mundu.

Saturday 10 September 2011

Dabai oh Dabai

Untung amat ti nyawa engai makai utai bakanya. Ngambi nyawa enda nemu tetenguk. Ninga urang besebut ka buah dabai ba pisbuk alu bediri pending. Baka ke ditangkap karan hahaha. Asal bisi urang didinga bisi ngalu ke menua nganga latak kitu alu mesan. Ba ia ada di rumah panjai diau di rumah panjai, sekula di rumah panjai semadi ke nyu secondary ka skula negeri ni alah dikengai ke ngempu nyawa makai utai kampung. Indah bala nachey ngemama nya meli engau makai buah dabai. Enda agi kitai ke Iban tu, laban buah dabai ti dibeli ba pasar mar.

Terima kasih agai bala kaban ka sangup nyangking buah dabai dalam bik sida ia maia ke ngalu ke nganga latak. Tepantup nyawa, hahaha lapa deh nya nama udah bisi rezeki ko laut. Amat bendar aku makai buah dabai. Bisi kaban siku pindah nitih ke laki kereja ke nganga latak datai ari nganga entulu lemai ari 3. Udah tembu bebela ke bala anak pulai skul alu nyau aku ngelawa sida ba Derby Park.

Datai di rumah enda jugau alu tasak engau ai angat. Bedau entu lembut tudah dabai udah mupuk dijeput. Udahnya malam ari, udah nganjung wie tuition alu nyau ga aku ngebu ke diri agai cheras laban xkolig ku madah ia bisi ga mai ka aku buah dabai ari bintangor nyin. Tambah agi enda nyamai ga aku enda nyenguk tudah tuai laban ka baru datai ari menua setegal tudah indai ia nadai kena 31/8 tu kemari. Bedau entu mansau ko ia agi ulih milih. Minggu baru baru ia. Nya meh ia madah pulai minggu baru ngetai ulit niang indai ia baru ulih mai maioh laban udah serebak mansau. Lemak bekrim mat ka bai ia bendar ngelimat. Udahnya tadi pagi ari 6 bisi ga kaban mai ari miri Jenny alu nyau ku ngebu ke diri agai util ia ngambi buah dabai.

Nya meh idup mat isi indai dara. Tepantup ndar tetenguk ke buah dabai. Nya meh bisi kaban ka sanggup tusah-tusah nurun ke pasar ngiga sereta meli buah dabai udahnya kiruh ga nyangking ke buah dabainya nepan bilun ke nganga latak kitu.

Bisi dikasam. Laban sigi digalau hehehe empa memimit.

Wednesday 24 August 2011

Kini Penungga Indai Dara Maia Kemisi Tu Ney?


mmmmmmmmmmm kini penunga indai dara betupi purun mansau kesumba ney :)

Mai ga anak kandi pan sama cura mansau pheeeewittttttttt
Apu neyyyyyyy ceremin jibing pan betangkai mansau.
Ai bekal mansau ga
Olalaaaaaaaaaaaaaaaaaaaaaaaaaa

Amat sida indai mansau tu ney
Ka kini nuan indai dara nyu serba mansau??????
Ka ngiga Bunyau seduai Mujap pia????
Enda patut ga nitih ke seduai ia kereja ke aipo kin ukai bisi paspot legi bai sida bunyau engau mujap sepiking lundun rerengap ga nuan legi indai dara muahahahahaha legi luput seduai ia ketawa ke nuan kenut spik kuin jabit u no ekekeke.


Semak aja pejalai sida indai dara dibai apai dara.
(kala urang mai anang engai ukai suah urang mai kitai ;) )
Auk pama meh pansut ari rumah. Enda alah ga beperap di rumah, manah ga pansut ngiga angin luar. Ngicha ke anak indai dara ke lumor 3 ulih refresh her mind sebedau peresa upsr ( bendar endar sida tu trial exams nyu 4-5 kali)

KINI????
Tungguuuuuuuuuuuuu
Ila madah enti udah pulai hehehe

Friday 19 August 2011

Happy N Blessed Weekend

Selamat belelak maia ujung minggu
Peluang ngetat kediri gegaring

Nadai entu prugrim kami menyanak. Pandak kaki sereta kumpas enda "berfungsi"
Minggu tu indai dara nyadi yang menurut perintah aja.
Ni ko kapten nguwing ke kapal.


Blessed Weekend

Sunday 14 August 2011

Mak Dara & Kestemer

Minggu nyin kemari nyu tetenguk ninga wai EtE ngaga laksa sarawak. Nya meh maia sida anak ke minta gaga ke laksa ngerajin kediri indai dara ari 6 tu tadi nyendia ke laksa sarawak.

Meda nadai ga prugrim ujung minggu tu tadi alu nganggau ke bala kaban beserumpu, lama ga udah nadai lepaking sambil makai marathon. Sigi enda nganggau ke bala maioh laban kenda kumpum ngaga laksa. Tang ninga sida anak nyu bendar ga ngudar laksa ari indai dara, nya meh pagi ari 6 alu nyendia kengka utai ke bisi di rumah.



kuah laksa



lauk engau sambal



nganti kestemer indai dara duduk


kestemer indai dara benung "ngetest" laksa
(apa macam bolehe?????)

Sunday 7 August 2011

Rindu Ati

Lama udah enda nuci mata meda utai ka ngerindu ke ati. Bendar diri nagang jari megai alu nyengkau ngelama tu.

Ke bendar ari taun nyin aku udah ka ngelawa showroom tu alu enda nyadi, maioh penanggul. Kemari nyu pemuas ia nyadi ka pejalai aku kia. Aku enda familiar engau areanya, tang nguji aja meh. Nyu setengah jam ga delay jam ke udah dijanji laban ke mai bala anak makai dulu.

Laban bala anak puh endar ga mansut ke kamira ari bag nyu enda ingat bai ka tudah kamira. Datai din ka ngambar peda nadai mai kamiha. Pia mega laban ke nyau bara meda utai nyu enda entu bisi ari berambik ke gambar. Nasit ga sebedau pulai sempat ga ngambar siti ari kuliksin RA ke beri2 da yunik. Amat maioh stok baru "endu pot mariyun" empai lama udah datai. Nya meh asai kengai pulai meda utai dia. Ia bisi bejual ke PM, RA, Johnson brothers.

Ko jaku enda meli, meda aja. Nadai pan tan huhuhu nyu kesit-kesit ati medo, mata nyu tepelut meh ekekeke.

Semina nyapai lampshade aja laban sigi lama dah keran, maia ke agai aingelan suba udah ka nyengkau mar endar ga bejalai engau bos nemu aja meh ti minta enda sama, sigi reredu mua urang bai kitai meli, engai kiruh megai kenu. Ka ngambi ruyal lebat lebat ka bisi kuliksin beterimit ngam ia begulai keno. Tang nadai, Ngambi potmariyun aja meh penyadi. Alu engau meli 2 tier cake stand miss pot ambi aku. Sekali tadi ka masang kaki enda ingat simpan dealer akai hahaha kelalu maioh randau ni enda nyu enda ingat. Ila ia nganjung ko ia ti ia ngabas rumah ia ba bkt jelutong. Auk oklah ko aku enda ga aku kiruh ngambi kin.

tu siti ari pattern ruyal lebat ke ekslusif. Ti diri empu agi ngiga duit sigi sanggup aku bekikis bulu betis ngumpul kuliksin tu - senorita teaset -est 1950.klasik mat. Tepaut mat ati medo tu. Tang dalam mimpi aja meh ulih meli hehehe. set 6 iti rega ia RM8k++ ni nda mata nyu tepelut ninga

Tuesday 2 August 2011

Numpang Sekaki

Lama udah aku tetenguk ka makai bubur pedas. Nyu baka urang ke nyera. Maia pulai tu kemari enda ga sempat begiga ke utai bansanya. Ati sigi semampai ingat ka makai. Ka manduk kediri nadai ga rempah sereta utai kena begaga kenya. Nya meh indai dara kepoh numpang sekaki hahahaha

Engai aku nurun tumu, laban urang ke bejual puh laun ga datai, engka utai ke dipanduk laun tembu kini. Nya meh ari keterubah kemari nyu ka pukul 5 baru ku nurun. Kereta sigi udah maioh nyentuk ka ba tisi jalai besai penuh endur urang parking.

Bedau entu maioh ga urang bisi bejual. Aku bejalai nyentuk agai ujung kin meda utai ke bisi. Sekali tepeda ke bubur pedas. Nya ia, IDUP ISI ko asai ati din. Alu meh aku besik-sik bejako engau bala indu ke bejual dia hehehe ngeso kediri semua meh nya ekekeke. Bisi nyual mee jawa, laksa sarawak meh sida ia. Aku mina meli bubur pedas aja laban nya utai ke disera nyawa hahaha. Nya sida ia madah bisi nyual rempah bubur pedas tang bedau mai keno ko. Auk manah mehnya ko aku, sigi gerenti aku meli.

Datai di rumah alu nyadi mangsa meh tudah bubur pedas hahaha. Nadai nganti-nganti aku alu dipajuh. Engai meli kuih maioh engai ke enda dempa laban dd sida engau nana nadai. Mese!!!!!!!!!! ga empa kami 4. Meli karipap engau kuih pelita. Wie mesan jagung tunu. Dahnya meli lauk asam pedas engau ayam percik ke lauk lemai. Asi udah sangkung maia berapi tengah ari ga hehehe nya meh pengawa urang buruk ekekeke, ngiga utai senang aja.