Kaban Lama

Ti kitai sigi amat berambu kaban engau pangan diri bula ngumbai enda lelengau ke pangan diri. Ba aku siku ti sema udah ngambu pangan diri kaban @ bakih @ pangan @ kawan munyi da ko jaku nembiak maia aritu sigi meruan nyadi ke pangan sampai ila-ila meh.

Tu kemari bisi betemu engau siku pangan ti sama sekula tang meh ia senior aku. Lama nadai betemu sereta lama mega nadai bekuntek pangan diri. Udah tembu sekula ia alu ngajar ba Sri Aman udah nya alu nadai bekuntik pangan diri agi. Mina ninga rita ia belaki jadi engau sida lacey menua kedah udahnya pindah pulai ke menua laki ia. Semadi udah gawai tu kemari bulih no hp ngejung ka alu betali alau engau pangan diri. Udahnya alu ngiga jalai ngambi ulih betemu engau pangan diri - nya alai maia cuti seminggu tu kemari ngambi peluang betemu engau pangan diri.

Bendar berandau agi ka asai tang meh kasih ke sida menyanak engai ke laun mulai kediri ( kaban aku tu jenis indu n bini ti kelalu mithali ) enda kala bejalai jauh kediri nya kasih ga. Nyu asai nyesal ngenusah ke tudah tuai driba kediri udahnya enda kala datai menua endur ke betemu agi. Minta ampun wai MP ti sema nuan bisi maca blog tu ketegal ke ngenusah ke kita menyanak. Ti nemu - nyau kami duai Viani mecut ngelawa nuan ke kulim kia. Nyu boring tudah anak ia nganti kami ke mulai ke pengingat sereta "kunseling" engau pangan diri pasal pengidup rumahtangga. Ia ga seduai ia viani sama masalah mina engi aku ti lain.

Nya sekali meda pangan diri nyu tunsang dunya, suba aku gedempul sida slim diatu sida berisi aku nya tinggal tulang sama ke jaku ( baru ga berisi mimit taun tu). Biasalah enda sah munyi ko laut ama enda berposing, nadai peduli ke urang ke meda kami ke begambar lama udah enda betemu jara 19 taun.

Baju Draw

Aku rindu amat meda kebaya nyonya kenyau ari mit kelia laban ti ari mit meda indai aku puh ngena baju nya. Kami menua nyebut kebaya nyonya tu baju draw. Kebuah pia laban sebedau ke disulam mesti ga neraw utai ke diukir ba baju dulu. Indai aku untung amat laban geng keras ia nemu ngaga baju draw. Nya meh ia kira ke bisi maioh koleksi baju draw laban ia semina meli kain engau ubung kediri lalu kaban nadai ngecas gaji, Ni enda untung. Tang diatu kaban ia nya nyu engai ngaga agi setegal maioh pemedis (enda entu pengerai ba mata n pala) Bisi siti baju ke last digaga ia nyu jengap-jengap enda tembu sepiak lengan utai kebukai dah tembu sayau amat. Engi aku bisi ga koleksi baju draw tu tang ukai nyengala handmade digaga sida indun pama meh.

Lebuh agai penang cuti tu kemari sigi munyi ko laut udah nekad aku ka ngelawa siku ari indai tuai nyonya di agi ngaga baju draw lalu deka ngasuh ia neraw ke aku siti (maia ke diau di kuching 1996 kelia aku bisi meli kasa rebia ba kuching 2 iti diberi aku ke indai aku tang laban ke nadai nemu urang ngaga baju nya di miri alu meh kain nya enda digaga semadi meh dianjung aku agai bib Kim di penang minggu nyin kemari. Lemai kami ke datai alu agai gurney plaza tang nadai nasit laban mesti ka janji dulu baru ulih betemu engau ia. Nyu ari siti baru kami suai betemu tang sayau nyu enda ingat begambar engau bibi kim laban ke bara ninga cerita ia. Pama amat ia udah bulih anugerah karyawan kraf (Master Artisan)

Baju draw bisi ke udah dijait engau kbisi ke bedau pemilih diri empu. Tang semua ka dijual dia ukai 100% handmade. Ti ka 100% handmade mesti madah agai bibi Kim lalu kitai empu milih bungai kediri tang rega ia pama amat. Ia ka siti kaler aja udah RM1k++ ti maioh cura enda ibuh kira. Tang enti udah rindu/minat antam ajalah munyi ko P?Ramlee pama meh bisi siti enti udah tembu ila aku ngamba baju draw nya



Sekeda ari baju draw ready ke dijual ba kedai Kim Fashion & Trading


Sekeda ari koleksi baju draw ready made ba Kim Fashion & Trading


Mua kedai Kim Fashion n Trading

Benung milih kain baju draw (bedau dijait - manah magang nyu enda nemu milih tang sempat ga nyengkau 2 iti hehehe

Sempat begambar ba mua kedai

Bungai Engau Kesulai

Yeyyeye

Aku enda ingat ke lemai tadi bisi badminton semi final. Lemai tu dapur sida labu n labi enda berasap cyti kenu hehehe nya kebuah pulai ngambi anak sekula lemai tadi alu lepak makai di luar. Penuh ari selama kedai makai nya eran ga aku nama kebuah, sekali ninga bala tachuh baru aku ingat Lee C.W main.

Nyu asai ke engau urang meda ba stadium meh laban bala nyu tachuh meri sukung. Rindu sebengkah nama bebala maioh meda. Ti di rumah kediri kurengggggg meriah munyi ko laut. Nyu enda entu bulih makai laban ke bara meda sida bemain tak nako2 hehehe.

Nasit tudah menang bisi ga menua malaysia bulih midul, enti enda emmmmmm putih mata.

Baru berasai bahang olimpik ngelama tu enda entu laban menua diri tak nadai bulih utai taja maioh utai ke manah nyadi maia olimpik tu ( baka nembiak ke ari USA ka engau nyemerai, naka kediatu ia meh bulih midul emas ke pemadu maioh) iskkkkkkkkkk iskkkkkkk nya baru.

Sigi baka deh pemeri Tuhan ngagai siku-siku mensia enda sama.

Forum Ahli Mesyuarat Pagar

Lama udah sida geng mesyuarat pagar tu nadai ngaga forum perdana, semina meeting mit-mit aja. Last year sebedau kepala geng tu pulai ke madura sigi capuh tiap-tiap pagi sida ngaga forum perdana.

Ti ba cerita DoReMi ahli mesyuarat tingkap laban puh berandau ba mua empelua(jendela) nyadi bala maid ke baris endur kami diau meeting ari tisi pagar.

Aku kadang-kadang mata agi ka tinduk udah pulai nganjung anak skul sigi bersambung meh drama zzzzz (tinduk). Kitai benung nyamai bemimpi nyu tedani ninga sida ketawa nyu kakah-kakah.

Diatu nyu start baru sida laban nyu cukup korum baru. Aku aja ke nadai ama ba lorong kami dia (enda mampu keni ka bisi ama hehehe ukai nya murah diatu ka ngambi indun RM6k). Nyadi baru meh sida becerita kadang-kadang nemu ga utai ko sida ti sida ngena jaku indun. Tang ama bisi utai digosip ke sida alu bejaku jawa meh sida nadai meh kitai nemu. Udahnya ti bisi ga advisor sida (indai tuai cina takah sepintu ari aku) makin nyadi meh randau sida ia. Ia ga indu indu ari bali ke baru pindah engau bos ia diau seberai rumah aku nyawa ia sigi nadai ulih kuntrul raya-raya pemesai nyawa ia -ia ga nyu kuning munyi peiiiii pedis amat pending ningga. Tiap-tiap pagi meh sida ngaga forum perdana siaran langsung ari jakarta ngena TVRI.

Bisi sesapa rindu ka engau sida beforum hehehehe ko kitai

Minggu Peresa

Nadai mindah ujung minggu tu kemari. Mina nurun nganjung bala anak sunday school engau sembiang aja kami menyanak. Bala anak peresa magang minggu tu nya diau jenuh aja di rumah. Baka selama meh lelak reredak ngasuh bala anak belajar ngicha ke bulih pemutus ke OK. Sida ia nama kitai enda duduk dedugau engau sida sigi nadai nemu duduk jenuh belajar, maioh amat utai ka dambi meh ka nya ka tu. Ti ka ngasuh sida belajar alu engau kitai2 meh duduk engau sida, ka enda ngicha ka bisi belajar mimit pama meh.

Minggu baru bisi kemisi semingu bala anak. Nama prugrim???? Kaban aku mai agai penang laban ka betemu engau siku agi kaban kami maia ke sekula kelia. Lama amat nadai betemu nyu 19 taun udah. Ia belaki engau cina kedah alu diau di kulim. Ti bajet enda "tabin" ka ngetu di Lumut semalam kini ko asai ati tu. Ia ka amat ke ke Tasik Kenyir aku mai bala anak - alu nadai kala nyadi ke ka kin. Tang laban ka nyu lelengau ka betemu engau kaban aku siku nya kinsil aja meh agai Tasik Kenyir, ila ga kin ti bisi "anak utai" tusah ga bejalai diatu utai semua niki magang rega.

8.8.88

Maioh utai nyadi lebuh maia tu kelebih agi ba pengidup sida ka bansa cina. Kebuah pia, laban no 8 besai endar reti dalam pengidup sida ( mai pemansang lebih agi pengaya) Lalu pengawa ke pemadu besai di dunia nyadi di menua china ia nya sukan olimpik. Sigi meh sida milih maia tu laban maioh "ONG"

Enda lebu sida ia bendar suba ngaga kempen nyukung menua china ngadu ke pengawa tu laban sida sigi amat bebendar ngasuh pengawa tu nyadi engau pemadu manah. Pengelama udah meda sukan tu ti diadu 4 taun sekali, malam tu meh meda maia sida nungkun api/obor ke pemadu unik dipeda aku last runner ke mai apinya diangkat katas ngena tali ngelingi studium (nyu baka cerita kung fu cina terebai hehehe - segi enda ulih lari ari pengidup sida ia bansa utai terbai2 tu neh) udahnya baka ke belanda ngelingi dinding studium agi wasehhhhhh

Ari pengawa sukan olimpik tu kelia ia ke bendar datai ari pengawa agama (upacara keagamaan) nyu nyadi pengawa main (sukan) ke pemadu besai di dunya diatu. Enti kelia ba endur siti ke benama Olympia ba menua Athen (Greece) mina sida ke lelaki aja ke ulih engau bemain. Sida ke indu anang agi engau belumba, meda sukan olimpik tu pan enda tau (mali/pantang). Laban pengawa tu dikumbai pengawa ke "suci" nya urang indu enda tau sereta maia tu pan sema enti sida bisi beperang engau menua pangan diri ba Yunani din kelia sida mesti ngetu dulu. Enti diatu prais sida ke menang diberi midul (medal) sereta setapikit (kumbai urang diatu diploma) udahnya perintah menua sida ke menang nya bisi agi meri duit sagu ati bepuluh ribu nitih ke numur ke ulih sida ( baka Malaysia ke ka meri sida ke bulih midul emas RM100k) Ti urang Yunani kelia nama prais sida ia ti menang??????? daun olive (daun zaitun ko melayu) ditusuk lalu diengkah ba pala baka crown (laban ba pengarap urang Yunani daun zaitun tu suci), Olimpik moden kemaia aritu dibai siku urang ari menua Peranchis. Lalu diatu masuk raun kedua olimpik moden udah dipejalai. 4 taun ke udah menua Greece menua asal lumba/sukan olimpik udah ngatur kali kedua olimpik moden. 4 taun kti ka datai menua Afrika Selatan nyadi hos tang maioh amat penangguk dinga aku.

Bulan 8 tu bulan penyakit olimpik meh seluruh dunya - (maia mensia ari serata menua, pupu bansa engau agama, macam2 idealogi pelitik - begulai engau pangan diri dalam lumba olimpik)

Sekeda ari gambar malam pemuka sukan olimpik di Beijing

Perangai @ Sikap

Wednesday July 30, 2008
Heavy traffic has residents worried
By LIM CHIA YING


THE heavy traffic going into Persiaran Setia at USJ where SMK USJ12 is located is causing worries to many residents of the USJ3A neighbourhood.

The traffic is made worse when cars are parked along two to three lanes of the road as parents drop off their children in the morning for school and wait for them after school hours.

Residents claimed that promises have been made previously for the construction of a pedestrian bridge and traffic lights at the junction but nothing has been done so far.

USJ3A neighbourhood watch group chairman Rusman Zaihan said residents and even the school had been complaining about the traffic situation but no action had been taken so far.


Common sight: In the mornings and evenings, the road gets congested and it can be dangerous to cross.

He also claimed that once an “illegal” slip road or bridge connecting to Batu Tiga is opened by the end of the year, it will add to the congestion.

“This slip road was previously approved with conditions, but we are in the dark over what the conditions are,” Rusman said during a meeting with Subang Jaya assemblyman Hannah Yeoh.

Yeoh had visited Persiaran Setia in the evening to learn more about the congestion.

“We have had two public hearings in the past regarding this matter. This slip road will connect Persiaran Jubli Perak at Batu Tiga with Persiaran Setia.

”Once ready, it’ll be a toll-free access for people to bypass the Batu Tiga toll on the Federal Highway to get to USJ and Subang Jaya,” Rusman said.

USJ3A resident Melinder Kaur Sidhu said residents had requested for an overhead ramp so that children could cross the road and people could cycle from one end to the other.

“Most of the time, vehicles are left with only one usable lane as all the other lanes would be taken up by the waiting vehicles,” Melinder said.

Yeoh acknowledged the standstill traffic during her recent visit at 6.45pm, which was just after school hours.

She had brought the residents’ request up at the Subang Jaya Municipal Council (MPSJ) infrastructure meeting and said she would push for the council to build a pedestrian bridge to enable children to cross the road safely.


ambi ari The Star 30/7. Ukai nama nya nyu sekut bansanya laban apai indai tauka urang ke berambi ke nembiak skul enda mereti sereta perangai bangat tak kelalu ingat kediri empu aja. Suba maia jejantas antara USJ 11 engau USJ 12 bedau tembu sigi engai meh aku tumu nganti anak ngemedis ka ati aja meda perangai bala ke beranti ke anak dia.

Enda entu diguna sida jejantas ba gambar di baruhnya bisi 6 tauka 7 iti kini kereta apai indai ka nganti seberainya semadi udah minyak ke nyu niki diatu nyu maioh agi ga kereta nganti seberai. Kapa aku ka nganjung diri engau mensia ke enda entu beradat, enda ke nyamai nganti seberai tambah agi endang sigi bisi gate ari belakang skul nunga kaki tanga jejantas nadai ga nembiak jauh bejalai sama baka nganti ba mua skul ke sekut. Tambah agi anak aku ka skul primari ba sepiaknya sama nengah jejantasnya laban enda bisi disedia ke jalai ari belakang nganti senang nembiak nengah jejantas sereta bisi urang nyaga agi sida ke primary kapa aku ke masuk ke dalam , anjung aku ia ke F1 alu ngani ia ke primary nya pulai dia. Biasalah urang di malaya ti sapa urang enda nemu perangai bala driver di menua tunga nanga latak ditu tambah agi kelalu amat "ngemanja" ka anak bangat tak enda tau bejalai jauh sereta beg skul anak nya gagut (tuai) agi meh parent sida ngena hehehe pahai kitai

Raja Buah

Buah rian dikumbai raja buah nama kebuah neh???

Minggu nyin kemari pesta buah rian kami menyanak. Kala ke murah deh. Senior aku maia agi sekula suba nyadi lecturer ba UPM lalu ia nyadi AJK ba ladang UPM dia mega, aku numpang 2 kaki ba ia laban sida ke kereja engau UPM ulih meli buah rian dia RM3.50 per kg tang laban ke bisi diskaun ga enti buah bisi pecah mimit aja ia kebatang nyadi RM3 per kg. Ari 5 buking dulu, pagi ari 6 baru kaban akunya ngambi agai ladang ( aku ko jaku ka engau ka meda sereta ka engau urang ngumpul buah rian ka nyu betraktor2 pemaioh laban ke enda kala deh) tang enda ga nyadi. Ti musim buah ma (pulasan) ila mansau engai aku tingal agi hehehe.

Enda kurang ari 30 kg engi aku laban ka mai bala petungal engau kawan aku makai rian lemai ari enam nya. Apa agi pesta meh kami sebuat ia ga buah rian sigi mansau manah ulih pagi nya mega. Nemu aja meh sebut ke rian D2 engau D24 hehehe ko kitai nyu nyemetik pemanis ia. Enda sempat ngambar pemaioh rian 30 kg nyu ka ambis dipakai aku teringat ka ngambar. Nyu enda ingat meh ngambi gambar bala temuai urang putih aku ka nguji makai rian hahaha jai amat gamal sida ensium buah nya, seleka aja enda meh ambis empa.

Kala buah rian maioh ngaga bubur kacang-rian meh aku. Pekara ke wajib munyi ko laut ianya ngaga empikau tau tempoyak.

Kemisi

Peiiiiiii nyu asai ke ngulit enda ulih betenet-tenet seminggu tu laban ***** broadband meragam, nyu tiba-tiba nadai connection. Dua tiga kali ngagai service center.

Baru ulih lemai tu arap ke nadai nama-nama udah tu nyu tejanggal pengawa.

Selamat Ari Pengada

Nana indai Biku bunsu petara (ko ensumbar anak aku ke tuai digaga indai) Nama ia ngangkat ka menyadi tiri /petungal aki ke ngada ke indai aku ianya NANA. Nama glamer tudah tuai Nana Andrea, ia ngintu ari pengada kena ari enam tu tadi (19/7) nyu enda berasai udah 15 taun umur ia. Kami manak semina makai kediri engau meli sigi kek kena ngelaik ke ari pengada ia. Nadai meri prizin semina arap ke berkat Tuhan engau ia belama sereta arap ke ia mujur ba peresa PMR ujung taun tu ila.

Happy Birthday Igat

Nadai mindah ujung minggu tu kemari. Lemai ari 6 (12/7) ngintu birthday igat ke 13 taun. Ngarap berkat Tuhan engau ia belama

Sayang-Sayang Buah Kepayang

Buah kepayang sinonom engau Tan Sri Jabu tang ti gulai kasam nya baru amat sinonim. Ukai nama aku munyinya laban ti gulai kasam ukai semina buah diguna tang mega daun. Menyadi aku agi mit suba puh endar nanya nama apai aku makai tali keset (kaset) hahaha amat ga ti kitai berati, daun kepayang ke disirap alus nyu baka tali kiset. Engi apai aku maia ngaga kasam ti nadai buah kepayang daunnya ja ga digulai ke ia. Amat ga buah kepayang tu tau dicampur engau macam bansa kasam. Tang ia ka dikerindu ka aku ianya kasam ensabi gulai buah kepayang hehehe "enda nyamai" amat. Ari minggu nyin kemari minta kirum ke urang lauk ari kuching, pupu utai meh dikirum ke apai aku.
Lemai ari dua mai bala indu dara kllc makai aku tang nyu enda ingat ngambi gambar lauk babas bukai laban nyu bara berandau. Tepantup ga ke lelengau ka lauk babas, malamnya kami belauk sayur campur stail langkau umai, upa lalis, kasam ikan semah,babi salai engau buah kepayang. Ka dua iti aja ka sempat digambar.

Sayur Campur Ala Langkau Umai
(Daun Entimun, sayuk jagung, kacang lendir, kacang botol -retak rugin ko ini aku, ti bisi bungai entekai engau tisi ka jagung nya baru cun gi)



Buah Kepayang Guring Pusu


Alah kipsiiiiii lalu nadai menu nya ba kedai mamak (munyi ko Ejam enda alah giga belah kedai mamak)

Cerita Pemakai

Merinsa kitai diatu, mensia seluruh dunya nerima nasit sama. Utai pemakai niki magang. Beras bangat niki amat rega. Aku puh meli beras jasmine white, suba rega ia RM32.90 tang ujung bulan sida giant, carefour engau mydin puh bepekit ke rega barang selalu ga turun agai RM29.90 rega berasnya. Diatu nya RM55.90 ba giant peiiiii raya utai. Rugi aku laban ba endur bukai agi ulih RM48.99 brengset amaiiiii.

Lemai tadi agai pasar malam ba SS13 ka meli pusu (ti meli ba hypermarket pusu nyu bebesai udahnya nyu tekering kangkang enda brapa amat). Laban ke tetenguk ka makai kacang ma dia meh aku alu nyengkau lia. Alu betinco indu cina engau aku (semampai bai sida jaku sida ia) Sua aku RM10 laban jangka aku rega lia nya abis mar RM5, udahnya alu jaku laut ia engau aku madah ke rega nya RM10.39 APUUUUUUUUUUUUUUUUUUUUUU
AMAT RAYA rega utai maia aritu. Uji peda kita gambar ba baruhnya nya meh lia ke RM10.30. Parai kitai. Pulai ke rumah kutap-kutap kediri aku pedis ati ke rega lia ngemarnya.


nya ampau rega RM10.30

M + ARAM

Pelaba maioh bala tetenguk meda gambar buah maram tu. Urang tuai madah buah maram maioh mansau maia udah tembu ngetu, Uji ti kita berati bulan 5 tau amat meli buah tu laban maia tu sigi gerenti maioh ke mansau tauka ti enda udah meh tuai enda bangat kelat dempa. Ti kena ke bedau tuai ia ka agi kelat tauga dikenyadi kena ngulai paku mata (baka laut ngaga kerabu) gerenti nadai agi kelat buah maram.

Pulai tu kemari umbas ia tepantup amai sepi aku, maioh urang bejual buah maram belah tamu di Miri. Tang maia ka pulai aku ke tamu baru ka meli nyu nadai urang bejual laban ke agi cuti gawai jara bela sida ke bejual. Ti bisi sarinya sigi maioh beli aku ngambi digaga ke jeruk.

Upa maram baru aku nadai meda dijual balah tamu nyu enda entu maioh agi upa maram nyu pupus kini. Ti bisi ngam amat panduk gulai daun sabung tauka kabtuk kemiding gulai belacan. Peiiiiii meriur ngenang.

Penguji

Benung ka nganjung bala anak agai SUnday School tadi, dia meh hp aku bebunyi, bisi sms. Sempat ga aku meda ari sapa engau berita ka dipadah. Apuuuuu ko aku.

Sinu ngenang tudah petungal aku siku tu. Tudah tuai baru ga gerai engau berasai nyamai diatu lelaki ia ga ditinggang penusah. Tu munyi sms tudah tuai "aku di kl.Ngau apai sanu berubat ka jantung block, diabetic,high kolestrol, darah tinggi.Aku empu baru nyamai.Datai ga utai baru."

Amat penguji ndar tu ko ati ku din. Nyu enda sabar ke nganti datai di rumah ka call tudah petungal akunya tadi. Nya meh tudah tuai nyu engau sabak-sabak bejaku. Laki ia tu ka minta kereja ba Shell (suba dia ga ia gawa tang meh bedau alu kereja ba endur bukai) Tu ka minta dia baru nya tudah tuai ngaga medical check up-nyu alu temu sekaligus penyskit tudah laki ia nya tadi. Diberi doc macam-macam ubat meh tudah tuai. Engka laban kesan ubatnya kini nyu ngasuh tudah tuai enda tan (Ni enda ubat stroke, ubat tinggi darah ubat diabetic agi)

Ia ga sida menyanak enda begulai. Laki ia kereja di kl tu lalu sida menyanak diau di kuching. Nya meh tudah tuai sebana engau sabak-sabak nanya nama meh penguji nyu enda putus nuntung sida sebilek. Ba ia ko aku penguji kitai siku-siku enda sama. Baka aku bansanya meh ukai nuan enda nemu kati ko pengidup aku. Penguji ba kita sebilek lain ga. Ko aku ngenyamai ka ati ia. Besabar engau besampi sereta nyerah kediri ngagai Tuhan aja meh kitai.

Ngagai bala ke bisi nemuai agai ruaiini tu sama bela ulih besemiang ke sida petungal aku tu sebilek ngicha sida engau naka ulih besabar sereta ingat ke Tuhan maia ti ditinggang penusah baka tu. Amen

Demam Concert 3D Milley cyrus aka Hannah Montana

Lemai tadi bisi agai Summit. Benung aku ngiga magazines ba MPH dia bisi siti family deka ngiga cermin mata ka dikena meda kunset 3D Milley Cyrus. Bah ko ati aku din nyu ka stat progrim nya ba TV sida manak tu baru ngiga pio, kada ke sempat sema ke jaku.

Nya indu ba kaunter madah ia ke free udah abis tang ti ia ka ia ulih meli magazine Hannah Montana laban dalamnya bisi ko ia. Auk ka pan engai meli ga sida manak ia magazine nya tadi laban dalam nya aja ke bisi. Tu baka ke sema nyu ka nyua agai sida ia laban maioh diambi bala anak ari kedai bup ba Subang Parade minggu nyin kemari.

Bala anak aku ka biak 2 iku nama agi enda sabar nganti pukul 9 tadi ka nguji . Nya meh gambar seduai ia maia ke nganti progrim nya stat. Aku engai ngiruh diri engau seduai ia. Anak aku ke tuai malar aja madah nadai pan meda nama-nama ko ia (kati ka ulih meda ia ga enda entu meda laban ka gagau meda crita korea. Sekejap ke meda nambah ka sigi ga enda entu nyengala ka 3D dalam kunsetnya. Macam-macam ga

Tu gamal utai ke digiga sida menyanak nya tadi


Gamar seduai menyadi ka enda sabar nganti kunset Milley Cyrus

Kek Lapis

Simple aja ngaga kek lapis tu flo, tau nuan nguji. (kala aku rajin naip hehehe sampai 2 iti pos aku saritu)

Kek Lapis Pantai Damai (kukus)

Utai kena ngaga:
100 gm gula kastor
80 gm nestum
50 gm tepung gandung
50 gm horlick
50 gm kismis celum
50 gm chocolate rice
50 tusu pekat (tusu junjung ko kitai Iban hehehe)
12 oz mentega
10 igi telu kuning
2 igi telu burak
1 sudu coco powder
1/2 teh essence vanila
1/2 teh baking powder
kaler gadung/green or suka ati

cara ngaga: (aku ngari ke Mary Bajang maca resepi ka kitai ba wai fm muahahahaha)

1. mentega + tusu dikepuk sampai burak. Kepuk telu burak enda lama masuk ke gula sereta kepuk baru sampai nyu bepupu kering (enda berai agi) udahnya tepu kemasuk ke telu kuning alu kepuk baru sampai sebati. Campur ke dalam mentega + tusu le udah dikepuk dulu tadi, nestum, tepung gandung engau vanila

2. kacau rata udahnya bagi 2 agai iti mangkuk. mangkuk 1 diberi kuku engau kismis celum. Mangkuk 2 dicampur engau horlick, chocolate rice engau kaler gadung/green.

3. Kukus selapis selapis (sukatan suka ati diri empu - aku puh ngena 2 senduk siti lapis serta pegelama ngukus siti lapis lebih kurang 7 minit). Ia ka pengabis (ianya pengelama ka ngukus kek udah ke tembu dilapis 25 minit) Setiap 10 minit tau dibuka engai ke ai maioh labuh agai kek.

p/s- ngena cuan ke mit au laban mimit aja bahan kena ngaga nya ngam amatnya flo laban nuan ka siku aja hehehe

Kek Lapis Cheese Koko (Tunu)

Utai kena Ngaga:
A
200gm mentega
150gm krim cheese
130 gm gula kastor
5 sudu makai tusu pekat
14 igi kuning telu

B
130 gm gula kastor
7 igi telu puith
1/2 sudu teh krim tartar powder

C
180 gm tepung hong kong ( ti nadai tepung gandum biasa ga)
1/2 sudu teh tepung pengembai (baking powder)

D

2 sudu coco powder campur engau ai nyilu kuku (air suam) 3 sudu makai
1 sudu teh chocolate emulco
kaler coklat mimit

****Utai kena nyadu (bahan sapuan): 3 sudu makai majerin + 2 sudu makai tusu pekat

cara ngaga:

1. Utai A - pegulai ke cheese cream, mentega, gula engau tusu pekat dlm mangkuk alu kepuk sampai kembai n bkrim.

2. Udahnya kepul telu kuning mimit--mimit sampai kembai n begulai (sebati). Udahnya tuang begulai dalam mentega ka udah dikepuk tadi

3. Utai B - dalam mangkuk lain kepuk telu putih sampai bebuih dahnya masuk ke gula n krim tartar. Kepuk baru sampai pekat

4. Udah simpan tepung hong kong/gandum engau tepung pengembai ke dalam bahan A tadi alu gaul sebampai begulai

5. Udahnya mausk ke bahan B alu gaul lubah sampai becampur rata

6. Bagi agai 2 siti beri kaler ti dikerindu diri @ kaler ia empu ka ori alu siti agi diberi begulai engau bahan D

7. ambi setengah cawan ari bagi ka ngena kaler original tadi alu sapu rata dlm tin kena nunu ngena api atas n baruh. Sapu engau bahan sapuan. Ulang baru ngena bahan ke sama ba lapis ke 2 tang ngena api atas aja

8. Lapis ke 3 ambil 1/2 cawan adunan coklat alu rata ke dlm tin cuan. dahnya sapu engau bahan sapuan.lapis baru ngena aduan coklat.

9. Lapis sampai abis ulang ngena cara ke sama

10. Udah abis dilapis tutup tin acuan ngena kertas aluminium serta tunu baru ngena api atas n baruh 15 minit.

Uji anang enda nguji (ti enda nyamai anang nganu au - nyamai kenu ku asai aku nya deh) ila bekunsi resipi baru.

Kasih Tudah

Pagi tadi menyadi aku bisi talipaun madah ke ipar petungal kami siko udah nadai. Parai pukul 11 malam tadi ba hospital Labuan. Kediri meh tudah tuai din laban ka bujang trang tang-tang. Nyu ka tengah ari tadi petungal aku ka Labuan ngurus ka maia ia pulai ke Miri lalu disengai ba rumah petungal akunya.

Tang sinu agi aku ngenang tudah anak petungal akunya. Taun nyin kemari indai ia nadai (parai ngenyit) baru seminggu tudah tuai udah beranak. Taun tu baru dua mingu tudah udah beranak baru, aya ia (menyadi niang indai ia) ga nadai. Naka meh tudah tuai ia ga ngibun diri engau menyadi ia ka biak, anak ia ka tuai nya baru ga ka setaun. Mina ka setaun aja takah niang indai ia engau aya ia tu ningal ka pangan diri. Laban aya ia tu ka rapat agi kaul engau sida sereta sigi sebilek engau sida ga tajapan seduai apai ia bisi bilek kediri tang enda nemu ga pia nama kebuah ia engau sida petungal aku nya sebilek. Nya kami nundi anak petungal aku ka biak anak aya ia ka nadainya tadi laban meraya ba aya ia maia ka agi mit suba.

May he rest in peace. ka engau nyenguk nyampau amat ga menua ga jauh.

Apai

Profail apai aku

Nama: Wilson@Bartholomew Spegie

Umur: 65 taun

Pengawa: Katekis (1967-2002)
Urang Bumai-2003-diatu

Pemaioh anak: 5 (2 udah nadai) tingal 3-indu magang

Pemaioh ucu: 10 - 4 lelaki 6 indu


Entah nama kebuah ati ta gagit amat ka nulis ensera ngenang tudah apai aku. Engka setegal ka nyambut ari apai kini.

Apai aku urang ka nadai ngembuan pelajar sekula, tudah tua mina sekula nangka primary aja kelia laban ia anak tuai lalu sida semadi ia maioh ( 8 iku) tambah mega bisi menyadi aki aku engau 2 iku anak ia diau mega sebilek engau sida apai aku. Nyu nulong apai indai gawa kena nupi bala menyadi ia meh tudah tuai.

Tang tudah tuai benasit mimit laban ka bisi ngembuan kereja ka tetap tajapan gaji bangat mit. Aku nyu enda entu ingat baka ni ia tau begulai engau bala sida paderi ari gerija Katolik lalu dibai siida nya kereja nyadi katekis tudah tuai. Bisi indai nyebut bakani ia tau engau pengawanya tang aku ka nyu enda ingat.

Udah sebulan aku ada, kami ke Marudi laban dia meh bala sida ka nyadi katekis dianjung urang engau course setaun. Udah ke tembu course ia dianjung pulai kereja ba menua diri empu lalu kami diau di rumah panjai. Ari rumah panjai meh tudah tuai kereja bejalai ke pengarap engau sida paderi. Maia ke enda bejalai engai sida paderi ia bisi bekebun nanam lada, buah serta kereja getah. Engai enda kereja bansanya ga laban mesa ni ga elaun nyadi katekis maianya ti enda salah aku mina ka RM80 aja. Nyu taun 1973 baru kami pindah ngagai gerija ba pasar Tatau laban rumah katekis udah tembu digaga. Kasih tudah apai aku kebun lada ia baru ka meri asil nyu ditingal ka laban ka nitih ka pengawa.

Apai aku ukai mina rajin serta landik bekebun ia mega landik betukang. Laban anak nyu maioh (kami menyadi nyu 5 iku maianya tang menyadi aku ke tuai nadai agi mit lalu menyadii aku ka no 4 lelakii paraii biujang)) kena nambah ke gaji RM180 sebulan ia ngaga speedboard. Bisi ga bala ngodar n meli ari tudah tuai. Ti maia ke bejalai engau sida paderi ditingal ke dulu meh pengawanya. Nasit maia nya pemakai agi senang digiga asal tulang rajin. Apai kami sigi rajin begiga lauk - aku laban ka anak tuai sigi selalu engau ia nyala tauka mukat. Maia ia bejalai aku engau indai selalu ngabas pukat. Sigi pendiau anak rumah panjai ti nadai pengawa udah tengah ari sigi begiga ke sayur baka paku, kemidin, tubu, daun sabung serta maioh macam sayur kampung bukai. Ti pulai bejalai sigi maioh ga utai dibai ia pulai pemeri ari urang rumah panjai.

Pia mega apai aku sigi manah kaul engau urang bansa bukai baka sida laut engau cina. Kitai ke Iban enda ibuh sebut laban pengawa ia ka bejalai ke pengarap ngagai bala di menua ulu, sigi "pemus" meh urang tuai tu. Kaul ia engau bos ia (sida paderi) pan bakanya mega. Nya kebuah tudah tuai benasit amat ulih engau bala katolik bejalai ngagai menua Europe - Holy Year Pilgrimage 1975 (bala katolik ari Malaysiai n singapore). Ti enda ketegal pemanah Fr.Ben ti nyedia ka duit tambang ia kin nadai meh tudah tuai datai. Bendar amat tudah tuai ngagai perau ka dijual ngambi ka bisi duit belanja kena tudah ia kin.

Laban ka nginsap bendar amat seduai ia indai aku ngemadu kediri ketegal enda entu cukup belanja. Ketegal anak meh seduai ia ulih ngemadu kediri nginsap ngambi ke belanja insap ulih kena belanja bala anak. Indai aku naka pengulih meh nulong apai aku - laban ka diaui begulai engau sida paderi nemu ga sida ngidup ka katekis. Bini katekis diasuh nyadi tukang masak tauka tukang basu gari sida paderi.

Agi ingat aku maia surat tawaran ari U datai tusah amat ati apai aku laban ke enda cukup belanja. Nasit ga Bishop Anthony Lee nemu meri jaku runding ngagai apai aku ngasuh seduai ia indai aku bejual ba kantin sekula mission. Bepun arinya ekonomi kami sebilek nyu bisi nambah mimit. Laban indai ukai mina bumai tang mega bejual ba kantin sekula. Utai ka dijual pan maioh agi digaga diri empu enda ngiga modal maioh asal tulang rajin. Bendar apai bekebun ubi (laban kena ngaga kerepek ubi) laku amat dibeli nembiak sekula. Pia mega apai aku bisi engau urang nangkap kuntrik nebas rumput belah upis perintah engau swasta serta bisi ga bala ka ngelala ngasuh nebas ba rumah sida tiap2 bulan. Amat ga bumai tang enda entu maioh muai ari laban bala rumah panjai ke endur sida apai aku bumai sigi maioh meri sukung sereta nulong seduai (meri besai terima kasih ngagaii bala ba rumah panjai Bt.9 jalai Kubong Limbang). Tiap ngarap ke gaji tudah tuai kereja engau sida gerija nyampau meh cukup. Tiap bulan RM250 kirum ia agai aku tiap-tiap bulan maia aku nyambung pelajar ba U kelia taja nadai entu penatai pemisi tang engai ke anak merinsa sekula ko ia. Pemadu pemesai "pengorbanan" ia pemendar ka meri penyenang ka bala anak bini. Semua pengawa dikereja asal ukai ncuri tauka ngerumpak munyi ko laut semua pengawa ke halal

Pecaya ke enda kita gamar apai tuai ke ba atas dia kala ka dipasang urang nyadi nebi (mnyui ko ini aku nyebut YB) sampai ke ba taun pun tahun 1990an agi meh urang ngiga tudah tuai laban ka "pemus" kenu. Agi kami mit kelia tahun 70an nadai meh nemu nagang tang nasit siko paderi bisi meri kaunseling ngagai ia nya kebuah ia enda nyadi ngejung ke kami\i pindah ke limbang 1979. Taun 1990 kami sebilek sigi enda ngasuh - engai ke tudah tuai malu ngapa ukai bisi pemandai ngambi ke diketawa ka urang. Sigi ka pama-pama ga apai tuai tu ti bejaku ngelaban perintah menya (bisi sekali ia bejaku nanya nama kebuah nadai pemansang lalu menua kami maia menteri Dato CU nemuai ke rumah panjai kami ia tu tadi diiasuh bejaku ngari ke tuai rumah) tak pasal2 tudah tuai alu dibai bala CID tama ke bilek lalu diiwarning -nasit enda masuk ISA lalu jaku ia nadai pansut radio engi bala tuai rumah bukai bisi pansut.

Diatu tajapan nyu enda megai pengawa nyadi katekis tang apai aku sigi agi bejalai ke pengawanya laban bala rumah panjai ke semak kami ngambi ia nama beguna ka urang sembiang. Nemu ga bala ka ngasuh ia sembiang bisi nyua mimit sedekah pama meh ngambi kena ia meli minyak moto ai.

Apai aku tu puh amat munyii ku melayu "terlalu baik" engau anak menantu sigi sangup ia bekikis bulu betis. Kengka pemisi tudah tuai meh kena ia nulong anak menantu. Bala kami menyadi maia ka baru niri ka rumahtangga sigi apai aku meh ka nulong kena pala keretalah rumahlah. Nyentuk ka nulong bala menyadi aku tiap-tiap bulan laban ka enda entu cukup. Tang bisi menantu ia kedua nyu kelalu sampai kereta ka ditarit tudah apai aku meh ke nulong mayar laban kasih ka anak ucu. Nya pan enda nemu beterima kasih menantu ia sikunya sial nak mampus munyi ko melayu. Ingin muai antu sikunya ke batang lupar ngambi ke nyadi umpan baya. (kati enda munyi nya enda sedar diri meri bini anak makai pan enda cukup tang engai badu2 gila indu peiiiiiiiiiiii antu) Menantu ia ka sial nadai gunanya meh pemadu maioh muai duit tudah apai aku. Duit EPF ia sesuku sigi pulai ke sida menyadi aku sebileknya meh. Ka enda kasih ka ga ko ia(apai ak) Enti menantu ia nya kursus ke travelling ka alu meh menyadi aku talipaun ke rumah panjai minta agai seduaii ia ke belanja. Peiiiiii ti kitai ka bisi untak tu nemu berunding enda ngayah ke anak urang nemu diri diitupi apai urang). Biar seduai ia ngereja getah ngambi kena nulong melanja anak ucu. Urang di rumah panjai ke suntuk agi enda ngereja getah tang seduai ia sigi enda nemu off seagi ari manah. Di rumah panjai nyadi ke peransang bala anak menantu sereta bala ucu seduai ia bab ngereja getah. Lembau lembau pan nurun nama udah ninga moto 3 kuda apai aku bemunyi di pendaie nurun meh bala anak menantu sereta ucu ia nitih. Kadang-kadang nyu ka kelalu ga seduai ia gawa. Bejaku aku pan enda ga guna laban bisi aja saut seduai ia.

Apai aku kelalu nelap engau anak menantu sereta ucu. Agi ingat aku lebuh aku ke madah kediri badu kereja seleka jaku nganu enda meh. Enda baka indai aku sigi bendar nyeliah ke peluru berpandu ari indai. Kitai ga salah anu urang meh. Pia mega engau bala isan ia, bakani kati urang bejai ia ngumbai ia tu nya enda meh ia kiruh-asal aku enda ngelaya sida ko ia sereta utai ke disebut sidanya nadai ke amat kapa aku ngiruh diri ngelaban sida.

Tu meh sekeda ari tusun jaku aku senentang apaii aku berserimbai engau pengerami ngintu ari apai. Terima kasih ke pemadu besai ngagai apai aku kesemua utai ke udah diberi tauka disedia ka ia ngagai kami sebilek kelebih ngagai aku empu.