kala ninga jerita urang nepan bilum ke tau ngasuh ngeli kitai rangkai kita kelimpah ari jerita ka didinga ngenang tudah niang aki kitai Tun Jugah????
Kemari kami mindai bisi bejalai ngelawa kaban lama. Pemuas ke berandau nyu datai ba cerita betepan ke bilun. Macam-macam meh cerita kami sebuat. Nya meh ibu ke endur kami bejalai nya tadi mantai ke cerita ia ke pulai ari ai ngelan (England)laban ke ngibun anak ia beranak din. Maia ke pulai ari ai ngelan nadai urang dikelala sereta engau ia. Ia tusah ati sereta takut - nyu pemuas sida manak engau menantu berunding nya ia ngasuh menantu ia minta kerusi roda ngambi ia enda irau ke tesat tauka tingal bilun ari landan (London) agai kl alu datai ke miri laban bisi urang nganjung sampai ke dalam bilun sereta maia pansut pan bisi urang ngadu
Ahailangaiiiiiiii tak naka-naka. Dasul ke urang meh ia dehhhhhh. Nya meh ia nusoi ba ipot di landan tak ditebah urang siren maia urang nganjung agai endur nganti. Kumbai urang amat enda ulih bejalai meh ia dehhhhhhh. Sekali datai di Miri maia urang ka ngasul ia agai bala anak ke nganti dia ia angkat alu bejalai. Nya meh munyi ko jaku sida anak dengan slumberlandnya dia belenggang kangkung berjalan. Nya ko ia. malik enda meh anang agi ka nyaut urang ka ngasul nya eran sereta nanya ia . Bendar kami ketawa meda anak ia nunda cara indai ia angkat ari kerusi roda alu bejalai pansut.
Baik jerita ia tu ngasuh kitai ketawa. Bisi siti agi jerita kerusi roda ke ngasuh kesal ati, Bisi bala ari Bintulu nemuai agai anak ke ng latak kin. Mansang bisi urang engau sereta. Nemu aja meh urang tuai nadai ka lama diau ba negeri, maioh penyakit sida tebantai. Nyu enda alah ditan ke anak ia agi keran minta anjung pulai iaga takut pulai kediri. Anak engau menantu nadai ulih limpang nganjung ia pulai Nyu puas anak ia berunding bakani ia ka ngirum ka indai ia - nya ia bulih runding ngasuh indai ia ngaga diri enda ulih bejalai ngambi bisi urang ngasul sereta nganjung ia agai bilun. Ka pan enda nitih aja meh tudah indai ia tu tadi laban ke keran ka pulai,
Sekali tudah tuai datai di Bintulu sigi agi dasul ngena kerusi roda meh ia nitih ke ajar anak. Nya anak ia ke nganti ia nyu kesal ati meda indai ia dasul urang. Nyu nyabak ia meda tudah indai alu kucau-kucau nganu akak ia ngelak ke indai sakit pulai kediri. Engau sabak-sabak betali alau engau akak ia nanya nama nadai madah ke indai ia sakit pulai kediri. Nya akak ia madah nadai jalai bukai ga deh-asuh pulai kediri ia engai mati idup engai laban ke buyan sereta engai kediri. Udahnya nama agi dehhhh nyu tegagap meh sida sebuat ia ketawa
Pama meh jerita tu ngasuh kitai tuchum lelegup - kena ngelantang ka ati ngicha umur panjai nehhhhh. Ngarap ke umur diri panjai sereta gerai meh Pagila 7/5 ari pengada aku- nyu berasai mai umur betambah tajapan baru 24 ehhhh salah 42. Nganti sulu datai ila (nganti official bday 16/6) ka minta prizin aku nunda sida anak ahakzzzzz
12 comments:
Happy Birthday!
wah..kala aku ninga bala nusui cerita ke terubah nya. Bala nuan pia wai? Indai aku ngintu aku beranak ke anak kedua keliak kediri meh iya kitu. Naka pemuyan meh. Apai aku enda ulih enggau maya nya, ketegal ngintu inik aku sakit. Nyuka di order ke bala kami kerita surung meh iya, tang iya empu enggai. Malu, ka iya. Tang nasib ga mansang kitu bisi urang sereta, nasip amat2! Pulai, apai aku ngambat di Singapore. Laban ke ngena bilun peranchis nya ke nyu sangkai di menua tapak singa nya.
Bah, pama bai nuan ngerising rangkai gusi! Nyu enda ingat ke baday pangan agi.
Happy Birthday !! Lantang senang selalu, serta celap lindap gerai belama !!! :-))
Haha, betul pengawa bala indai ka ngasoh iya ngena kerusi roda nya!!
Happy birthday and many happy returns! Baru 24 taun umur pia? ;-)
haaa...manah gak chara tuk neh...olih ka lalau ngagai bala ka bisi ngibun apai/indai...tang anang kelalu endar la...sekurang-kurang ia madah ka kaban belayan luk sebedau ngereja nya...
Happy birthday wai!...sarituk 7/5 pend birthday wife aku & anak tuai aku....sama meh nya
Chris = trima kasih ka wish nuan
lyana - he3 ngicha ka mua biak belama bai kitai ketawa kenu ko urang. kaban jauh tang meh nyu baka diri sebilek begulai ( nemu aja meh apai aku nya - uji nuan nama aunty yak nuan nemu ia pendiau apai aku semua urang kaban ia magang) - auk trima kasih wai - nya meh ngarap ke Tuhan nyaga ngemata ngicha ke gerai maia umur ke baka kitai tu maioh amat penangul
puteri - trima kasih - auk ko kitai baru "24" dalam ati hehehe
Nya meh tau diguna idea tu tang anang baka kes keterubah nyu enda tan belakon lama hehehe
semadi nadai = nya meh baka kes 1 nemu bala anak ke nganti ia datai tang menh tudah tuai nyu enda tan ati agi belakun nyadi urang cacat uji nganti enda lama da agi neh hehehe 9 munyi ko ia ke madah nyu lelak aku belakun ari landan nyin ko ia hehehe. Nya meh wai sama ari pengada meh kami 3 anak tuai engau sulu nuan - ngarap ke gerai nyamai lantang senang kami sebuat ke sama ngintu ari pengada saritu
(quote)
semadi nadai = nya meh baka kes 1 nemu bala anak ke nganti ia datai tang menh tudah tuai nyu enda tan ati agi belakun nyadi urang cacat uji nganti enda lama da agi neh hehehe 9 munyi ko ia ke madah nyu lelak aku belakun ari landan nyin ko ia hehehe.
(unquote)
~ Kada enda nyau penat kaki tudah ia laban belakun deh. Enggai nyadi kasak2 ma belakun enda dapat.
Sigi stidi indai tuai ke angkat bejalai lenggang kangkung..enda ulih ku bayang mua urang ke tukang ngasul ya nya.. sigi ta tegamam tudah.. hahai..mcam2.. Bisi jerita kami ditu ngena bilun ke Miri, enda nemu muka sfe belt nya.. alu dasur ya tubuh ya ke baruh sampai pala iya... hahahai.. sigi tak rerangap urang sepiak meda..
chris -> nya meh nyu kelalu lama tudah belakun indah sida julingna (angelina) juli enda kala belakun ngelamanya berapa belas jam nya - ukai sengapa movie nya marathon empu movie ahalangai langai munyi ko mamadoyee pemadu?
kenergy -> nya meh ko anak ia ke berati ke gamal urang ke ngasul ka indai ia - nyu bengap2 gamal tudah tuai kehairanan n keanehannnnn hehehe - ba ia macam2 cerita nepan bilun tang enda ngelaban tudah entua kaban aku ke tekurung dalam jamban bilun ( dipelaba ka ia empu cerita jangka ia bc sejam ia mengkang dalam jamban) ia ga tudah tuai enda nemu maca. Ti nemu maca nemu ga nekan utai dia. Amat ga ti berati ke jamban bilun besai kena ke menua tasik kin jamban ketenggah2 bisi lain cara nuan muka engau nutup engai diju sengapa mesti ka ba tengah2 laban pintunya ka belipat. Nyu kemuas nyu kena utai ke diju ia sebelah dalam jamban nya tadi. Pulai ari jamban tesat ga tudah tuai mulai kediri ngagai penuduk ia empu - nyu bendar ga kin kia ngiga laban utai ke petang enda entu terang- akaidaiiiiiii nasit indai tuai tu berani enda muda panik. ia ga kediri iri ari ng latak agai menua olan kin kasih tudahhhhh. Nya meh ngambi ke nyadi ajar kitai ke deka ngasuh urang tuai bejalai kediri meh cerita tu
Amat ngasuh tuchum lelegup jerita nuan nya. Berapa taun ti udah aku beputong perut pindek ba Normah. Laban ke lalu pansut ari siti pulai ke Bintulu, agi lemi amat tulang. Meda gaya aku ke enda gerai bakanya, tak di asuh sida staf MAS ngena kerusi roda. Lembau amat aku, tang sida alu ngasuh dadi mujuk aku, enggaika aku tak luput kenu. Nama deh, tak diasulka urang meh aku ari ipot di Kuching ngagai bilun. Ia datai di Bintulu (agi ipot lama ti semak pasar), malu amat aku, enggaika dipeda urang ke dikelala. Ia meh udah tama terminal, alu guai-guai aku angkat ari kerusi, bendar amat ngeringka isi diri ambika ulih bejalai nuju kerita...
Au, wai, enda ingat tadi, meri selamat ari pengada ngagai nuan. Arapka nuan gayu guru gerai nyamai betuah belimpah bulih utai (nyu munyi sampi Gawai).
terimakasih wai indurumahpanjai - ngam meh sampinya laban nyu ka gawai ga kitai neh hehehe. engi nuan ke ngena kerusi rudanya wai ketegal ke sakit - engai nyadi ga enda ngena pama utai udah beputung sigi agi sakit enda pia
Post a Comment