Udah Nasip ...........Bisi Maia Bisi Nasit Bisi Maia Nadai Nasip

Bah betul kini jaku nya ??????

Sigi meh pengidup kitai mensia ama senang ama tusah. Diri kitai empu meh nemu ngasai enda pia. Bisi sekeda diau aja ngetat ke penyenang engau penusah diri empu bisi sekeda ( baka aku empu) enda nemu nyelalai ke penusah tauka penyenang.

Ensera Penusah - aku sigi engka nya sigi udah dicop ba mua kini antara mensia ka puh amat ditinggang penusah. Minggu nyin kemari sida indai aku ngabas rumah kami (seduai dasoh aku meda rumah ti bisi ari )pulai seduai ngetas ulit petungal sekali apai aku di Sebemban alu ke miri.Datai seduai meda rumah nyu tekunsai.

Nya tu dah ke berapa kali enda rumah kami nya dikereja ke sida antu ke panjai jari. Nya meh apai aku madah aircon ba baruh 2 iti, injin basuh pan ditanggung sida antu sialnya meh. Nyentuk ke vacuum cleaner aku ke jai dalam stor pan dangkut antu sial. Utai ke ba luar rumah enda ibuh kira. Tudah pam ai nadai mesa dibuka sida ia. Gari kami manak abis beterabur. Bendar-bendar sida ngiga emas engau duit dipelaba ka aku. Tanchut jean apai tuai aku laban ke maioh digalau ( ia ke sendat enda dikena aku) abis diuji ka bala antu sial nya tadi ( kati ko enda munyi nya dah tanchut manah dilipat dalam laci nyu beterabur atas tilam tekalih memegang) enda ga dibai engka enda cukup kini.)

Papung insap ngemaiohnya ko seduai ia. Udah ke nyu badu kesal nyau meh seduai beriput agai pulis di lutong udahnya asuh urang ke miri kin ga - ia ga inspikta ke ngadu ke halnya ngetu tengah ari ngelamanya ga ngadu ia ga seduai alu bedau makai tengah ari. Kasih urang tuai indai ukai tau rapar mar ga bisi penyakit jugal.

Datai meh pulis ngecek - nya pulis madah kes curi nya segi seretai engau rumah cina sepiak kami nya. Papung insap sama brand. Nya baru nemu sida sepiak nya pan kena. 2 iti laptop sida kena curi. Menyadi indu ia tinduk nadai nemu utai dani pagi meda rumah temera. Peiiii bisi urang ba rumah nya nadai meh sida peduli. Maia taun baru cina tu kemari meh utai nya nyadi.

Nya ko indai aku nadai ari ngadu ke utai nya manah dulu nganti udah tembu ngetau ila tua apai nuan kitu baru nyusun utai. Padi benung mansau amat ngerunban ke ngetau dulu. Lak ke dulu meh ko aku. Ila ngadu. Apai tuai aku ngabas kin aku ka kin enda urang ngasuh. Nya meh penguji ke datai enda ngetu=ngetu ba aku engau kami sebilek tang PUJI TUHAN kami menyanak nadai apa nama.

Ensera ke manah - enda kala-kala sulu ati aku ngemanahnya mood. Sari sebendar ensera kenda manah nyadi dibeli ka ia laptop ( engka kasih meda aku ngalah kediri ngelak ke bala anak ngena kumpita kini) Ni ka nuan ko ia sony tauka ipul - barang ko nuan meh ko aku nyaut ( dalam ati tetenguk meda ipul ke nipis) kala chelum pilih ia. Nama dd meli kala black deh kan mami empu pink ko minah ( pandai sida anak) Eh ni ko dd ko aku. Dahnya ari siti udah ke runguk ninga rumah kena rumpak bai urang nurun ga kami manak laban ke ngiga kasut ke wie (kasut sport dah sendat ka pan enda meli baru laban ke ngari ke skula ia engau urang belanda MSSR Daerah Petaling). Dahnya dibeli ke sulu iphone. Apu ko aku manah amat dd kita engau mami neh enda kala2 nerima pemeri (ukai ngumbai sulu aku jai tang sigi ia bansa ke enda nemu meri bini hadiah baka urang ukai ketegal enda sayau tang laban budaya kitai Iban nadai bakanya kini) terima kasih ko aku. Engka nyu kasih meda aku kini udah ke enda kereja. Engka nya pemeri belated valentine engau advance empu ari pengada kini.

Dalam pengidup beserah aja meh ngaga Tuhan taja penusah engau penguji datai belama.

Ps ngagai indu mansau dua iku -> lawa amat mat mak dara bisi aipun baru engau litup baru