semina kena ngelagu karang aku ke sekali tuTi laki urang ngempu bini bajik sigi pemadu sayau sida ke bini sida ia. Sapa enda sayau ke bini ti pemajik baka gambar miss world tu ney. Sigi bendar sida ngasi ke bini - tubuh kada tau rusi, mua kada tau tumbuh semua tauka nadai tau tumbuh utai ke ngasuh mua bini jai tauka enda bajik.
Nyu bekenang ke mua - kasih amat aku meda anak indu aku ke tuai engau ia ke numur dua biak. Balat amat mua seduai ia tumbuh semua. Engi ia ketuainya nyu ambis tudah mua endur sida semua "party". Bendar ngiga cara bakani deka ngerai ke mua tudah tuai. Maia ia pom 3 mua ia tumbuh semua ngemaiohnya. Ia ke numor 2 biaknya pama agi ga, jarang aku meda nembiak umur 11 taun tumbuh semua ngemaioh engi ia. Ni enda kasih meda sida mua anak ngemalatnya diserang sida semua. Munyi ko tanah anak kami "enda isah" ga gamal enda bajik tang enda diserang semua ngemalatnya baik ga agi.
Nyu kemuas ninga urang madah bisi klinik kulit ke manah ba SS15 ba Subang Jaya, nyau ga aku nguji nganjung seduai ia kia. Ngelama tu nganjung agai beauty center aja enda kala nganjung agai klinik bakanya. Ari 1 agai ari 5 tusah endar ka beranjung laban sida ke bisi tuition engau bisi pengawa ba sekula maia lemai.
Lemai ari 5 kemari udah ngambi Minah pulai ari English class ia jam 3.30 alu nyau kami manak ke kliniknya. Nyu ka pukul 4 datai laban ke tusah ngiga endur parking. Peda mensia ngemaiohnya lalu counter engai nerima urang agi. Asuh ia datai tumu pagi ari 6 laban 8.30 udah buka ko sida.
Nya tengah ari tadi sepemulai ari sekula Nana engau Igat ( saritu ari ngambi riput kat anak) pukul 11 lalu pulai ke rumah ngambi seduai ke biak ke tinggal di rumah. Nyu ka pukul 12 meh kami datai ba klinik. Peda mensia ngemaiohnya ga. Pajak ka ajak meh ko aku enda alah nyu beila-ila. Nyu pukul 2 baru datai ba adan kami manak. Engi Wie diberi lutor ubat unsut aja kena pagi engau malam. Engi nana diberi lutor ubat unsut engau ubat empa. Sementara ke nganti kami ke betemu engau lutur, sempat kami manak makai dulu laban ke nyu tengah ari.
Aku alu ngambi peluang ga minta krim mua kena aku muai lau (tompok2 pigmentasi ko laut hahaha) nyu besai sebesai ba mua. Udah ga 3-4 taun tu sigi jarang amat engau urang befacial laban ke nadai entu ari ( ke batang ia nadai bajet agi laban ke nyu badu kereja) ka minta bajet ba urang ukai nyamai nyua ke tapak.
Nya malam tadi bos besai aka PM kami bisi talipaun nanya ke pengawa kami manak saritu. Madah meh aku kami manak ke berubat mua. Akaiiiiiiiiiiiiiiiiiiiiiiiiiiiiiiiiiiiiii bedau madah ke ampau bayar alu nanya ke ngena ING kenda ( dini bisi klinik pakar ngena ING) Ngambi ba klinik biasa ka bisi ING tau meh ko reti jaku ianya. Bah ka nguji betemu engau sida lutor pakar ngemuas ka ati engau ka meda gaya pemanah ubat ke diberi lutur nya aku kebendar. Bedik ke ngasuh kitai ngiga lutor ke pemadu manah ngubat mua anak bini. Peiiiiiiiiiii dini ati enda BERANGATTTTTTTTTTTTTTTTTTTTTTTTTTTTTTTTTTTTTT
Ukai selalu baru tu meh keterubah kami manak ke nganjung diri berubat. Kasi ke sida anak ngembuan mua ngenyai nya laban ke maioh amat semua. Nyadi meda ke udah betemu engau lutor aku alu numpang sekakiiiiiiii. Nyu asai ka ditempalung aku ke tong sampah sida ubatnya jera engau. Nyeeeeeeeeeeeeeeee ba di sanu DADAK, BAGU, PALUI, BELI ku aku nganu diri empu. Enda nganu urang bukai tajapan ati ringat ngagai bos besai. Laban ti aku enda badu kereja enda aku baka tu. Kena nupi diri empu engau nupi anak engka enda entu ngining urang aku deh, cukup kena kami manak nupi diri ga gaji aku taja enda besai bebelas ribu. Agi ke kena befacial tauka meli perengka ngadu ke mua diri enda ibuh minta ari LAKI anak indu aku agi ulih meh sangkung aku ngubat mua. NYAAAAAAAAAAAAAAAAAAAAAA kena ngajar kita ke INDU ke bisi mansa ruai aku tu, ti kita meruan kereja ANANG NGEMADU KEDIRI KEREJA enti nadai "Black n White" . Kitai indu makin tuai nyu makin maioh utai diadu, bedau sida buk ke enda tau enda dichuk 1-2sekali. bahhhhh umbas meh aku kuchau-kuchauuuuuuu
3 comments:
aku kala meh case baka nana nya suba. Tau tanya cda yett. nyu begigi sida semua belah mulut, kening. Amat tak self-down ku. Baka nn nya meh tudah mumy dady ku bebai ke ngagai skin specialist.Udah nya ngena MLM product ku, keru ga mua ku sampai ke saritu.
aku nadailah masalah nya, tang adik aku bc kena semua t bakanya, beli ke indai aku ubat d farmasi, dlm bentuk pil ya, aku nda meh ingat nama ya, diatu ok gak peda aku mua adik aku, yg penting, stick to one produk t bekesan ngau kulit kitai aja, n ang neguk2 semua nya, n ang makai kacang ngau tai beguring kelalu mayuh. wah... baka lutur plak aku.. hehehe
aku setuju ngau nuan, manah g kitai ke indu tuk ngiga belanja ngambi ke nda pedis minta duit ba laki kitai... hehehe
Amat ka nuan! Sigi stuju aku enggau penemu nuan ke madah ke kitai indu enti bisi pengawa, enti ulih anang ngemadu ke diri. Ngicha ke bulih belanja ke diri empu enda bepangai ba gaji laki.
Aku munyi nuan nya meh, kala frust laban ka ngemuas ke ati diri, tang enda tentu berani laban irau ke di tegur laki. Ukai main sensitip endar ati udah berumur diatu! Enda tau kena tepis mimit. Nyah, benung ke nulis tu, bisi teguris mimit ati tu ketegal seleka jaku enda nyamai didinga meh nya. Enti agi biak keliak, bai betundi ninga utai munyi nya..diatu tak lembau kak betundi, enti baka jelu mayau, kak ngeramak kebak!! ahahaha
Nyah, mulai ke randau tadi, bagak agi meh kitai, ke salun buk, ke salun ngadu mua, ka muai lemak...aki daiii lemak oh lemak..ishhhh eh!! auk, bala aku Lydia kami balat besemua. Naka ulih meh kami duai menyanak berubat. Iya ke bendar, anak dara aku nya ka ngelusu mimit nuchi mua diri, serta engkah krim. Nyu aku, ke jadi matron ngasuh iya ninting lemai ngingat ke iya awak ke nuci mua ambik enda besemua. Sayau mua bajik penuh semua, ka aku. Ukai gak muji ngasuh iya 'ngantak' pia deh enggau ! Ambik ke manah dipeda meh...gak indu! (penemu indai2, enda pia??)
Eh, panjai endar randau aku sekali tu. Mentang2 lama dah enda ngabas nuan ditu y... ;p
Post a Comment