AKU KIASU KA???

SENURUT

Entah betul kenda jaku akunya - tang puh aku ninga urang nyebutnya. Ngarap ke betul meh.

Aku ngenang diri empu, SENURUT (nitih ke jaku urang) laban engai dikumbai urang enda kiruh @ enda entu ngibuh ke utai???????

Ngambi sida anak ke bisi agi peluang belajar, nya nganjung sida anak tuition. Enti enda nemu bisi ga endur nanya. Enda ga kelalu engau urang "KIASU"

Tang diatu nyu aku asai ke masuk dalam kategori "KIASU". Laban mai tutor ke minta ka datai ngajar sida aku "MALU" nulak tauka enda nemu madah engai kelebih agi maia ia madah anak aku ke lelaki nya "VERY WEAK" ba F1 engau F2. Dalam ati lembau ngasuh ia datai laban ke nyu nadai privacy ba rumah (2 jam pengelama ia meri tuition)

Lebuh nanya agai PM kami sebilek - ok ga ko ia ( engi ia sigi ok aja asal anak ia belajar) engi aku tu engai ga kelalu ngasuh anak stress belajar - (laban ia ke pom 3 nya sigi kurang ba pemintar dalam sekula)Tang munyi ko aku tadi - malu engai ke dikumbai urang enda ngibuh ke pelajar anak ga legi. Urang ditu balat amat "KIASU" dalam pelajar anak, maioh anak sida ia nya sedang aja pemandai tang laban ke engai ke anak enda bulih pemutus ti semua A sida sanggup ngereja semua utai asal meh anak pandai. Baka chunto - sida sanggup nganggau engau ngaji personal tutor datai ke rumah PUKUL 5 PAGI (AM) ngajar anak sida laban tutor nya nadai ari maia siang datai ngajar anak sida ia nyu semak ke peresa. Sida mega ( engi bala kaban aku tu)bepun ari anak sida pom satu udah nganggau personal tutor (1 to 1), nadai TV, nadai tenet2, nadai huhahuha engau geng. Laban ka nyedia ke anak sida ia engau peresa pom 3. Untung ia laban anak sigi mereti engau pandai - ti anak aku sigi enda ulih laban kenda entu mereti engau enda berapa pandai. Tang nemu ga anak ia ke tuition engau kawan aku ngumpelin agai kawan aku madah ke ia stress amat laban tuiton sampai 2 iti siti subject tuition group n personal,

Aku enda ga sanggup ngaga sida anak bakanya - ukai sida ia "ROBOT" bisi maia belajar bisi maia bemain. Laban ba dunya tu enda semua urang bisi ngembuan untak ke "GENIUS".

Amat meh result ia manah maia pom 5 tauka maia ke ngagai A level tauka matrikulasi tang udah ke ngaga degree bedau temu ia ulih. Baka chunto ba anak kaban aku empu - danjung JPA agai menua ai ngelan ngambi petroleum engineering - tu masuk taun ke 2 nya madah kediri enda entu alah, nya meh ka nukar course ia ( nama nyu ka nukar course - nadai agi meh bulih sekulasip JPA agi). Nya ko aku ukai setegal pandai amat anak sida tu tadi - semadi nyu pemendar apai indai ke nganjung sereta mansal sida ke tuition. Tambah mega laban pendiau anak ke manah engau rajin sereta mending ke jaku apai indai

Ukai ga aku apai indai ke enda kiruh ke pelajar anak tang meh mesti ga ka meda pendiau engau pemandai anak diri empu. Pia mega udah bisi peluang idup ba dunya pelajar, nyu mansau engau asam garam idup nembiak. Enti ia sedang engka ulih dipansal ngasuh ia pandai agi, Enti ia kurang mimit ulih pansal ngambi ia pandai mimit tang enti ia sigi enda berapa tusah amat ke ngasuh ia pandai mimit. Enda baka ia ke pandai dipansal ngambi ia makin pandai.

Tang nya meh cara kitai sigi enda sebaka. Sapa engai meda anak pandai tang mesti ga nemu pemandai anak diri empu. Ti baka engi aku ia ke siku nya sigi kurang agi engai nyadi ngasuh ia dalam kategori pandai/pintar. Ulih engau urang ba tengan-tengan pan umbas enti ia ulih. Apai indai ke sigi ngembuan anak ke pintar sereta nemu nyaga sereta ngemata ke anak engka lain agi ke pikir sida ia.

Nya meh aku nyu kadang2 ngumbai diri enda "bertanggungjawab" setegal enda SE KIASU bala kaban. Kelimpah ari meri sida peluang tuition engau meri jaku ajar engau jaku perangsang nyerah mega sida ngagai Tuhan ngambi bulih berkat ari IA ti pemadu bekuasa.

Nyu baka ke ngaga essay meh aku tu :

CONCLUSION : pengiruh apai indai engau anak sereta berkat ari TUHAN = ngajih bulih asil ke manah

anak ke peresa, indai stress ( ukai nama 2 manuk sabung aku taun tu nya meh nyu merapu)

anang salah sangka ga ti udah maca post tu ( bisi ka urang maca??? nyema ti bisi nya deh) ukai ngumbai cara siku-siku enda manah. Nitih ke chara peneka diri empu meh kitai ngicha ke anak pandai jara.