Ngambi "Ubataim"

Idup isi maia kemisi sekula baka tu. Maioh endar elaun indai dara maia tu laban maioh ngambi ubataim muahahaha.

Kati ko enda deh peluang, enda patut muai peluang. Siti ari pengawa indai dara ke maioh ngambi ubataim ianya mejam ke mata. Taja pan nyadi munsang enda tinduk malam ( kati deh nyu pukul 1-2 pagi ke tinduk) Tang udahnya bendar sida indai dara ngambi ubataim, ia ga bos besai nadai yehaaaaaaaa jaga mata, kasak ke amat.

Ukai semina maioh ngambi ubataim, pengawa pan maioh meh baka bilun asia munyi ko indai hahaha.Malar aja delayed. Alu meh nyadi lesung. Enda ngawa asal meh dikereja udahnya. Ba ia baka bilun asia taja alu-alu enda bekejang tang udahnya bekejang ga hehehe jamah lubah deh.

Pandak kaki maia kemisi kung hi pa chai tu, buruk ke mindah. Diau di rumah aja. Maia pengawa tembu ti enda ngisi gelung, ngaga prujik tai mata ga sida indai dara.

Nyu nyebut pengawa ngisi gelung, tadi aku nguring kasam ikan. Nyu tetenguk ka belauk kasam ikan banta kirum sida indai empai lama. Nya meh sida anak nanya nama utai smelly ke diguring aku. Ewahhhhh ko ati aku din, bau kasam ikan gaga aki kita ngemanahnya bau kumbai smelly - bedau ensium ikan masin puh diguring indu bilun sepiak akunya ke nyu bau kaka uduk. Aku tu engai meh makai ti kasam ikan ke nyu bau kaka uduk tajapan ka makai kasam. Chukup milih taja gamal aku tu jai pasal makai kasam. TI urang enda kelala meri aku kasam sigi engai aku makai tambah agi enti jai mat bau. Sumbung nyawa - teleba makai kasam enda bau jai gaga sida apai, ni enda milih.

Nyebut pasal kasam ikan, malam tadi aku bisi betali alau ke rumah panjai, nya meh indai madah bisi pedri @ father ke udah begulai engau kami di Tatau suba madah ke tetenguk ka makai kasam ikan. Nyu lelengau ka makai pemakai kita bansa ko ia bepesan ba bala ibu engau petunggal aku ke bisi ke nemuai agai menua kuin jabit ujung taun nyin kemari. Hahaha nemu lelengau ka makai kasam ikan sida ribai wakakaka. Father tu cukup enda milih utai dempa, naka pemau kasam maia bai bala makai ba rumah panjai ambis meh empa ia, nama agi ti makai kasam gaga apai aku sigi idup isi ia maia makai ( ngehehehe muji apai diri pandai ngaga kasam indai dara - amat ahhhh nadai bau jai baka engi kedua ka ngaga kasam ti ia ngasam tang indai dara alu bedau belajar - hehehe gaga laban agi bisi apai ngaga kasam)

Ngisi gelung aja indai dara - ukai beleman nama tak kena asai. Tadi belauk kasam ikan guring engau rebus terung masam gulai tahai ( ikan tamban salai bai kaban ari limbang). Nyu lebih ari limit meh asi, nyu dua kali nyengkau. Ko jaku ka diet ngurang ke makai asi ngicha ke kurang agi lemak enda alah tanchut nyu majak betukar. Adai pan tan nyawa ga ka majuh neyyyyyyy

Nya gamal utai dipajuh indai dara tengah ari tadi - kasam ikan nadai gamal - indah gambar terung engau tahai pan songlap ari google