"Live" ari TV Indai Dara @ TVID

Apu kini penunga indai dara ney??????? kada enda engau team penyelamat ngari ke menua malaysia ke jipun kin kini???? tauka kiruh nyadi riputa ngari ke sida CNN al-Jazera , BBC tauka CTV news kini muahahahahaha pemadu ahhhhh


Sekumbang ke kemisi sekula tu rerunguk indai dara di rumah nunga TV laban ka nyadi "riputa" ngari ke "TV INDAI DARA". Kelalu maioh penyarut nyadi di dunya maia ari tu nya meh engai enda nemu keno. Legi ti urang nanya engai ke ka bukai ari utai ke disaut baka sida makcik rus hahahaha mesti ka nemu ga utai nyadi tajapan kerja semina nyadi PENGURUS RUMAHTANGGA hehehe setidi nama keja indai dara kan????? nyadi manija anang jilis meda pemesai pangkat taja gaji makai aja

Sida ke beperang kapa enda sigi utai digaga tauka digiga. Tang utai ti dikasih ka sida ka tusah ketegal "natural disaster" baka ke udah nyadi ba jipun. Udah ga merinsa ketegal tanah berenyang engau tsunami, diatu penusah setegal nuclear plant ga.

Enti 2nd world war kelia kitai ninga urang menua nyebut KAMIKAZE laban ke ngering ke bansa engau menua sida, diatu utai tu nyadi baru meh. Ba penemu aku bala nuclear technician ke gawa ba nuclear plant nya pan amat ngembuan semangat KAMIKAZE. Ni ka mati, ni ka masuk spital - sida tu berambun ke nyawa ketegal deka nyelamat engai ke reactor nuclear meletup nyu nambah ke penusah ti cukup berat udah nuntung menua sida.

Ba ia makin ari makin maioh meh penguji ba kitai mensia. Kitai enda nemu kemaia pengujung dunya deka datai tauka nyadi. Semina Tuhan aja meh nemu kemaia. Kitai semina diau sementara ba dunya tu nya meh dikumbai dunya injau.

Maia tu benung sales. Nya meh maia kemisi tu tadi bisi nganjung diri nyenguk Alamanda engau pavillion sereta sempat ga nyengkau sida tanchut laban ke bisi 50%.

Tinggal 2 ari aja kemisi sekula. Minggu baru sigi laku ensenis indai dara, ni ke ensenis meribit, ni ka cuci-cuci sdn bhd, ni ensenis dobi, ensenis tuition centre, sebut aja semua bisi, ni enda kaya - tang meh pengaya nya mina kaya ke tau kena makai ruti aja ga nadai mai ke pemaioh $$$$$$$$$$$$$$$$$$. Sigi gaya ensenis indai dara ba sempama jaku laut ( jaku tu selalu endar disebut cikgu Jamal ke ngajar kelas kami science nama bala kami sekelas rerangap ti ia nanya paham kenda) Ko ia kita tu baka " berniaga buluh kasap, dapat pangkal ujung lesap, dapat ujung pangkal lesap, dapat tengah-tengah dua-dua ( hujung & pangkal) lesappppppppppp. Nya meh penyadi ensenis indai dara.

Bah mupuk dulu ila berandau baru - lemai tu ka ngaga ensenis dobi - ngambi tender nerika baju sekula anak. Lemai pagila ka melepak, bisi bala mai makai ngintu ari pengada anak.