Bala indai-indai selalu berandau engau pangan diri maia betemu ba sekula anak ti bisi pengerami ba sekul. Macam-macam meh randau. Berandau ke bala anak nemu nusi pasal kawan engau sapa family sida, berandau pasal hobi engau macam agi. Nya meh bala indai tu tadi besebut ka anak indu selalu agi becerita pasal kawan sampai ke cerita pasal family kawan sida pan sida nemu enda baka anak lelaki ko sida. Anak lelaki jarang becerita pasal kawan sida kenu.
Bala aku semua nemu becerita magang anak indu engau lelaki. Anak aku ke lelaki selalu becerta pasal kawan ia ti puh "mengadu" hal family ngagai ia. Anang numbai anak lelaki enda nemu sharing problem sida ngagai bala pangan. Siku ari pangan anak lelaki aku puh amat mengadu ngagai ia. Bepun ari indai engau apai ia ke enda ngam sampai ke diatu apai engau indai ia dah officially sarak lalu dah enda tingal begulai agi. Nya meh ia nusi ngagai anak aku pasal indai ia ka minta bagi reta engau apai ia sampai apai ia ka bangkrap meh ko munyi utai. Last year anak aku madah kaban ia tu bisi madah sida ka pindah ke UK nitih ke boyfriend indai ia. Lemai tadi kaban ia tu mai anak aku engau bala pangan ia ke bukai "sungkei" ba kedai enda jauh ari kami diau.
Nya meh pulai ari engau kaban ia berbuka puasa tadi ia nusi baru cerita ngagai aku. Ia kebendar sida menyadi (bisi 4 iku) engai engau indai sida. Nasit ga apai sida ia tu sigi selalu ngagai sida sereta mai sida bejalai ko ia. Agi mula-mula apai engau indai ia ke carut, selalu ia nyabak becerita engau anak aku pasal family problem. Sinu ninga.
Nya anang kita ngumbai anak lelaki enda nemu becerita engau pangan diri pasal pengidup kaban sida ia empu.
Bala kaban anak aku balat amat nyadi mangsa apai indai ke sarak. Ingat aku taun nyin kemari, anak aku ke no 3 baru primary 2 - nya ia nusi classmate ia siku nyabak2 datai sekul laban tusah ati ka apai engau indai ia ka sarak. Enda kasih kita ninga, nembiak baru umur 8 taun udah ditinggang masalah emosi (keni ko jaku iban nganu tu nehhhh???) Nadai endur bukai meluahkan perasan bak kaban sekelas ka rapat meh tudah.
Nama runding kita???? aku selalu tegenung kediri ama bala anak nusi cerita bala kawan sida kelebih senentang hal apai indai sarak sereta enda ulih diau engau urang dikerindu ke sida.
7 comments:
Nya meh Andan, kasih meda bala anak mit ke tertekan emosi sida laban masalah tuk. Sinu aku ngenag petunggal aku 4 iko diri menyadi 3 tahun lepas ditinggal ke indai sida, nyu sarak apai indai sida. Bebagi sida semadi, tuai dua iko ibun apai, biak dua iko ibun indai sida. Belaki baru indai sida enggau Pak Arab, diburu indai ia ari Cameron Higlnad beli ke ticket bas asuh ngiga kak sida agi belajar di KL. Nama bansa mensia nyenai nya. Taun tuk tadi cun beberapa ari sebedau wed aku, uncle ku ke biak endar pun sarak enggau bini. Anak ia agi mit, sinu ngenang sida ke ditinggal ke apai sida ke dadak amat gila indu. Nya Kemari call sida ia di Kuching aku, lelengau aku ke Cousin aku lelaki nya, laban suba agi mit ia maia aku begulai enggau sida ba Kuching. Kasih anak mit enda ulih idup sebilik enggau org ke disayau sida.
cat -> nya meh ko aku agi mit2 dah tekanan emosi. Bak ia tusah amat mensia macam2 perangai ia ke laki gila indu (taja bini sida indu ga) sida ke indu gila lelaki (laban ke ka malas dendam kenu tang sigi ga ka pia pada hal laki sida ia lelaki ga) tusah-tusah ka enda berunding bala diri sebilek ga ke bansanya , apai indai enda aku kiruh sida ia ka ngiga masalah bala anak sida ke dikasih ke kitai.
Andan, aku sigi sinu enti nemu anak urang sarak apai indai. Tusah ka nyebut mayoh, ba ruang bilik aku empu nyau udah nyadi kes baru tu. Ka terubah iya meh tu.
Eh enti disebut ditu, aku kena sue 'somebody' legi, taja utai disebut aku nya betul.
Enti enda kering pengarap, bakanya meh pengidup. Kitai taja baka ni ni pun, naka ulih iya idup enggau laki enggau anak, anang sarak.
Tang nya meh... lain urang, lain ga runding.
Manah sebengkah ga anak tu nemu sharing. Laban, enti enda, kitai enda nemu ni penyauh ia ulih ngenat ke penusah ia nya kediri. Sharing tu,enda tau di sema enggau gossiping, lain cerita siti nya!
Kami sebilik udah bisi meh kena 'penyakit' tu. Enti nya 'becerai manis' ka urang, isak ga. Anang lagi lalu nuduh pangan enda mukai2. Nyu bala anak ga jadi mangsa. Dua iku niece aku, udah enda enggau kami begulai agi diatu tegal jaku tenah meh nya. Diatu agi sinu aku ke seduai ia. Sama rambau enggau bala anak aku empu. Semina ia ke tuai udah nemu mimit diatu, nemu ka nyapa kami sebilik. Agi ga ngelala apai ia empu, laban agi mit ditaban ke indai seduai ia lari...pia deh.
Enggai ga tentu ka nyalah ke sepiak aja, tang semina sebana ke niece aku dua iku nya tadi lalu ditagang indai seduai ia betemu enggau aki-inik ke ngidup ke seduai ia ari mit. Kurang budi urang nya.
flo -> amat ko nuan nya flo tusah endar ga laban runding kitai mensia enda sama dahnya kumbai urang kitai tu nemu bejaku aja meh ti maia kitai nguji nulung sida meri idea ka ulih diguna ngicha ka perkara bansa tu ulih diseliah. Tang nya tadi meh alasan dikena mensia enda sama runding kenu. Tusah neh diatu mensia dah kelalu pintar mimit2 alu ka disaman urang kitai ama bejaku utai ke betul ( psssstttt hati2 tua engai ke nyau under ISA hehehe)
lyana-> auk sigi enda sama sharing engau gossiping neh wai. Kena tudah ngurang ke utai tu nyu tusut ba untak meh jara nya nyu meluahkan perasaan ni enda nyu sinu kitai ninga nembiak umur 8-13 taun sharing penusah pengidup diri ketegal apai indai ke sarak. Auk raya ga kes engai nuan tu neh amat enda ngenang budi sekali ga ti bansanya. Ngarap ke anak ia ke tuai nemu madah engau adi ia meh ti nyu dah besai ila seduai ia bisi aki ini ka sayau ke seduai taja indai ia enda ngasuh sedua ia ngaul bala sepiak apai. Nya meh ko aku apai engau indai ke sarak lantak sidalah malas ka mikir sapa ke salah sapa ke betul tang anak sida ia ke dikesinu ke kitai neh wai ukai sida nemu utai. Bak ia pengidup kitai mensia
kemaya ari tok sigi mayuh kes bakatu..bansa kitai pun mayuh..aku ngasai kediri empu..mak enggau apa aku sarak masa aku umur 5 taun.Kami menyadi bisi 5 iko bagi dua.3 enggau indai ku.2 enggau apai aku..Sampai diatu aku nadai kala betemu enggau akak aku.Betemu nda meh ngelala.Susah sigi amat susah..Tuhan aja nemu..
Bala ka udah belaki bebini serta bisi anak sigi sinu pama ngenang ulah sarak tu. Suba maia agi dara bedau belaki enti ninga jako sarak enda entu mansa ati iga tang diatu udah beranak 2 pama ninga jako nya sigi lalu sensitif asai ati.Alu sinu meh ngenang. Sigi bendar meh besampi ngicha ka ruang bilik bahagia ko urang. Tang munyi ko jako enti atur petara bakanya apa boleh buat. Sarak tu maioh kebuah munyi ko artis 'tidak sefahaman' maioh didinga kitai. Amai pedis ga pama idup enggau urang ke enda sama penemu enggau kitai. Bedau kawin semua indah, udah kawin baru nemu ulah sebenar. Nya meh ia ka paling pedis jamah pengawa sarak tu sigi anak. Enti ia agi mit, eh enda ngawa ko bedau nemu utai, ko aku nya ka kasih agi. Benung ka amai di kayam urang. Enti besai ia lalu nemu berunding, ia nemu sinu, nemu berasai asa ati, nemu diri empu kurang pengidup. Enti ka pandak runding, lalu tesat meh pengidup ia. Aku ka sharing pasal cerita sarak tu ba new entry aku. Lalu kin.
Post a Comment