1- Kala meda utai dempa tu????
Nama utai tu????? kala kita makai nya???? Ti enda ka kita nguji????? banyak songeh betuk ini amu tanya macam-macam. Hehehe kati deh enda maioh tanya amu tu ga sakai enda nemu utai.
Tepeda ka utai tu ba siti restoran cina. Geo Duck nama utai tu. Mal diri rega tang nyu enda tingat berapa enda sekilo. Ti beri free tang nemu nya geo duck enda meh aku berani nguji.
Kati baka kit ka nguji kini????? uji anang enda hehehe
2- Macam-Macam Cerita
Lemai tadi benung maca news menyadi aku betali alau ari miri madah ka siti berita enda manah. Nemu nuan sanu????? masuk spital laban makai ***** iskkkkk biar betul ko aku. Amat ahhhh menyadi ia madah agai apai udap(ko nganu nyebut laki ia). Tadi mansa rumah sida bisi sedia kem. ishhhhhh ko aku ga. Nama meh kebuah ko aku ga nanya, entah enda nemu ko menyadi aku ga. Ngarap ke kuasa Tuhan nyelamat ke ia sereta meri peluang sekali da ngagai ia meh.
Teringat aku utai ke nyadi ba petungal kami beberapa taun ke udah. Lutor udah madah enda ulih selamat sereta bala kami sekaban ke meda pendiau ia ba spital pan nemu ia sigi enda ulih idup (setegal ngirup racun. Bendar bala begiga ke utai kena nyelamat ke ia kelimpah ari sida lutor sereta sembiang. Bisi siku kami semenua ke ditemu ngempu ubat (nadai nama-nama ga ubat ia tu - ari rumput)ulih ngerai ke urang ka makai *****. Udah ke diberi ia makai ubat ( ngaga apai tuai nya empu) ari siti petungal aku nya beransur manah. Lama ga ba spital. Seput agi panjai ia agi idup nyentuk ke saritu. Ka ngumbai cerita tu bula - apai aku empu ga meda
Nyerah ka kaban aku nya tadi (junior maia agi sekula kelia) agai Tuhan meh kasih ke bala anak bini ia.
4 comments:
Nama nama utai ba akaurium nya andan.. lain macam ja gamal.
Aku bisi betunggal jauh suba ngirup racun meh. Panjai cerita. Sampai diatu agi idup laban ka utai diirup iya nya ukai tulin enti enda salah.
Macam-macam... kasih apai & indai iya maya nya.
Nama Geo Duck, wai? Baru ia meda jelu/ikan (???) baka tu.
Au, arap ke kaban nuan nya tau diselamatkan. Besai endar penanggul dalam ati ia din, nyu kempang ka munuh diri baka nya. Kasih ko.
Amai nyelai gamal jelu nya. Terubah aku meda kumbai aku 'telu sida ke lelaki'. Pemadu. Apu makai racun pia. Aku bisi meh cerita makai racun. 'Ngerau' wai indu makai racun ba menua kami. Amai besai penanggul serta masalah sida ka makai racun tu.
udah aku ngepos special edition pasal geoduck nya hehehe
nya meh amat kempang ati sida ke ngirup ***** tu. Ka aku ngaga siti pos pasal nama kebuah mensia kempang amat ati ngirup *****. Maioh amat bala ke dikelala engau bala kaban ka udah bebadi setegal pengawa tu. Nyu teringat ke ibu kami ke biak (menyadi iru apai aku tang taja pia indai sida ia diri menyadi) pan bebadi setegal kempang ati ngerja pengawanya - nyu sinu ngenang. Ila meh tu maia ka aku ngepos pekara tu
Post a Comment