Ari Pengada Noie

14.01 birthday Noie. Ngintu kediri kami menyanak baka ke ngelama tu. Nya pan nyu laun nurun laban nyu lembau nurun. Ko jaku nganti lemai ari 5 sekali tang tuan empu birthday engai enda malam tadi ga.

Nyu ka pukul 8.30 malam kini kami manak nurun ari otil ( nyu pedis untak diau ba otil nganti rumah ke bisi) Dahnya nyu tetiki ke flyover ke baru gaaa nye nyu ngiga endurr beputar baru ga kami manak. Saru suba ga bedau tembu tambah agi malam ari enda entu dipeda dunya. Ka pukul 9 malam baru datai di sunway pyramid. Alu agai Toni Roma kami menyanak.

Nama agi alu mesan utai ka ati diri bala anak. Engi kami duai Noie kunsi makai spare rib ( enda alah empa siku ti ngambi roma slab hehehe)

Malam nya bisi 3 iku sida ka sama nyambut birthday dia. Nadai meli kek kami-nasib ga bisi desert diberi sida Toni Roma alu diengkah ke sida ia siti dian ba tengah-tengah desertnya. Bendar bala staffs ia belagu hehehe enda rugi ga makai dia bisi urang belagu ke ia.

Tang nya meh enda berapa endar tukang gambar aku tu asuh ngambi gambar urang ke nyepu dian utai bukai ke digambar ia akaidaiiii enda berapa mat urang bujang ku sikunya. Ka upload gambar ka parai ka connection alu enda ulih. Ti bisi ari ila ga upload gambar.

Selamat Taun Baru 2010

Naka pengelama ruai enda petang sereta puang. Kelalu maioh utai nyadi ba ujung taun 2009 ngasuh sida ini andan nyu nadai ari betepas ke uras besapu ke pukat empelawa ke nyu baka tali karan munyi ko jaku urang tuai.

Ni ke begau ngabas bala ke sakit, ia ke nadai sereta bara kulu kili kin kia sekumbang nembiak ke pemisi sekula. Nya meh nyu nadai ari ngabas ruai diri ba menua cyber.

Ngagai bala temuai ke suah nemuai agai ruai ini andan tu aku deka meri selamat taun baru 2010 ngagai kita semua, ngajih ke taun tu mai berekat sereta pengelantang ngagai kitai semua.