Tuesday 29 June 2010

Teluk Temedak - Kuantan

Laban kenda pulai ke menua lebuh kemisi sekula tengan tadi, dia kami menyanak bejalai ba menua malaya aja kena ngapus ka kemisi kenu. Sekali tu kami menyanak milih menua ba Pahang nyadi ke tuju pejalai maia kemisi sekula tu. Ti urang meda entry ku ke sekali tu enda entu nemu jaku Iban sigi bendar ia ngiga menua teluk temedak ba mip menua malaysia hahaha dini enda kenu. Laban ke ngena jaku diri empu deh - kitai ga nyebut cempedak nya temedak.

Ba minggu ke penudi kemisi sekula (ari satu) udah ngirup pagi nyau kami manak mupuk. Pelaba aku enda lama agi bisi saman tripik datai laban benung kami ba menua tunga ke karak highway peda sida pulis tripik belalai ba divider jalai ngena terupung sida laksama doremi nerupung driba ke mai kerita lebih ari limit. Nyu ngalih ari kami manak datai ba teluk temedak. Lama nganti urang ngadu ke bilek laban siti bilek bedau tembu dikemas urang nasit siti agi udah nya alai besimpan barang ba bilek siti dulu, udahnya baru nurun makai laban nyu bekeriuk perut



nya gamal sida menyanak


rindu aku meda tebing tasik ba teluk temedak tu - ti bisi anak belanja dua tiga bulan sekali lepak ba dunya baka tu celap ati ( pu kala kita ninga jakunya hehehe)


malam ari rindu meh duduk dedugau ba tebing tasik tu nunga ai tasik engau engkadah langit tengah malam enda meh berasai ( maia ke lepak tu sigi ga nyu ka tengah malam)



mar mat mayar mudil kami tu diatu - balat amat "demand" gaji dd ia hahaha



tu mudil tuai dd ia pri op caj ni enda gaga sida kamihamin memayuk kelengan aginya ( enda tau beleman kitai mudil tuai, auk aja ama urang ka ngambi engai ke kamihamin masam mua




rindu amat meda gamal rampa menua tu ari tanju ba bilek util besari-sari nunga ka meh ia ga meda kapal layar bala sida ribai nyu betelagung ba tengah tasik, ti malam nyu bekepelik api sida ia nyu berangan engau sida mat jenin ga tudah aku (ti aku kaya ilaaaaaaaaaa ka engau urang ngasai ke pengidup baka sida nya ahaiiiilangai ketawa jegit dulu tak naka-naka, pemaduuuuu utai ke di angan ke sida ini andan enda ancik-ancik)






dua iku mudil tu sigi on belama ama kamihamin ka ngambi gambar enda milih siang malam






manah endaaaaa rindu meda dunya tebing tasik tu







tu ba endur public pikenik ba teluk temedak - maioh diri urang kitu enda milih siang engau malam ni enda McD n KFC 24 jam ba teluk temedak tu dahnya maioh kedai makai, ni ke sida pubpop agi enda enda maioh enda urang injui








nya nyu biru tasik - ai ga bersih ciru engau biru engai mandi ai masin nyu ka meh meda pemeresi ai ba tebing tasik tu
PENGUJUNG IA - ka nemuai baru ama bisi peluang










Friday 25 June 2010

Selamat Ari Pengada Agai Sulu AKu

SELAMAT NGINTU ARI PENGADA KE 43 TAUN

Saritu 25/6 sulu aku nyambut ari pengada ia ke 43 taun ngajih ke berkat Tuhan engau ia belama - senang lantang gerai nyamai lantang senang bulih utai ( ngambi aku tumpang dua kaki hahahaha naka penyegit sida sida indai urang peiiiii)

Wednesday 23 June 2010

Pengawa Maia Kemisi Sekula

Maia utai nyadi maia kemisi sekula 2 minggu tu tadi - gagau kenu nya meh beluk lama enda ditungkun ke kelita.

1- Ala-Ala Gawai Open House

Laban kenda pulai gawai tu tadi kena mantup ke tetenguk kami menyanak bisi ngangau ke bala pangan ke rumah. Ukai ga nyengala open house (semi open house) Bala ke dikangau pan enda maioh ga. Bala kaban sida anak ke maioh agi. Menu kami manak sari nya KELUPIS ( jauh mat daun kena ngaga kelupis dibai ari miri. Mesan ba bala ke raun agai ostolia ke ngetu enda lama di kl) DAGING MASAK HITAM engau LAKSA SARAWAK, KASAM IKAN.

Rami diri ga deh nyu asai ke di menua meh. Bendar diri bala. Tepantup ga ati ti ka begawai. Nadai gambar bz nerima n nyamu pengabang ko kitai ahaaa

2-JJCM -Jalan2 Cari Makan

Sekumbang anak ke kemisi sekula nyukat pemesai shopping complex kami menyanak nyu puas ke panas diau di rumah. Ba minggu terubah ke kemisi nya meh pengawa alu enda alah sukat ka pemesai sida shopping complex

Ba minggu ti kedua - kami manak bejalai agai kuantan kin nyu puas dedugau di rumah. Ari 1 kami manak kin. Diau ba Teluk Temedak (CHempedak) 2 malam dia - bendar nunga tasik, nasit view dia manah amai bakanya mega ai tasik chiru. Maioh diri ga kapal layar sida ribai ngetu ba teluk dia. Pagi-pagi nurun ga sida ngalu ngena perau mit. Cukup jam maia lemai peda mupuk ga sida bebatak ke perau ke sangkai ba tebing tasik. Ti kaya nyu enda nemu kini muai duit agi ka nunda sida ribai nya ko aku ngelagu ti hahahaaaaaa TI KAYA. Tang ti baka aku ke pemedis pala tu engka ka tusah-tusah ga pelaba aku nyu lagung2 dalam kapal. Jarang meda ai tasik nadai alun tauka umbak. Puas mandi ai klorin ( ba pagung endur nyemerai) nyau ga kami manak be'erit-erit mandi engau nyemerai ba ai tasik ( Puhhhhhh lama mat enda nyemerai ba ai tasik - mulai ke pengingat puh endar regak-regak sebelah luak engau tanjung lobang maia skula kelia nyemerai ba ai tasik)

Sebedau ke pulai ari 3 sempat kami manak ngelimpang kediri nemuai ke kemaman nganjung diri makai tengah ari nguji ke "stuff crab" ke pemos din. Maia ke pulai sempai bekelala engau bini tukang masak ba kedai endur kami makai indu ari Sri Aman jadi ke cina kuantan. Udah makai pulai - ngetu belah tisi jalai bebeli ke kerupuk lekor engau kerupuk kering. Nyu ka pukul 7 baru datai di rumah. Datai di rumah BELAYA engau gari ke udah dikasam 3 ari - nyu 1.30 pagi kini tembu.
(gambar ila ngepost - bedau disimpan urang ba litup aku)

Ke Entulu - Pulai Rabat

Pagi ari 4 laun dani laban ke laun tinduk bendar BELAYA engau gari ke dibai pulai bejalai. Semadi tekenyit ningal talipaun bebunyi 8.30 pagi aya aku ke baru datai ari Bintulu lemai ari 3 laban ke transfer ke sg buluh madah ke aki kami udah nadai. Nyu engai mata tinduk udahnya taja agi buntau - tambah mega nyu beguai bejembui ke gari ke maioh amat udah dibasu malam tadi ( ti ulun ku siku (DRYER) enda mogok nyamai enda kiruh bejembui maia berumban baka tu) Ia ga sulu aku mesti ka di ulu ke ga ngambi aya aku ke ba sg buluh. Berumban-rumban da mandi laban ke dibai ia kin. Alu bedau temu ke ka engau enda pulai ke bintulu laban ke nyu begaut kin kia. Udah ke sg buluh alu terus ke LCCT laban MAS flight ke Bintulu enda sempat 11 pagi, AIRASIA pan penuh ga ke Bintulu, pia mega ke Miri. Ka pan enda ke Sibu - maia ke meli ke aya akunya tiket, aku alu meli ga, ka mai minah enda ulih laban nadai surat peranak kenu, tang maia ke meli ke petungal aku ulih ga mina meri no ic aja apa punya airasia. Nasit ga minah enda engau laban ke nyu ngena bas ke entulu nyu tengah malam, ngam-ngam pukul 12 datai di rumah aya aku ke endur nyengai niang aki ( ka ngada ke apai aku). Nya meh bala nanya keni enda bala anak ke tinggal laban enda kala tinggal kediri engau apai sida ia, ngelama tu ti aku bejegau indai engau apai aku engau sida manak tinggal. Nya aku madah lak ke ngambi ke riri tauka telaba. Tang nemu-nemu aja meh keni utai ba rumah. Apu gari sida manak, anjung apai sida agai dobi tang gari ari 6 engau ari minggu bedunjung ga rumah baka tungkang singit sepiak - nya meh 2 ari aku ngelaban utai di rumah engau gari, Saritu enseput mimit ulih bebeluk. Aki nya idup seput aja ngelama tu, 6 bulan kena strok enda nemu kitai semina garing-garing engau makai ngena tiub beridup ngena tusu engau asi bubur ke dipirit. Nyu tingal tulang tudah tuai. 2 malam tudah niang aki disengaie lalu dikubur ari 6 tu kemari. Ari minggu aku mupuk mulai kediri.

Nadai maioh bala engau begambar laban ke maioh udah nganti ba kubur

Friday 11 June 2010

Gollllllllllllllllllllllllllllllllllllllllll

Nya meh penyakit maia diatu - penyakit bul. Dini-dini endur mensia tabin laban buah bul. Dua iti TV enda meh cukup kena meda urang main bul. Tusah laban penyakit FIFA WORLD CUP nadai ubat semadi meh 13/7 ila baru nemu gerai kediri

Aku nyu enda engau urang bepeda ke utai nya agi - entah engka taun tu penyakit nadai sensitivitif benung nyerang aku kini. Ti agi suba nama-nama main sigi dedunga aku nunga TV. Tu tak nadai ati ka meda.

Nyu ingat ke pengeka meda world cup maia agi muda remaja kelia. Taun 1986 kami sanggup "kidnap" TV ari bilek tv bai agai bilek kami gara2 ka meda world cup. Sapa ngulu ke kami "kidnap" TV tengah malam hahahahaha kepala indu pengawas sekula wakakakaka antu2. Danu ketuai asrama kami - indu cina ari entulu (bangkut pendiau) Bendar ngetat kediri ketawa udah ncuri tv ari bilek tv. Engai nyadi ragak laban bilek kenu ko tang meh enda disapat sampai katas nya meh ti ragak sigi ulih dinga sepiak-sepiak.

Ia nama pangan diri ka nyarauh alu embal ke ngena pangal mulut tudah hahaha. Nama pagi ngantuk mata - indu cina bangkut pan ngetir pending aku belama laban ke mit. Indu pengawas enda berani ia nganu.

Lucu mat ngenang pengawa agi sekula kelia - untung ga sebilek engau indu ketuai pengawas sekula laban ke megai kunchi bilek tv - ulih meh kami sebuat naban ke tv hahaha

Diatu nadai kiruh ke meda - kami manak (bala indu) ka meda tv mesti katas laban tv dibaruh nyin ngena biyun (b-yond) engai urang alah mesti ka meda bol ngena hesdei munyi ko messi hehehe auk aja meh

sapa team menang taun tu?????????????? nganti aja meh ehehehe may b brazil or sapa2 meh ke kering nya meh menang ney wai