Friday 29 May 2009

Selamat Ari Gawai Dayak 2009

Meri Selamat Ari Gawai ngagai semua bala blogger Iban di serata dunya. Ngajih ke kitai semua lantang senang gayu guru gerai nyamai bulih utai ohaaaaaaa.

Ka mupuk mulai kediri ke mnenua kami menyanak saritu 29/5. Ngagai bala ke dikelala ke bisi nemuai agai ruai ini tu kelbih agi sida ke di Miri - tau ngabang wai ke rumah (seraya ke berandau - utai dipakai nadai engai bula ukai utai pakai ari gawai anak kupi bisi ga tuak enda tau nadai ga kitai Iban) %hb tau ngabang engka udah pulai ari rumah panjai maia nya.

Bahhhhhh ka mupuk tu - Selamat Ari Gawai 2009 ngagai semua

OHAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAA

Sunday 24 May 2009

Nyamai Endar Neh!!!!!!!!!!!!!!!!!!!!!!!!!!!!!!!!!!!

Naka meh tudah aku dikereja ke bala jiran. Engkah meda pendiau aku enda kaya baka sida kini nya tak ngaga aku tak sepeneka sida ia.

Auk. manah-manah MBM meri engau nyedia ke tong sampah ngagai tiap iti rumah di miri anjung agai tong sampah aku ga sampah sida ia. Puiiiiiiiiiiiiiiiiiiiiiiii bangka kita nya deh antu!!!! Enti sekali enda ngawa tu suah amat sida ngaga aku bakatu. Utai ti ngasuh ati aku bangat tak bulat amat - laban sampah tembu tak dileka ke sida ba tisi tong sampah - akaidaiiiiiiiiiiiiiiii sigi amat jai untak sida tu. Ti nyema untak aku bisi rusak diberi sida pri engai meh aku. Nama rumah aku endur nugung ke sampah pia?????

Cukup enda mereti sida tu. Tong sampah ia digalau ia engka ia semak pintu peda aku sigi enda kala meda tong sampah ia nya pansut, engka nya dikena nyimpan emas kini?????? Tadi entah nyu ke berapa kali ia muai sampah bakanya. Nama kami manak lama bejalai ari mingu ( laban ke ke gerija udahnya beranjung ke sida anak agai sunday school sereta bebeli ke barang) sigi bisi aja sida sampah engkah ba tisi tong sampah kami manak. Engai meh perut buntas nya nepu dalam tong - mesa ni ga pemerat plastik sampah nya , akaiiiiiiii pedis untak laban jiran baka tu,

Nya cerita jiran mua rumah kami - bisi sakit enda betul untak ( menawa sampah kini).

Sida ke sepiak kami ( rumah ga baka stail kutak bagi 2 nyadi semi-D) nya ukai semina enda ibuh ke kitai tang meh mega jai untak baka sida ke seberai kami menyanak. Munyi enda ko jaku laut maklumlah urang kaya kereta nyu 2-3 buah. Tak selalu amat kena empang sida ia mua gate kami menyanak.. Peiiiiiiiiiiiiiiiiiiiiiii pemadu enda nemu ngerunding ke kitai ke empu rumah digaga sida bakannya. Kemari manah agi cerita. Engka kena lantak sida kini mayau, alu ka dibuai sida ba mua rumah kami menyanak (ba semak endur sida seberai puh nugung ke sampah). Tak enda mukai-mukai kami mnyanak datai bejalai nyu tepeda ke pengawa sida ia. Nya meh aku kucau-kucau dalam kereta bejaku kediri mucau ke pengawa sida ia. Sigi sengaja dipeda sida ia aku ke ringat. Nyu pemuas sida ke b"betinco" engau pangan diri diperati ka aku ari mua empelua ( jendila) ba bilek atas nyu ngambi cangkul siku numbak ke bangkai mayau nya tadi. Enti kami menyanak enda tepeda ke pengawa sida ia nya tadi sigi bendar ensium but mayau engkah ke sida ba mua rumah kami menyanak semingu tu.
Sigi bindik amat aku bisi jiran bakanya. Merinsa pan aku enda meh minta duit ari sidi ia kena makai - anang meh ngaga kami menyanak bansanya. JIran ke jauh agi - manah magang engai ga bula nusi deh sida ke sepiak engau seberai rumah kami menyanak ke pemadu enda mereti, Engau bala jiran ke nguan rumah baru ba mua kami dia lawa magang engka nyepi rumah diri baru kini - lantaklah engkau labuuuuuuuuuuuuu tak hairan engau rumah kita ke barunya ila 12 taun ke datai bakai engi aku meh penyaie rumah kita nyaaaaaaaaaaaaa.

Nya meh tau dikumbai kitai perut jani perut perutiiiiiiiiiii mensia baka sida tu

Friday 15 May 2009

APUUUUUUUUUUUUUU NEH!

Pengidup kitai mensia sigi baka cerita drama ke dipeda kitai ba wayang tauka TV. Munyi ko falsafah dalam pengidup bansa sida cina bisi Ying engau Yang nya alai bisi senang - tusah, gerai-tabin/sakit/enda dapat, idup -mati, kaya - miskin engau maioh agi meh.



Pemati sigi deka datai ba pengidup siku-siku kitai mensia semina kitai enda nemu kemaia sereta baka ni pemati kitai. Bisi kitai mensia mudah amat ngapus ke seput bisi ga merinsa amat.



Lemai ari 4 tu kemari petungal aku ari Entulu bisi betali alau madah ke bala di rumah panjai bisi tusah. Dalam pala aku nadai urang bukai sangka aku laban aki kami nyu tuai sereta enda entu pengerai sigi ia sangka aku. Ninga nya nyu nyebut nama petungal kami - bahhhhhh nama utai makai ia ko aku nanya (sigi nya jaku aku ke dulu pansut a ma bala bisi madah ke berita pemati)???????? deh nadai ninga rita sanu nya sakit aku, ko aku enda puas ati.



Nya ia madah bebadi ba kem batang endur ia kereja ba jalai Tatau-Sibau kem 88 ko ia. Apu nehhhhhh naka meh pemarai tudah tuai neh. Malam tu dibai ke Entulu laban ka anjung ke nyabau (spital entulu) ka post mortem ko ia.



Malam tadi aku betali alau agai sida apai aku di rumah panjai din nanya ke cerita pemarai tudah tuai laban ke alu bedau entu temu bakani ia tu tadi bebadi. Subur ke dideriba ka ia padam ka dibrek = brek enda makai. Ti dilak ka aja labuh agai arung nya tak dikuing ke ia nunju pun kayu. Nyu rauh-rauh ia ngasuh bala ka semak sia ngadang alu dasuh ia rari sida ia. Bala ke sama engau ia kereja nyu rauh-rauh ga ngasuh ia terejun ari subur nya. Tang munyi ko jerita kaban ke sama engau ia kereja ti bisi engau nyengaie ia di rumah panjai kami madah ia tembu tak ngasuh urang bukai rari ia empu nadai ia ngerunding. Nya meh ko apai aku sigi udah kangau ia mehnya laban ti ia muai diri ari subur nya sigi enda ia parai.



Nya meh udah ke ngerangar ke subur ia agai kayu belahnya ia alu tepelanting labuh ke baruh. Subur ia pan nyu tungang langang alu tayar ia ningang tudah tuai. Enti kaki ia ditingang tayar subur tadi baik ga agi nya takkkkkkkkkk enda mukai-mukai pala tudah ga kena. Nya meh nyu nganti pulis datai ngecek baru urang ngangkat ke tayar subur ke ningang pala tudah tuai. Nemu ga kita pemesai tayar nya dini meh jalai kitai mensia idup pama nyu pala ke ditingang.

Apu neh ko aku nyaut apai aku ke bejerita tadi naka meh pemerinsa pemarai ia neh - nya meh ko apai aku ga nyaut, nyu ulih ngumpul meh mata engau untak ke nyu meacil-acil belah nya. Akaidaiiiiii kasih meh tudah neh.

Semadi meda jari ia baru nemu nya bisi utai dalam sentubung ko indai aku. Ni enda deh - ukai tudah tuai bisi pala agi- ditutup ngena kain tula tunga ke pala ia. Nya meh pemarai kitai siku-siku mensia.

Ia ke parai nya tadi ukainya tuai - jauh biak ari aku-baru mangai 30an nyu enda ingat ke berapa umur tudah tuai tang ia bedau datai 35 dipelaba ka aku- mina anak tudah tuai ke maioh ( 6) nyu baka anak tanga laban ke bini ke pisit beranak. Agi beteremit anak tudah tuai.

Bulan nyin kemari tanah ini kami ga nadai ( menyadi aki aku) indai tuai siku nya cukup nyamai ga pemarai ia. Tinduk alu nyau nadai pemadah munyi ko jaku sempama tuai. Sigi bisi pemedis ga tudah tuai laban bisi sidin ba jalai alun setaun ke udah - nyadi bisi patah tulang rusuk ia suba. Tang urang tuai tu enda entu sebana ke pemedis ia. Nyadi siang ari sebedau ia mati maioh pengawa dikereja ia baka urang ke gerai - dahnya lemai belelak ngetat kediri gali ba sofa alu tinduk seduai mucu ia. Angkat siku ari ucu ia minta duit alu ngerak ia tang enda ga dani-dani. Nya ucu ia tadi ngumbai ia ngaga diri mati (laban ama bala ucu ia minta duit ia puh ngaga diri mati) nyu pemuas nya tadi nemu ga ucu ia tu tadi ngama seput ini ia. Mati ini tu ko ia - amat meh tudah ini ia mati. Nya ni enda nyamai amat pemarai bansanya. Ba ia idup kitai tu penuh engau drama. (nyu baka jerita pengingat tuai nya meh)

Nyu baka kenda bebasa ke tudah tuai meh kami manak laban ke enda ulih pulai engau urang nyengaie ia-anak aku ke no 3 nyu peresa berangkah ari saritu, pagila (kelas ganti engau ari cigu). Engai nyadi ga mindah. Bisi ga apai engau indai aku ngari ke kami madi kenda ulih datai engau urang rabat

Ngarap ke seduai ia RIP

Friday 8 May 2009

Selamat Ari Indai

Selamat Ari Indai
Kad digaga minah bai ia ari 4 tu kemari
(cantekkan mami ko ia nanya aku - cantek ko aku gaga amat ia)




Selamat Ari Indai ngagai semua indai kelebih agi ngagai indai aku empu - ( bulih beg baru ia tadi prizin ari indai - ukai nama deh beg tudah tuai benung kami bejegau ba parkson PUTUS tali hehehe nemu endar beg ia nya nehhhhhh)

Wednesday 6 May 2009

Aram Tuchum Lelegup

kala ninga jerita urang nepan bilum ke tau ngasuh ngeli kitai rangkai kita kelimpah ari jerita ka didinga ngenang tudah niang aki kitai Tun Jugah????

Kemari kami mindai bisi bejalai ngelawa kaban lama. Pemuas ke berandau nyu datai ba cerita betepan ke bilun. Macam-macam meh cerita kami sebuat. Nya meh ibu ke endur kami bejalai nya tadi mantai ke cerita ia ke pulai ari ai ngelan (England)laban ke ngibun anak ia beranak din. Maia ke pulai ari ai ngelan nadai urang dikelala sereta engau ia. Ia tusah ati sereta takut - nyu pemuas sida manak engau menantu berunding nya ia ngasuh menantu ia minta kerusi roda ngambi ia enda irau ke tesat tauka tingal bilun ari landan (London) agai kl alu datai ke miri laban bisi urang nganjung sampai ke dalam bilun sereta maia pansut pan bisi urang ngadu

Ahailangaiiiiiiii tak naka-naka. Dasul ke urang meh ia dehhhhhh. Nya meh ia nusoi ba ipot di landan tak ditebah urang siren maia urang nganjung agai endur nganti. Kumbai urang amat enda ulih bejalai meh ia dehhhhhhh. Sekali datai di Miri maia urang ka ngasul ia agai bala anak ke nganti dia ia angkat alu bejalai. Nya meh munyi ko jaku sida anak dengan slumberlandnya dia belenggang kangkung berjalan. Nya ko ia. malik enda meh anang agi ka nyaut urang ka ngasul nya eran sereta nanya ia . Bendar kami ketawa meda anak ia nunda cara indai ia angkat ari kerusi roda alu bejalai pansut.

Baik jerita ia tu ngasuh kitai ketawa. Bisi siti agi jerita kerusi roda ke ngasuh kesal ati, Bisi bala ari Bintulu nemuai agai anak ke ng latak kin. Mansang bisi urang engau sereta. Nemu aja meh urang tuai nadai ka lama diau ba negeri, maioh penyakit sida tebantai. Nyu enda alah ditan ke anak ia agi keran minta anjung pulai iaga takut pulai kediri. Anak engau menantu nadai ulih limpang nganjung ia pulai Nyu puas anak ia berunding bakani ia ka ngirum ka indai ia - nya ia bulih runding ngasuh indai ia ngaga diri enda ulih bejalai ngambi bisi urang ngasul sereta nganjung ia agai bilun. Ka pan enda nitih aja meh tudah indai ia tu tadi laban ke keran ka pulai,

Sekali tudah tuai datai di Bintulu sigi agi dasul ngena kerusi roda meh ia nitih ke ajar anak. Nya anak ia ke nganti ia nyu kesal ati meda indai ia dasul urang. Nyu nyabak ia meda tudah indai alu kucau-kucau nganu akak ia ngelak ke indai sakit pulai kediri. Engau sabak-sabak betali alau engau akak ia nanya nama nadai madah ke indai ia sakit pulai kediri. Nya akak ia madah nadai jalai bukai ga deh-asuh pulai kediri ia engai mati idup engai laban ke buyan sereta engai kediri. Udahnya nama agi dehhhh nyu tegagap meh sida sebuat ia ketawa

Pama meh jerita tu ngasuh kitai tuchum lelegup - kena ngelantang ka ati ngicha umur panjai nehhhhh. Ngarap ke umur diri panjai sereta gerai meh Pagila 7/5 ari pengada aku- nyu berasai mai umur betambah tajapan baru 24 ehhhh salah 42. Nganti sulu datai ila (nganti official bday 16/6) ka minta prizin aku nunda sida anak ahakzzzzz