Wednesday 8 August 2007

Ruai Nyu Penuh Pukat Empelawa

Akai dai lama amat nadai ngabas ruai nyau penuh pukat empelawa laban laban enda besapu. Gagau kenu ko jaku tang nadai ga utaii nyengala ngasuh gagau pengawa rumah baka selama ga. Engka nya maia tulang ka ngelusu kini.

Tambah mega anak nyau ka test UPSR nyu gagau ga engau ia ngicha ka bulih pemutus peresa ka manah meh. Nadai apai indai deka ka pemuitus ka enda manah pelaba aku. Buji reta dunya nadai diberi tauka dipeturun ngagai sida. Pemandai nya diguna dalam pengidup ke maia ari tu. Ngicha ka sida idup jauh manah ari pengidup diri empu. Reta dunya nemu abis tang pemandai enda nemu abis tauka lenyau.

Bendar meh meransang sida ngicha ka rajin maca engau ngaga pengawa sekula. Maioh macam janji disemaia ka enti bulih pemutus ka manah ngicha ka sida ransing agi. Utai bukai kira ok munyi ko utai tang BM nyangkut belama pahai kitai.Baka engi aku anak lelaki agi tentu besai agi pengarap ngambi ia bulih pemutus ka manah agi. Ukai nama ngarap ka ia baka nya laban ia lelaki ia ka nyadi tulang belakang ruang bilek taja pan urang indu pan sama mega tanggung pengawa maia ari tu.

Besampi ngagai Tuhan ngicha ka meri berekat ngagaii anak bujang aku ka siku nya dalam pengawa sekula engau test ti deka datai tu ila. Amen

No comments: