Ngetau

Malam kemari bisi betalipaun ngagai bos di rumah panjai- lama nadai talipaun maia ka bisi talipaun enda ulih kuntik ga laban bos puh bejalai ngabas bala ke sakit meh, ngabas bala ke rabat meh bai urang sembiang meh binzi amat ga urang tuai nya. Baru demalam ulih.

Nya meh bos laki madah saritu ngetau seduai ia- bah nyu dah mansau padi pio ku aku. Nyu mansau memagang meh padi - tang pagila mupuk ngetau umai paya dulu ko ia. Asai ke tumu seduai ia ngetau taun tu.

Taun nyin kemari sampal kami manak pulai ke rumah panjai engau urang ngetau (kenu ko jaku tang meh nadai pan meda sida indai mansau@indai dara mai sintung megai ketap nurun ngetau) hehehehe . Ukai nama laban indai mansau asuh bos indu nangkap kuntrik berapi ba langkau engau nangkap kuntrik jadi driba nganjung ngambi bala ke engau ngetau.

Rindu diri ga diau ba langkau. Lama amat udah enda kala nyangking sintung engai megai ketap nurun ngetau. Agi mit kelia asai sepi aku -last engau urang ngetau maia agi skula primary ti enda salah ingat. Taun tu nadai indai mansau @ indai dara engau urang ngetau - jauh enda ulih pulai, tambang pulai mansang ulih kena meli berau empa setaun. Bedau agi rayat ke nyu beteridung nitih ari belakang. Ninga rita aja meh. Nya aku nanya bisi undang kenda - nadai ko bos laban ai bah - ujan ba menua ulu. Kati ko enda nanya deh ia ga ngelama tu ama musim urang ngetau urang pan mupuk meh begiga ke undang.

Nye indai mansau@ indai dara sapa ngasuh jauh ari menua?????? enda ga nya jauh deh ti bisi pala agung kena bejalai tang meh mar meh kitai enda kereja nyampau meh ulih kulu kili kin kia bejalai. Ti laki saudagar minyak keja ba menua arab menua merika menua ostolia menua erupa din bai ga agi lantang nepan bilun pulai ke menua. Tu tudah laki kereja engau urang meleku ke besi hehehe enda ibuh aja meh hehehe. Ila meh nganti meli loteri nganti bisi mimpi manah nyadi mat jenin dulu berangan nuan indai mansauuuuu hahaha ti no kena bisi ke tambang kin kitu nepan bilun

nyeeeeee enda tetenguk engau lelengau ke rumah panjai - agi mit kelia maia ngetau rindu nangkap buntak udahnya pulai ke langkau nyadi "santapan diraja" tudah mr buntak di Q bala sida indai mansau.