Kena ngerari kediri ari pengawa di rumah nyau kami menyanak bejalai ke Bintulu nemuai agai bala. Datai din bai bala ngabang ke Tatau. Ka ga aku laban lama amat nadai nyenguk pasar Tatau. Udahnya alu pulai ke rumah panjai. Nya meh meda ai besai amat. Bala anak gaga meda ia besai - enda nemu reti utai. Ka 2 malam di rumah panjai tang irau ke ai makin besai kereta enda ulih nengah ai besai, nya pan jalai nyu 3 kaki niki. Ti aku sigi enda meh driba nengah jamatan ia ga mit ampuh 3 kaki. Nya meh mua langkau kebun aku nyu penuh endur kereta bala cigu engau kami serumah ke bukai laban enda ulih nengah jalai ke ampuh. ( nyu enda ingat minta sewa sida parking dia hehehe - tukang gambar aku nyu enda ingat ngambi gambar kereta sida k parking ba menua langkau kebun aku)
Siti ari 4 jalai ke runtuh ba jalai Tatau - Bintulu
Kuaters perintah pan ampuh - benung bekayuh tudah nama ka mindah kia-kia
Tokong Cina Pasar Tatau - Ia ga maia taun baru cina ampuh ga tudah tepikong
Sekula seberai rumah panjai pan ampuh - ko jaku ka ngaga skula ganti ari 6 kemisi taun baru cina nyu ari 5 ga tudah udah enda sekula laban ke kelas nyu ampuh. Kasih meda play ground kelas tadika nya
Bala anak ngambi peluang main ai maia bah
Sangkai ba kaki tanga - nya lapa deh
Jamatan 3 kaki ampuh - nasit kereta tingi ulih lepas tang ukai aku driba hehehe petungal aku nikal baru mai kereta aku
Jalai alun nyu nyadi sungai
Sebedau pulai ngiga daun ubi kami sebuat
5 comments:
Apooooo nyau ampuh bah...agi mit selalu banjir di Tatau suba,gaga laban ulih nyemerai baruh rh aja ha ha ha...
ba ia yet balat ampuh (kira ke pemadu besai ari ke udah. Saritu nyu udah ampuh dapur. Ruai engau ruang tamu agi bedau. Pagila (ari 6) ka ngabas menua pulai ari. Nganjung ration ngagai bos di rumah panjai din
Andan, naka pemalat ampuh bah ba menua kitak diak. Enda ku berani dalam kereta nengah ai ampuh bah nyu 3 kaki kak pen enda pansut ari kereta jalai kaki. Kasih tudah orang ke rumah ia ampuh, merinsa amat beselamat ke barang enggau nyawa diri. Nasib amat menua kami nadai kala ampuh bah. Anak mit enggau meh enda dijaga manah manah maia tuk, enggai ke lemas maia ai surut laju
Rumah sida apai udah masuk ai lebih sekaki..kasih amat meda urang rumah panjai...nadai entu tinduk ko ini tuai kami...takut lemas..
cuthess -> balat meh bala kena ampuh taun tu - agi mit kelia bisi ga ampuh tang enda baka sekali tu. Merinsa meh bala laban ampuh bah umai nyu ambis ga ampuh gawa bukai baka nangkal nadai ga ulih. Bisi urang ari ulu rumah panjai kami bebadi- anak mit mati lemas.
ms floe -> auk engi sida apai nuan sigi baruh agi endur sida berumah, dulu agi masuk ai. Nya meh sida indai aku nyu tinduk di ruai malam terubah kena ampuh
Post a Comment