Ampuh@Bah 2

Tumu pagi kira pukul 7 pagi bini petungal aku ari limbang talipaun nanya ke bisi kenda bala madah agai aku rumah panjai kami udah ampuh (ba bilek dapur). Aku nyu asai ke ngigau aku nyaut ia. Nadai ko aku. Dahnya lalu 8.30 bebunyi baru ga talipaun. Nya apai aku madah dapur kitai udah ampuh tengah malam tadi ko ia. Nadai lama ia niki nyu dilak ka aja barang ke enda entu beguna laban ke nadai urang engau seduai berangkut ke barang - tambah agi udah lelak merengak mulung sida lemai nya.ari 5 tu tadi.

Nya aku betali alau engau menyadi aku mai ia pulai ari nyenguk apai engai indai aku ke rumah panjai ari siti ( ari 6). Tumu kami duai besemaia ke nurun. Tang ia laun dani nyu ka pukul 7 ga nurun ia ga ujan lebat paginya di miri. Enda entu ulih laju. Sempat agi ngetu enda lama meda rumah ke runtuh ditaban ke tanah ba Kg Lereng Bukit (seberai opis LHDN)

Mupuk belubah-lubah kami duai laban ujan ke umbas ia pemangat. Sekali nyu ka datai di Bintulu (udah mansa jematan semilajau) peda kereta nyu betusun enda mindah. Enda mukai-mukai bisi ga penangul


Apuuuu salah tu ko aku nganu menyadi aku. Lembau amat ka nikal pulai baru nengah simpang niah. Enda bulih 1/2 jam agi nyu ka datai di Bintulu. Ukai nama bala nyu betusun - laban jalai ampuh, ia ga ai deras. Sida trailer engau trak ke tingi nadai penangul meh. Peda aku maioh ga kereta ke tinggi ari tunga Bintulu engau Miri agi enda berani nguji. Engka nya sama-sama belak pangan diri meh. Datai kereta twin cabin @ ilak(ko orang rumah panjai hehehe)ngelih aku alu bejaku ko ia "kereta kamu tinggi, boleh jalan bah. kenapa tidak jalan, takutkah? Nya aku nyaut ia alai dulu nuan legi aku nankang nuan. Nyau ia terus ke mua kin - kumbai aku tak nyau terus hehehe enda ga ia berani de. Kira 20 minit ka ngetu dia - nya kereta ilak (twin cabin) ba mua aku mupuk nguji nengah jalai ke bahnya. Begadai2 ia mai kereta ia - nya ulih ditengah jalai ke ampuhnya tadi. Udah 2 buah kereta ke tinggi ari Bintulu nguji -ulih ga. Meda bakanya lelaki siku ba belakang aku alu mupuk begadai nguji aku alu nitih ari belakang. Anang memacam ahhhhhh getar2 asai pala patung takut enda kala driba krita nengah ai dalam lebih 3 kaki. Puji Tuhan ko aku datai ba sepiak jalai. Nyu enda ingat aku nundi lelaki ke udah nundi aku tadi nama kebuah ia alu enda bejalai ka malas ngumbai ia takut aku - tang laban ati ke kesal nyu enda ingat ngetu nundi ia. Nya nama deh alu nyu aku capu-capu mupuk beguai ke datai.

Laban ke udah betali alu ngagai apai aku sedia meh urang tuai nya nganti kami duai madi aku.

Sekali datai meda tudah rumah panjai nyu baka rumah stail melepu atas ai dipeda ari jauh. Maioh bala pulai ke rumah panjai laban nulong diri sebilek betangung engau betusun ke barang.

Kasih meda bilek dapur engau tanju ujung bilek kami nyu penuh laban ai. Nya minah ngumbai dapur ini ia baka swimming pool.

bisi 5 inci kini nyu ka ampuh ruai - tang dapur ampuh magang engi bala serumah panjai

nyu baka ke melepuk gamal rumah panjai dipeda ari jauh

nya ia - bilik duduk nyu baka tungkang pecah laban barang ari dapur engau stor diangkut agai bilek ke tingi agi.

laban ke nyu enda alah berangkat ke barang nya kaki jemari ditampung engau kayu ba baruh ngicha ke enda ampuh ( semadi ai nyu surut mimit nya tudah jemari/laci enda berendam ai)

dapur ini baka swimming pool ko minah - peda kita utai dipangai ke indai laban nyu enda alah nyusun manah2 agi sebarang aja endur mangai ke utai- kayu ke panjai nya jerepang ko kami disedia ke apai aku laban bala serumah suah terpeda ke sawa

mulai ke pengingat kenu ko - sigi ga ka berendam nunda badak hehehe

nya tuju minah ka amat engau pulai ke rumah panjai ka bemain engau aki mai bot

nya aja meh pengawa ke ulih maia ampuh tu - mukat