Lemai tadi kami menyanak makai di luar. Benung ka makai dia meh endur cina engau anak ia ka makai semak kami menyanak tepeda ka urang ngena motosikal "meragut" beg indu ka benung bejalai enda jauh ari nya. Akai daiiiii parai kitai. Nya meh apai tuai laut ka empu kedai endur kami menyanak makai alu muka cerita empa lama bisi meh kes ragut ko ia. Nya bini ia alu becerita endu ka kena ragut nya benung makai duduk ba meja ka semak jalai, beg tudah tuai dipangku ia.
Nyu ku aku dini meh dunya ka selamat endur diau maia ari tu. Di rumah??? nyampau meh...... Bulan 12 taun nyin kemari cina sepiak kami pan dirompak urang. Nasib ia enda sempat ngambi utai tau ka ngemedis ka sida menyanak laban amah sida angkat kumbau ia tuan ia ka ragai dibaruh. Sekali ia nyenguk ke baruh meda dua iku lelaki, seduai ia tekenyit benung niki tangga alu siku ari seduai ia nyu begulik labuh ari tanga alu ngerari kediri. Pagi nya aku laun dani - nya anak aku ka no.3 madah pagar urang sepiak jai ko ia tebuka malam tadi alu ia bisi ninga lelaki berandau. Ia laban ka dani kenyap dini ari bisi meh meda gate urang sepiak ka tebuka. Tang ku ia dua iku lelaki ka didinga ia berandau nya ukai ka ncuri tang ngetu dia laban iran meda gate tebuka siku ka ngereput agai pulis siku engai laban enda alah ledi seduai ka dikumbai urang encuri ko jaku dinga anak aku nya (seduai nya pan ngena kereta) Nyadi ia ka encuri nya ngena motosikal rari ko amah cina nya madah ka aku. Nya indon nya ketawa becerita agai aku dadak sida nya ko ia ka encuri tang salah rumah - nadai utai berega di rumah nya ka tau dicuri duit pan nadai ko. Aku tuchum aja ninga.
Nya utia ka nyadi ba urang. Aku pan suah nyepi utai bansa nya- penyamai aja meh bedau diasai pemerinsa n penusah sigi belama. Empai lama udah meli rumah kami maia nya bedau datai setaun pelaba aku. Udah ka ngajar pagi, lemai nurun baru ga kereja laban ka nyaga library. Anak aku ka no.2 maianya 21/2 taun dibai aku agi sekula laban ka nadai urang nyaga lemai. Pulai 4.30 ari sekula alu ngambi anak aku ka tuai maia nya benung ba tadika pulai pukul 5. Udahnya alu lepak agai rumah lawan aku enda lama kami. 6.30 bisi kami menyanak datai di rumah pelaba aku. Peda pagar bisi tebuka mimit masuk kedalam peda pintu ga tebuka. Dalam ati aku enda patut laki aku datai tumu pagi tadi ga ia telipun madah ka diri dah datai ba Houston. Ati aku alu nyangka bisi utai enda manah engai aku tama kediri, nyu aku belanda agai jiran aku ka semak minta tulong sida ia.
Apuuuuuuuuuuuuu peda barang kami menyanak nyu teburansai aku alu duie2 nyabak. Ambis meh utai ka berega. IA ga maia nya agi ngulit ka tanah aya kami nadai ngena emas meh tudah diri-enda kala ga ka ninga ka emas kengka ka mimit nya dibai dalam beg kin kitu. Semuautai ka berega ambis dibai mina tv aja ka tinggal engka berat enda alah baik kini nyentuh ka baju kot (munyi ko urang tuai)abis meh dibai. Ukai mina encuri urang nya ni ka makai n ngirup agi papung insap tingal belah bilek. Ia ga baru ngidup kediri - laki ga nadai maia ka tinggang penusah. Talipun polis ehemmmmm engai ku cakap munyi ku sida buang karang je. Utai tu nyadi dalam taun 1988.
Dalam taun 2001 baka ga tang enda masuk ka rumah- kereta ga nyadi mangsa. Laun ga aku tinduk malam ari 5 nya laban ka gila meda amazing race ka abis pukul 12. Entah pukul berapa enda ka nyu lelak. Pagi indai aku tumu dani laban anak ka skul ganti ari 6. Udahlah cara ia ka ngerah aku nya ngenyit apuuuuuuu sanu kereta 4WD kita nadaiko ia. Aku apa agi alu engkecit enda berasai tanga nya tak 2 kali aja aku engkecit alu datai dibaruh bala anak ka meda nyu nyerauh ngumbai aku labuh. Peda gate nyu "ternganga" dah dibuka urang. Praise the Lord nasit kereta nya agi bisi dimua gate tang utai di dalam nyu teberunsai. Talipun pulis 6.30 nemu kita pukul berapa polis datai 8.30!!!!! Maia nya laki aku pan nadai ga. Nya meh ni ka ngereput polis ni ka ngadu ka kereta nya. Sebulan lebih tudah kereta nya ba workshop nganti spare part datai alu nganti semua kunci n nambah ka alarm system n maioh macam utai bukai. Cerita nya enda nangka nya aja. Empai bulih sebulan 4WD nya ka udah tembu diadu. Dikereja ka urang baru ga tudah kereta nya tadi. Nadai perasan aku tu paginya ka nurun kereja alu beranjung anak sekula. Nya bala anak madah cermin kereta belakang tebuka. Akaiiiiiii daiiiii nama meh penusah enda nemu ambis2 nuntung aku tu dehhhhh ku aku tumu pagi nyerauh. Laban 4WD nya ka udah diadu ka alarm system lalu ditambah ka vibrating alarm (entah betul ka enda term nya) kereta nya dipelaba ka aku maia sida ka drill skru ba cermin belakangnya ia alu bemunyi. Tang nya meh bemunyi alarm nadai ga ninga utai tak tindur mati. Nyu tepaksa ga ngiga tali kena nanchang sermin nya tadi. Ia ga kereta aku maia nya masuk workshop laban ka dilantak polis ari belakang ba round about pujut corner. Ngiga spare skru nya abis menua miri nadai ga nyu terpaksa ga nganti ngorder. Tinduk enda meh ulih jenak seminggu lebih laban kereta nya tadi ka enda likun.
Tang utai ka nyadi dalam taun 2004 nya ka pemadu merinsa sepi aku. Kami sebilek (kami menyanak, apai engau indai,menyadi aku sebilek sereta petungal aku sebilek) ka raun ka kl. Sari sebedau nurun indai aku minta ulu ngambi duit ASB tudah tuai ke belanja kin. Udah ka ngambi duit nya agai bank kami duit ngetu ba endur meli manuk semak boulevard. Tak enda mukai2 benung aku nyengkau plastik kena ngambi manuk aku ninga nyawa indai aku nya kalau2 nyerauh minta tulong . Nemu nya beg aku ka dalam kereta diambi urang dalam sekelip mata. Nyaaaaaa nyu pelih2 mata meda otosikal ka tabun2 nabang ka beg aku nya tadi .....akaiiiiii daiiiiii . Nyadi udah ka ngambi duit nya indai aku ngasuh nyimpa duitnya dalam beg aku dulu. Aku engai maia beg nya kenu laban ka maioh duit tingal ka aku dalam kereta laban indai engau anak aku ka biak tingal dalam kereta. Baru ka ngelock kereta inda aku meda urang muka kereta alu naban ka beg. Kereta honda city tpye z (ukai bansa model ka baru diatu) nya ga lain amat. Enda ulih ditekan ti kitai ka nutup mesti ka ditutup dulu baru ulih nekan lock ka ba pintu. Nyadi indai laban ka bepangku nyu lubah mimit ka ngunci kereta laban bedau bulih seminit dah aku pansut ari kereta tak baru masuk ke kedai aku ka ninga indai rauh2 minta tulong. Ia baru nuduh ka anak aku ba atas beg aku laban ka ngunci kereta endur urang nya narit beg. Anak aku nyu ka labuh ari kereta maia urang la narit beg nya tadi dini enda indai nyu nadai mikir ka ka ngerampas beg laban ka beguai nangka kaki anak aku nya tadi. Kasih tudah indai Rm5k duit diambi ia. Lesap baka nya aja. Engi aku nadai maioh cash dia tang kunci 4WD kami dua-dua dalam beg aku sida kad2 engau bup asb kami duai dd baik agi enda mar nganti tang dua2 kunci kereta 4WD nya akai daiiiii ia ga ari siti ka nurun. Sekali agi maia nya dd sida nadai ga. Tembu ka ngaga report ba balai polis nyau berumban2 ngagai bank nutup atm engau credit card. Udah nya beguai ga ngagai jabatan pendaftaran laban ka ngagai ic engai ka enda ulih agai kl nadai ic, nutup asb. Amat nya meh pemadu merinsa asai nya. Ni ka ngasuh dealer 4WD nya ngambi kereta nymipan ba sida alu ngadu ka semua kunci. Udah nya nya bebeli ka kunci rumah baru laban ka bisi kunci rumah dalam beg ka rampas nya. Nasit bala menyadi engau petungal aku maioh nulong so ulih adu jampat ka pengawa ngeriput ngadu ka utai bukai. Dah semua akaun dibekukan ia ga ka nurun ka kl ari situ apuuuuuu pedis untak aku maia nya. Nasit best friend aku indu sabah nya sanggup nyali aku duit kena kami mindai ka bejalai. Semadi tiket bilun engau otel esp. ka ba genting udah dibayar lalu laban enti kami enda nyadi engai ga menyadi engau petungal aku nya kin. Nadai ka lembau mansang ke kl tang maia nya sepi aku tak pemadu lembau.
Enda ibuh sebut utai ka mimit2 dicuri urang sekumbang kami menyanak dah ningal ka rumah nya. Nyentuk ka utai besi kena nutup lubang jamban pan dicuri urang meh. Nya diatu nyu minta pemendar ari laki aku ngasuh menyadi aku diau dia nyaga ngicha ka rumah nya enda nyu telanjai dikereja ka urang (kati enda pia bingkai cermin ka aluminium pan nyu mupuk ka dicuri nyu udah bisi bekau ka diambil sida nganti ari aja)
Macam pemerinsa udah disepi penyenang meh ka jarang disepi enda ibuh ka kaya raja asal meh bisi pengelantang engau pengelikun paa meh. Ngarap ka Tuhan aja meh nyaga ngemata kelimpah ari kitai empu.
