Betemu Engau Astronout

Pulai ngambi nembiak sekula tengah ari tadi alu lepak agai subang parade kami menyanak merarau ba TCRS. Dah ka merarau sigi enda tau enda dibai anak aku ka biak agai MPH. Kebetulan munyi ko laut saritu maioh promosi digaga MPH. Pelancaran Detik Tengah Malam (koleksi Mr Midnight versi BM) dipejadi ka Nori Abdullah serta pelancaran bup ditulis niang menyadi astronout malaysia dipejadi ka astronout Malaysia Dr S.Muszaphar.
Nori laun datai nyu tekasak bala nembiak sekula lapar laban pulai sekula alu kia. Sekula primary ka endur anak aku sekula ka diinvite MPH kia nyu terauh ngangau ka anak aku madah kadiri rapar bala gang ia. Kami pulai Nori datai tadi enda engau urang nganti

Nyadi Dr. Muszaphar empu program tumu agi so sempat kami meda kia. Nya bala supervisor keran ngasuh bala anak aku begambar engau ia. Bala anak aku engai esp. anak dara engka malu n enda minat kini. Ia ka no.3 nya pan engai mula2 tang dipujuk aku ka ga ia. So malu2 tudah tuai ditundi urang ka bela meda kia.

Idup Nyawa

Kemari menyadi aku bisi ngirum sayur kampung, nama agi deh idup amat isi laban tu. Tu sekeda ari sayur ka dikirum ia. Daun kenumtum engau daun empasa bisi meh ia ngirum, Hehehe nemu utai ka nama daun kenumtum kita ka biak (cangkuk nya meh ia) daun empasa nemu kita pelaba aku (daun ubi,/daun jabang/daun bandung) Ditu bisi ga sida bejual sayur 2 iti tu tang meh daun ubi baka tu (daun ubi isang ko kami menua laban daun ia mit n panjai baka isang) enda aku kala meda. Cangkuk ti bisi pan nyu takut meda gamal. Seminggu tu idup isi laban bisi sayur kitai. Anang meriur kita ka meda hehehe bisi aku nyangkung deh ekekeke

Engkayu

Tetenguk amat aku deka belauk ka upa nanas, lama udah enda makai upa nya. Kena mantup ka tetenguk ka belauk sayur kitai nya lemai tadi aku meli daun ubi abuk ko kami menua bisi ga urang ngumbai ubi randau tauka ubi manis. Nemu bala laut engau cina ditu belauk daun utai tu nya sida bisi nyual. Minggu nyin kemari meli daun sabung aku. Laut di malaya tu di ulam sida matak daun sabung.

Daun ubi abuk diguring aku engau pusu sereta belacan. Buah petai diguring aku engau suntung engau undang. Enda entu makai asi aku nyu ngulam tauka ngepung sayur aja. Bala anak nadai ga ka engau aku makai nya siku. Nama agi di bedal aku kediri meh (seraya ka nyangkung bala kaban blog do menua ribai din hehehe). Sigi enda entu beleman utai kelauk asal aja bisi lauk kitai amat ga simple tang nyamaiiiiii

Daun Ubi Randau @ Ubi Abuk


Daun Ubi Abuk Guring Belacan


Buah Petai Melintang (ko ini)


Sambal Petai Suntung-Undang