Gawai nyu dah semak. Maioh bala udah mupuk mulai kediri ke menua - rumah panjai laban ti ka nyambut gawai. Sida indai-indai pan udah mupuk seminggu dua tu begaga ke utai dempa kena ngintu ari gawai.
Engi Jenny @ Sebugey udah ngayam ke ensekut ba beluk ia kena ngintu ari gawai. Gaga maioh meh wai. Aku lama udah enda entu engau urang begaga ke ensekut tauka kek. Pengawa maioh amat alu nadai entu ari. Ngiga utai muntang meh laban ke maioh kek tunjuk engau ensekut tunjuk belah pasar.
Lagu gawai pan nyu enda ngetu meh dipasang ba radio waifm. Di rumah panjai nyu degum-degum hifi dipasang ke lagu gawai. Bala ke rajin ngabas bubu lama udah belabuh berabas ke bubu. Bulih ikan palau belama urang ke rajin ngabas bubu ko indai.
Nyu ba pending lagu tudah niang Sudirman (Balik Kampung) Engi kami manak enti pulai ke rumah panjai sigi lagu tu dipasang semanjai jalai. Ati ga gaga pulai begawai tambah agi lagu rancak ni enda rindu ati.
Nanya meh bala nama kebuah enda pulai. Sigi enda ko aku laban ke baru datai bulan satu tu tadi, tambah mega sida anak agi peresa maianya. Ngenda kediri meh. Nadai entu anak belanja kena pulai engau begawai.
Enti rajin ngintu mimit ga kami manak kediri ditu - ti rajin nganggau ke bala kaban siku dua ga engau betunga ujung minggu. Engai nyadi ga ngintu 1/6 - anak agi sekula magang ( munyi ko aku tadi benung peresa maianya)
No comments:
Post a Comment