Pengawa Ujung Minggu

Nyu abis ga bulan 10 saritu, pagila nyu masuk bulan 11 ga. Ti kitai bisi utai danti berasai amat jam lama tang ti maia minggu tauka bulan nyu ambis nyu enda berasai ga.

Nadai entu pengawa ujung minggu tu tadi. Ari 6 tu tadi nganjung anak kaling sekula kelia agai KLIA laban ia cuti semester pulai ke nganga entulu kin. Lepak ba Eden ba KLIA tua ia - aku kebendar tetenguk ka makai dim sum ba eden dia. Nyu nadai maioh macam dim sum dia diatu. Tang tepantup ka tetenguk makai kuih keladi.Bisi endur bukai tang laban aku kenda makai jani. Nyadi dia inti ia manuk ulih aku makai.

Pulai ari KLIA datai di rumah nadai pengawa bukai tudah indai dara, nyadi sida bibik meh ngereja pengawa di rumah. Nyu lemai ari melungkui tudah indai dara tinduk lelak. Udah dani nyau nganjung diri agai salon, nuci buk alu minta urut sida indu salon, nyu berasai lempung asai pala n pegu udah diurut. Lemai enda berasap dapur indai dara, bala anak betali alau minta tapau McD - nasit aku parking ba mua McD ti enda kapa ku ka kiruh, ia ga menua nya akai nama lemai enda nemu ku jalai jem urang nurun makai.

Ari minggu pulai sembiang alu makai kami manak, laun pulai tadi laban bisi Bishop Murphy meri jaku ajar extra 15 minit udahnya bisi ga father siku meri promosi nyu tambah ga kira 10 minit, Nya alai nyu ka 1/2 jam laun ari ke ngelama tu. Pukul 1 baru pansut alu makai ba kedai makai Thai. Enda berasap baru dapur indai dara hehehe. Pulai makai alu lepak engau kawan ga laban udah janji - 3 sekaban sekul kelia ka betemu. Kami 3 ukai jauh ari pangan diri tang laban seduai ia kereja jarang ga betemu. Nya tadi semadi bala anak ia nyu majak madah ke diri boring hehehe sida indai nyu tekakah ketawa nadai ngira anak ke boring nganti. Bala aku enda bai aku laban bisi dd sida beribun.

Lemai tu tadi baru dapur indai dara berasap. Laban ke agi lembau ( sigi ga semampai lembau hehehe) Q jani kelauk sida manak, dahnya sayur. Laban kenda makai jani- nunu suntung aku dahnya gaga ka aku salad. Main antam aja laban ke enda plan ka ngaganya. Ok ga deh tau kenyadi ke suntung akunya. Kenyang diri ga laban bala rindu ngulam Q jani nya nadai entu bepakai ke asi sida manak.

Pagila skul baru ga bala budak, bulan nyu betukar ga - minggu baru jenuh mimit laban cuti dipabali bepun ari 3 sampai ujung minggu. Tuchum indai dara kemisi panjai

Hari Pengada Minah

Saritu kena 24/10 minah nyambut ari pengada ia ke 6 taun. Sama birthday seduai ia lyana(Annelyn) @ randau lyana. Baka selama meh meli kek mit sigi ngambi ke bisi ke tanda tauka kena ngelaik ia udah mangai 6 taun. Nadai utai bukai dipinta ngagai Tuhan ngajih ia ia gerai serta lantang senang.

Tadi bai ia bejalai ngagai curve kami sebilek - nitih aja kami sebuat. Malam baru meli kek. Ngasuh aku meli kek aiskrim ia tadi.

gambar kami menyanak - psttttttttttt bisi meda utai tisi nyin kita???? hehehe

entah tau enda begambar begulai engau birthday girl

birthday girl engau kek ia

nya gamal kek - simple aja bisi ke karerpul tang meh perisa aisekelim ia enda dikerindu sida ia ga

nyu engkuang indai dara benung ngisi gelung

Graduation n Concert 2010

Si kecik kami "tamat" - munyi ko sida ibu-ibu di rumah panjai hehehe. Nya meh saritu tumu kami sebuat dani laban ke ngulu pengawa concert engau graduation ia. Nasit ga apai ia "bisi" maia tu. Taun baru nyu masuk primary satu ia. 8.30 dah datai nganjung ia dulu berias taja pengawa sida pukul 10-12. Ngirup ba kedai mamak seberai kami 3 sebuat ( wie ka engau tua dd ia, urang ke besai engai). Aku rindu meda urang ditu ti bisi pengawa anak ba sekula sampal engau ini aki, apai indai madi ibu aya enda kira sigi semampai engau. Nyu guat-guat pejalai sida aki engau ini datai meh.

Maia ke "tamat" tu sida bisi kunsit ga sida ia. Bendar lelekik ketawa meda bala anak. Nemu aja meh utai ari umur 3 - 6 taun ke ngaga kunsit. Aku amat bendar ketawa meda sida ka umur 3 taun - ia ke ka ngasak amat, ia kenda tak jenuh bediri nunjuk ke bala sida sebilek. Start meh bala bejugit sampai ke pengabis tembu tak degi-degi meh ia.

si kecik mami in action

bala sida kareena kapoor, pretty zinta, shahruk khan etc datai ari buliwut ngaga kunsit

stidi pretty zinta kami nya diapit shahruk khan engau rithik roshan hahaha

laban ke xs semampai ke ba mua belama sida anak

pretty zinta (laban bisi lesung pipit@lubang pemula) in pink karer

bendar ngedal ke lengan

si kecik mami

nya meh pemesai tudah tuai begulai engau urang ke tinggi engau bebesai

nya sekeda ari bala sida ke "tamat" tadi

mami nyadi pengiring - ti enda mami, dd ga mesti enda tau enda. tu kecik engau mami niki

nyu peluh tusur, dah bendar bejugit engau begagai di belakang pentas

Bisi Kaban Banga/Dadak/Mapap Kita??

Bisi meh kaban siku nanya agai kaban siku - ulih ngaga pasport ba jabatan pendaftaran ba anu-anu? Enda ko A nyaut B. Ulih enda kitai ngaga @ renew pasport ba endur bukai enda ibuh ba negeri kitai empu? kenu ko B ga nanya baru. Alai agai putrajaya kin ngadu ke ko A ga nyaut.

Selang berapa ari nanya baru ga B ulih ngaga passport ba pendaftaran ba anu? Akaiiiiiiiiiiiiiiiiiiiiiiiiiiiiiiiiiii PEMADU meh mensia siku tu. Ngumbai nya enda sekula ukai pemain tinggi ga pelajar nyu senggung idung apai indai kaban belayan laban ke bisi degree. Nyaut A endai nama aku udah madah enda ulih arinya deh dia endur urang ngaga ic, ngeriput pemati, ka kawin ka sarak. Nama enda tau nanya pio ko A nganu B. Nyaut baru B ukai enda tau tanya tang meh aku udah madah arinya. Dalam ati B tanya utai ke patut, anang mantai ke pemeli tahap dewa laban ti bejaku legi ukai main penemu dalam semua utai nyu alah peninggi langit.

Nya ko B ti utai ke patut dikerandau tauka dipejaku ke nadai ia ka berandau - HAMPEHHHHHHH keno ko B.

Hehehehe nya meh anang lawa anang sumbung kita ke besekula tinggi/pandai. Laban bisi maia kita nya jauh beli ari urang ke nadai pelajar hahahahahahahahaha. Lawak of the day

October Fest vs Tragedi Oktober

Empai lama chapuh kitai setegal bas ke accident nyu bebelas mensia ka parai. Lemai mari chapuh baru ga kitai ketegal seperis karam ketegal ke belantak engau tungkang kayu.

Enda kala sumur idup aku ninga seperis karam ba menua kaminya. Lemai kemari meda status FB petungal aku madah kediri nganti urang mai bangkai sida ke bebadi karam nya ba wharf seperis di Tatau.

Nyu enda sabar ka nemu rita. Nyu nganti malam baru talipaun ke rumah panjai laban apai aku on talipun ia malam aja bisi bateri dibeli tang ia puh engai kiruh ngadu laban ke nadai diau di rumah siang ari.

Nya meh enda jauh ari rumah panjai kami sida ke belantak tu. Ari ulu minit ari kami. Agi suba meda tembu simpan jalai agai menua kami ba tebing kem ka endur sida ke belantak nya meh kami ninga ke kereta udahnya ngena perau agai rumah panjai kami.

Indai engau apai aku enda engau ngesah laban apai aku engai lelak ko ia - pagi nangkal getah dah tengah ari betambak ga seduai ia kemari. Nya meh indai madah urang ke enda dapat aja ke tingal di rumah panjai enda engau ngesah kia.

Sida jampat nemu laban menyadi apai aku engau tuai rumah kami mudik kulu agai kem ke semak seperis ke karamnya tadi. Tak benung urang nyelamat ke sida ke nyemerai belah ai nya. Pulai seduai ia alu mai cerita alu sampal meh bala ke dapat engau ngesah kin. Aku tembu betalipaun 8.30 malam bisi sebuah perau sida ke engau ngesah datai - enda sempat nanya ke cerita laban ke gagau ga.

Nya meh indai aku madah jeragan/driba seperisnya ka overtake tungkang. Udahnya nyu tesegul kediri ba tengah-tengah antara tugboat engau tungkang. Nya mai karam. Tak tuyu mat meh driba nya kati ko engai enda overtake sigi pama ga driba seperis menua kami pasal pengelaju sida mai seperis. Ti mansa jelatong nadai nemu slow nya meh jelatong nadai tan lama kasak umbak seperis. Empai lama ko indai aku, injin sepit ( moto ai) 3 kuda kami serumah nyu patah setegal balat tepangka laban umbak seperis. Ba pendaie umai taja bisi meda perau nyampau meh sida nemu ka nyelo ti mansa. Munyi ko indai nyu mansau sumpah urang - tang meh salah ga sumpah sida ko aku, nyu urang maioh ka bebadi laban penyai ia. Nya meh ko apai tuai nya nusi - jeragan nya meh ke pemadu dulu terjun ke ai ni enda ia selamat. Urang ke dalam ukai meda ia ke dulu meda ni enda ia meh dulu nyelamat kediri.

Bisi geng petungal aku indai engau madi ia ke biak nepan seperisnya sama bela parai. Ni enda sinu ninga.

Apai tuai siku ke ulih nyelamat kediri madah ke ia nyu tesegul dalam ai ba baruh tungkang. Akaiiiiiiiii ni enda bendar mansut kediri. Nya meh munyi ko ia ti lama agi enda tetemu ke jalai mansut ke diri ari baruh tungkang sigi mati ia. Nasit ga pansut ia ari alam ai sida ke kereja ba tungkang nya nulong alu nikau ke tali ngagai ia endur bepaut. Enda ngawa tinso ( chainsaw) 2 iti engau senapang siti nyau keno ko tudah tuai nyawa agi ulih selamat. Tudah tuai tu tadi pulai ngadu ke tinso ia ari pasar Tatau.

Nya meh macam-macam meh jaku mensia - alu nyalah ke perintah meh, nyalai ke pihak berkuasa baka marine n lembaga sungai meh. Sigi peluang amat sida ke engai meda perintah. PS - AKU UKAI GA ANTI UKAI GA PRO PERINTAH tang meh enda sengapa utai sebut. Eran aku sida ke bejaku nya skul tinggi tang dadak bejaku - munyi ko jaku tundi bala skul hai2 setupit niba pinish. Ngumbai nadai life jacket, ngumbai seperis enda selamat ngumbai perintah enda bejalai ke undang2 ngasuh seperis mai maioh urang engau macam2 agi. Peiiiii selalu marine engau lembaga sungai ngecek sida seperis tu di tatau bisi maia mesti di check, baka sida bas sida bilun nya meh prosidur ia. Alu madah uji ti bisi jalai nadai ngena seperis enda karam kenu - Ti bisi jalai, sidin ba jalai mati meh nya balat agi. Nama bas ke sidin empai lama nyu bebelas mati. Seperis ke karam ba menua kami tu meh keterubah. Nya ba anang guai bejaku sengapa - lawa mat munyi jaku sida ia tak ngena aja meh engi sida ia. Tang kebendar mantai ke penadak. Laban ti bisi jalai enda penusah tu nyadi peiii PEMADU. Ko laut ada hikmah disebalik sesuatu yang berlaku (?????) nama kini???? engka tanda dunya ka datai ba pengujung ia mehnya kini. Enda ambis-ambis tragedi ka nyadi.

Ngagai bala ke kena tinggang penusah tu ngarap ke sida bersabar serta nyerah kediri ngagai Tuhan. Ngagai sida ke bebadi nyawa - May their soul rest in peace. Amen

Nyu geli nepan seperis - nasit lama udah bisi jalai. Agi bedau bulih setaun umur Noie penundi nengah jalai ai tang jarang nepan seperis laban ke bisi perau diri empu engau kadang-kadang nepan ba bala diri sekaban. Agi biak suba baru selalu nepan seperis.

Huhhhhhhhhhhhh

Seminggu tu malar aja nadai mood - buring tahap unta mat asa. I need a breakkkkkk ingin ati ka betapa ba beach ba Bali ke ba Phuket ke. ongkosnya tarak!

Yehaaaaaaaaaaaaaaa

Nyadi cowgirl aku saritu yehaaaaaaaaaaaaaaa!

free myspace layouts

Munyi ko aku ba FB nyu nyau stress phase 1. Kemari anak ke no 2 udah tembu PMR nya lantang mimit. Result enda entu ibuh dikira laban sigi kira udah ditemu pendiau bulu manuk sabung aku siku tu - enda berapa. Tengah-tengah urang pendiau tudah tuai. Tang mai seput ke lantang laban kurang agi stress ngansak sida belajar. Laban siku aja tinggal - ia ketuai pom 5.

Merdeka bedau agi - agi panjai pejalai nuju nya. Start taun tu, taun baru, taun 2012 ( 3 taun beturut- sigi maia bala aku berperang ba medan peperiksaan munyi ko laut).

Kelalu Jenuh

Akaiiiiiiiiiiiii berasai mat lelak serta kalang kabut mat saritu. Udah enda entu berapa ari pun tadi.

AKai nyu teranjur tinduk pukul 6.45 terdani. Udah ga aku ngeset alarm clock kati2 tau tak enda di on peiiii enda ga aku 2x ngecek baka ke selama tu.

Sida anak ga nama enda digerak enda dani ga. Ia ga igat test PMR lalu ia ke sekula primary nya pan test ga saritu. Nyu beguai-guai seduai mandi- Nasit agi sempat tang kitai ke enda nyamai ati - nyu baban asi ati laban sida ke test.

Ia ga ari saritu ngangatnya akaidai, aku ga nyu enda ngetu-ngetu nurun niki kereta beranjung berambi ke sida anak.

Bepun ari pukul 12 tengah ari tadi ngambi ia ke biak pulai ari tadika. Ia ke no 2 pulai ga 12.30 ambi ga laban ke ngetu makai tengah ari, lemai legi bisi test baru. Pukul 1 nurun baru ga ngambi ia ke sekula primary. Pukul 1.45 nurun nganjung ia no 2 test pmr serta pukul 4 legi nurun ga ngambi ia baru. Pukul 4.30 & pukul 6 nganjung engau ngambi ia ketuai nya tuition ga.

Dini enda oyah ba mua rumah bendar dedugau ba mua jendela nyu baka ka ngira berapa trip urang ke ngangkut batu/balak ia peda aku. eran meda indu tu nyu enda nemu duduk jenuh kini ko ia dia. Enda bulih sejam nurun ga baru ukai sekali nyu 2-3x ke nurun ni enda

Bula ngumbai diri enda nyu asai ke teberungsai isi - bedau agi pengawa ba rumah ke nyu jengap2 minta dikereja.

Saritu tembu igat peresa pmr - lempung mimit ga asai laban nyu nadai nganjung ngambi ia tuition engau kelas tambahan.

Kenu ko bala sekeda, nyamai amai bini sanu nya kerja enda ga laban dasuh laki badu kerja, guyang kaki aja ia ngetat kediri diri-makai tinduk. Auk amatnya nyu ka putus kaki bini sanu tu empa pemendar guyang kaki nadai pengawa di rumah - baka cinderella ia bisi bala sida cit nulong ia gawa, semua utai magic magang.

Minggu Peresa

5/10 tu tadi sida nembiak pom 3 berengkah PMR. Ari satu minggu baru 11/10 baru tembu peresa. Aku bisi manuk sabung danjung ba peresa pom 3 tu. Hero pilim tambi aku nya rilik aja, mak dara ke nyu terlebih stress kenu. Sigi nemu ia enda berapa ba pelajar tang engai enda nyimpan pengarap ba diri empu ngicha ke utai ulih ia enda tak bangat nadai meh ila.
Ia ke tuai pan peresa meh (trial exam) peringkat negeri selangor, kedua kali sida trial. Kemari (7/10) ambis. Minggu baru pan sida ke skula ba primary pan peresa ujung taun. Nya meh "mabuk" peresa seminggu engai tu. Ukai siti peresa sida wie tang dua. Udah peresa ujung taun bisi dah siti agi baka trial UPSR - tu semina sida ke primary 5 aja. Udahnya ujung bulan 11 ( 23/11) nyu berengkah ga sida ke pom 5 peresa, bisi baru ga manuk danjung aku. Nasit tumu ambis peresa, 8/12 udah tembu engi ia.

kenya gamal indai dara stress hahahaha

kenya gamal indai dara ujung taun tu ila

besampi ngagai Tuhan ngambi meri berkat ngagai sida lebuh maia sida ke peresa. Amen

Condolences Nuju Annelyn @ Lyana Sebilek

Meri condolences ngagai sida Annelyn tauka Lyana @ randau lyana sebilek laban indai ke disayau ke ia udah nadai kena 6/10/2010 kira jam 1.30 pm. RIP ngagai indai Annelyn, Amen

Si Kecik Mami

nerima sagu ati aja - gaga meh bala anak

si kecik mami ia ngena baju-tanchut burak

Minggu nyin kemari anak aku ke biak bisi engau talent contest - maioh diri ga sida engau ti enda salah ingat aku bisi 7 iti skul . Si kecik kami kena pilih ngari ke tadika sida ia belakun.

Ia nyadi mayau ba lakun sida ia. Lama diri ga nganti ke tembu nyu pedis kaki ke berdiri - bangku enda cukup ka mimit aja ke disedia.

Nadai bulih numbur skul sida ia - nadai ngawa nya deh ngicha ke ia bisi pemerani. Pagi sebedau nurun lelak ninga tudah madah kediri takut engau malu. Legi ti salah urang ketawa ke ia, kenu ko sebana ia. Nya aku madah nadai urang ketawa ke nuan deh-nuan udah ingat ke semua dialog nuan.

Ok ga ia deh - semina mula-mula aja nyawa nyu gegetar mimit nyu udahnya ok. Anang agi ia ke ngemitnya aku ke tuai pan pelaba aku gegetar meh meda urang maioh nemu aja utai ba shopping mall - ukai semina apai indai nembiak tang meh urang ke bisi mansa endurnya.

Tembu dah siti pengawa - siti agi bedau. Diatu agi gagau peritis jugit sida bollywood kena sida ia maia bulan 10 tu maklumlah urang ka konvo hahaha.

Nadai entu maioh ngambi gambar - urang penuh ba mua nadai entu ngelak ke pangan diri, ia ga assistant akunya mit hehehe enda entu alah ngelaban urang ke tinggi.