Tadi pulai ngambi anak sekula alu mamam ba dapur kunsi. Pansut ari kerita meda petungal indai dara tuchum nganti kami manak ke pansut ari kerita. Tudah tuai nurun tapau, malas berapi ko ia hehehe sama meh sida sebuat sama bela buruk berapi.
Aram meh duduk dulu makai ko aku, engai nyadi ko ia ika nuan pulai makai tengah ari ngasuh aku tapau ditu ko tudah tuai ga nyaut.
Boring tudah tuai kediri, udah pincin nadai gawa agi, agi mupuk ngiga kereja baru meh ia. Enda tan diau di rumah nadai pengawa ko ia, ia ga tudah tuai kediri iri di rumah anak udah besai magang nyu kereja kedua ia ke biak belajar ba curtin di miri lalu indai tuai ia kereja ga. Aku geli ati ke seduai ia. Suba bini ia enda kereja, udahnya anak nyu besai puas dedugau nadai pengawa kereja nyadi clinic asst tudah tuai kena muai ari. Diatu betukar seduai ia laki udah pincin diau di rumah bini agi kereja hehehehe.
Aok ko ati aku din nama minah aku nyu nemu mela diri ila sigi ngiga kereja tauka ngaga pengawa ke bisi meri penatai pemisi ngagai aku empu kena ngambis ke ari. Nadai tan dedugau di rumah aja. Ka lepak nadai ga kaban engau lepak ditu, bisi agi kereja ga bala kaban maianya pelaba aku.
Nya meh pengidup kitai maia udah setengan umur - patut sida apai aku engai jenuh. Reregap sebelah kebun kena muai ari. Tang engi apai aku kelalu ga nyu lebih ari limit, kelalu bendar. Tu semadi ia berumban ke nembu ke ngetau padi, ti enda maia ari manah baka diatu sigi pagi nurun nengkal seduai ia indai alu lemai nurun ngetau laban sayau ke getah berega keno. Enti agi biak enda ngawa nya nyu ka 70 umor nyu enda nemu tulang udah enda berapa maioh kalsium majak ga gawa akaiiii tusah ga bejaku kitai tu
1 comment:
Endu Tupai diatu benong angan angan ka pencen.....he.he..kada tan diau di rumah ila neh?
Post a Comment