Sunday 24 August 2008

Baju Draw

Aku rindu amat meda kebaya nyonya kenyau ari mit kelia laban ti ari mit meda indai aku puh ngena baju nya. Kami menua nyebut kebaya nyonya tu baju draw. Kebuah pia laban sebedau ke disulam mesti ga neraw utai ke diukir ba baju dulu. Indai aku untung amat laban geng keras ia nemu ngaga baju draw. Nya meh ia kira ke bisi maioh koleksi baju draw laban ia semina meli kain engau ubung kediri lalu kaban nadai ngecas gaji, Ni enda untung. Tang diatu kaban ia nya nyu engai ngaga agi setegal maioh pemedis (enda entu pengerai ba mata n pala) Bisi siti baju ke last digaga ia nyu jengap-jengap enda tembu sepiak lengan utai kebukai dah tembu sayau amat. Engi aku bisi ga koleksi baju draw tu tang ukai nyengala handmade digaga sida indun pama meh.

Lebuh agai penang cuti tu kemari sigi munyi ko laut udah nekad aku ka ngelawa siku ari indai tuai nyonya di agi ngaga baju draw lalu deka ngasuh ia neraw ke aku siti (maia ke diau di kuching 1996 kelia aku bisi meli kasa rebia ba kuching 2 iti diberi aku ke indai aku tang laban ke nadai nemu urang ngaga baju nya di miri alu meh kain nya enda digaga semadi meh dianjung aku agai bib Kim di penang minggu nyin kemari. Lemai kami ke datai alu agai gurney plaza tang nadai nasit laban mesti ka janji dulu baru ulih betemu engau ia. Nyu ari siti baru kami suai betemu tang sayau nyu enda ingat begambar engau bibi kim laban ke bara ninga cerita ia. Pama amat ia udah bulih anugerah karyawan kraf (Master Artisan)

Baju draw bisi ke udah dijait engau kbisi ke bedau pemilih diri empu. Tang semua ka dijual dia ukai 100% handmade. Ti ka 100% handmade mesti madah agai bibi Kim lalu kitai empu milih bungai kediri tang rega ia pama amat. Ia ka siti kaler aja udah RM1k++ ti maioh cura enda ibuh kira. Tang enti udah rindu/minat antam ajalah munyi ko P?Ramlee pama meh bisi siti enti udah tembu ila aku ngamba baju draw nya



Sekeda ari baju draw ready ke dijual ba kedai Kim Fashion & Trading


Sekeda ari koleksi baju draw ready made ba Kim Fashion & Trading


Mua kedai Kim Fashion n Trading

Benung milih kain baju draw (bedau dijait - manah magang nyu enda nemu milih tang sempat ga nyengkau 2 iti hehehe

Sempat begambar ba mua kedai

13 comments:

Lyana said...

Aku rindu meda urang ngena baju draw tang diri empu, tak enda ngam, ka asai ati din.

Engka laban aku tu bansa ke enda ngembuan umbas ia 'buah dada' kini ??

bibie said...

Andan,
Aku sama mega minat baju draw. Aku bisi few collections at the moment. Btw, ba Dalat bisi org ngaga handmade baju draw tok. Udah kami duai mak ku ngaga baju draw ke dalat kin. Range price ia between RM250 and above. Quality ia nang manah and berbaloi mayar mahal. Enda baka di beli kitai.

Indai Dara said...

lyana - hahaha geli aku macha kumin nuan ti ulih bagi nyu ka magi nuan engi aku. teringat zaman sekula kelia puas mungkuk kediri ngicha ke utai ke lekat ba dada enda entu berupai peiiiii nenako meh penadak. sida ribai berebut ngaga tusu besai. Enda ngawa nya wai diatu maioh baju dlm ke tebal2 hehehe kena ngelalai ke utai ke enda entu besai.

bibie - nya meh tunga ke Dalat engau Mukah sigi agi maioh urang begaga ke baju draw (handmade tang meh enda nemu sapa bagi n dini alai) Agi murah kitai menua din enda tak kelalu buka sida di malaya ditu. Aku ti pulai ila ka ngiga urang ke nemu ngaga nya tunga mukah or dalat. Rindu amat aku. Ti nuan bisi info tentang endur ngaga nya tau nuan madah agai aku wai

bibie said...

Andan,
Ba Mukah bisi tang aku enda nemu dini alai ia. Aku suba kala nemuai agai menoa bestfriend aku ke Dalat nyau rindu ku meda bala sidak ia ke tuai-tuai pergi sembayang ke gereja ngena baju draw magang. CNY suba aku nemuai kin ngasoh org nya ngaga, tembu before gawai tok tadik. Tang ba Dalat sigi maioh amat org ke landik-landik ngaga, udah tuai sidak ia agik meh lansik. Nganti aku nanya kawan aku nya dulu keni ka contact sidak ke ngaga nya. lagipun enti nadai org di kelala sidak ia takut ka ngambi tempahan, laban takut org enggai nganti lamak. paling enda lama, 3 bulan ngaga baju drawnya.

Anonymous said...

Aku sigi rindu baju draw hehe cuma badan aja enda sesuai..But I don care..pasuk aja..I'm collecting them..maya aku pulai Gawai ari nyak aku bisi ngaga 3 pasang..my mom's tailor bisi new arrival..bemacam macam bungai..juling mata meda..$$$ aja tanya..untuk plus size baka enggi aku balat mar (nyau ka twice as much) laban lebih kain munyi ko dadi aku..belubah lubah..mesti standby baju draw ditu laban mayuh amat function..

**Aku bisi siti kaler lilac-purplish benung di gaga..very nice gambar Peacock..

Indai Dara said...

bibie - thanks wai 4 ur info ila meh nemuai ke dalat cun2 ga aunty aku bisi jadi engau urang dalat ka aku kia sigi mungkang ngiga urang ka nemu ngaga. Ba menua malaya tu nadai nyual kain kasa rubia enda baka kitai menua sarawak. nya meh bibi nya madah ia meli kain kasa rubia ari spore ba indu bisi tang enda manah kualiti. Nya meh ia ngumbai aku meli kain nya di spore pd hal beli aku ba india street di kch 12 taun ke udah tang agi baka ke baru beli ko ia. Nemuai meh agai ruai aku kitu ama nuan bisi info pasal sida indai tuai melanau ke nemu ngaga baju draw nya. Amat munyi ko nuan bala indai tuai melanau ti agai church chantek3 amat baju draw sida ia

debbie - aku munyi ko nuan meh nadai aku ngira body. amat nya $$$ aja sedia. nyu juling mata ka milih ia kedeka aku maioh dibooking urang ga. Bisi aku meda gambar ba blog nuan ke penudi tu tadi ngena baju draw hehehe. Ila tua sama2 ngena ke bisi gambar peacork engi aku kain orange enda nemu keni bibi nya ngadu ke kaler ia enda sabar nganti 2 bln baru tembu ko ia (sangup ku pulai ari ngambi agai penang ila heehehe)

Mama Doyee said...

Manah amai baju draw nya neh. Jauh ga ngaga nyau ke Penang kin. Aku suba enda nemu reti baju draw nya semadi Indai aku nunjuk ka baju nya ba kedai baru aku nemu. Ko aku nganu baju nya 'Kebaya kelia'. Neh lapa deh. Bisi ari aku ila Andan ngaga baju draw nya. Pedis endar ga ba menoa kitai nyau ke Mukah/Dalat ga ngaga neh.

Indai Dara said...

mama doyee - kebetulan agai penang nya deh alu ngambi kesempatan ka betemu engau urang ti nemu ngaga wai hehehe. Anang enda wai ngaga at least siti ke endang 100% handmade diatu nyu makin mimit urang nemu sereta rindu ngaga utai bansa tu.Nya meh wai laban sida melanau mukah n dalat ke udu ngena baju draw tu nya tunga kia ke agi bisi urang ngaga nya pan munyi ko bibie nyu tuai2 sida ka ngaga nya

Lyana said...

kepuas aku ke ngerayap ke ruai nuan tu, nyu tetengguk aku meda baju draw kaler celum nyin. ka ngasuh urang ngaga pulai kemisi baru ila.
kaler celum manah enggau macam pisin kena, baka tancut panjai celum tauka jean. wah! ka nunjuk ke pisi menua kitai ba urang ditu, ka ati din.

Indai Dara said...

hehehe nya kumbai nuan enda bisa jayau kebaya draw nya ti nuan meda bup koleksi kebaya draw ke digaga Datin Seri Endon Mahmood (The Nyonya Kebaya) sigi rindu agi nuan meda. Aku kadang-kadang ngena tanchut panjai meh ngena kebaya draw- tukar selera kenu ko ati.

LEE CHING said...

Selamat bekelala wai, rindu macha comment bala bukai pasal baju draw.

Amai munyi ko Lyana, diatu orang ngena baju draw ukai semina enggau kain aja tapi enggau tancut mega. Macam2x pisin. manah amai.

Colleague aku ti bangsa melanau, bisi madah aunty iya nemu ngaga baju draw. Ibu iya nya diau ba Dalat. Iya tu maia ujung minggu selalu pulai ka Dalat.

Legi aku nanya iya, berapa "charges" siti kain.

Indai Dara said...

indai starz - selamat bekelala agai nuan mega. trima kasih wai laban bekunsi penemu ba baju drawa kelebih agi pasal dini endur sereta sapa ke nemu begaga ke baju draw - sgt2 dihargai munyi dah ko laut. arap ke kitai ulih bekelala engau semak agi ngicha ke ulih bekuntek pangan diri ba cerita baju drawa

LEE CHING said...

Terima Kasih wai ka jako nuan nya. aku ti baru enggau orang begaga ka blog pia mega baru masuk 9 bulan diau ba menoa kuching tu.

sigi begiga ka pangan ti tau enggau bebuti, becerita & bekunsi ka penemu.

Udah aku nanya colleague aku nya, rega iya nitih ka bungai. Myoh agi corak bungai mar agi ga iya.

Abas-abas meh blog aku, gaga amai ati aku ulih bekelala enggau nuan.