Selamat Ari Pengada

Taun tu udah 43 taun ngasai ke idup di dunya tu. Nadai utai udah enda di asai kelebih agi penusah. Tang penusah nya meh ngasuh kitai panjai agi runding sereta idup engau lebih agi berjaga-jaga laban ketegal penusah ti datai ngajar kitai ngambi nguji engau nangka ulih ngatur pengidup ngambi ke enda ditinggang penusah belama. (Betul kenda jaku ku tu - asai ka nyu bebelit-belit)

Double celebration kenu ko - laban sama engau ari indai. Selamat ari pengada engau selamat ari indai ngagai diri empu hehehe.

Kini penunga kami manak legi - bedau temu dini ka ngintu tang dalam untak dah ga bisi 3 iti endur. Nganti lemai legi berunding baru. Arap ke dunya enda sekut meh lemai legi laban urang maioh dinner ngintu ari indai.
Ngajih kediri empu gerai, senang lantang nguan menua ngajih ke ruang bilek diri empu meruan belama taja penguji semampai datai belama. Arap ke berkat Allah Taala meruan engau kami sebilek.

Ti bisi rezeki munyi ko laut ila engkah gambar indai dara nyepu dian. Terima kasih ngagai bala kaban kelebih agi kitai ke sama-sama betemu ba ruai cyber ke ukai semina pangan ba dunya cyber tang alu bepangan engau pangan diri ba dunya ka amat. Terima kasih agai semua.


Indai Dara


Tadaaaaaaaaaaaaa nya gambar sida manak

kek - ke tanda enda tau enda

Lama udah berangan ka makai lobster - maia baka tu meh peluang
(enda tau selalu ukai mina kolesterol tinggi , blood pressure sida sulu ke maia bup 555 ke dikena sida indai mayar niki mehhhhh)

nyu liling pala sida indai dara melah kek buffei - nasit maia nyeput enda kediri laban bisi indu seketeri kami (enda tau nyepu kediri ia mesti engau)

Sekeda ari rayat indai dara (dara enda pansut tukang nyenip aja)

nya utai ngasuh kolesterol apai dara ke enda engau makai tang engi ia ke niki

mudil tetap apai dara pusing dulu ( taja nadai apai dara tang laban ke udah dibayar agensi mudil apai dara, tugas nyadi mudil enda tau enda dikereja laban pengawa sida 3 mudil tu tetap engau bisi pincin hahaha)