Melah Pinang

Pedis isi bendar betepas ke pukat empelawa. Kelalu lama udah belelang ninggal ke ruai.

Kena ngerinek ruai sekali tu ka ensera urang melah pinang.

Tumu pagi 1/9 kami duai anak aku ke biak pulai ke menua Laban engai tinggal urang ke rami melah Pinang ba rumah panjai.

Amat maioh bala pengabang ari ng entulu engau ngerami pengawa melah pinang. Enda rugi pulai taja ka semalam.

Kassim Selamat

Taja pan nama menantu mak dara dalam pilim ibu mertuaku kassim selamat, tang meh tudah tuai nadai pan selamat huhuaaaaaaaaaaa. Nadai agi selamat menua maia ari tu dini-dini endur kitai. Semina maia kenda selamat nya aja kenda temu. - Seredah mode nya hehehehe

Tengah ari satu tu kemari nerima tali alau, tang numur enda dikelala. Semadi ninga ke nyawa bejaku baru nemu, alu ditundi tudah kabannya tadi hehehe. Nadai nemu utai kenyadi ba tudah.

Nyu getar-getar tudah betusi cerita. Nemu ku keni asai tudah kaban laban udah ditinggang penusah bakanya.

Pagi pulai beranjung anak sekula eran ia meda bisi kerita parking ba mua gate sida. Dihon ka ia alu undur keritanya tadi. Peda ba endur ia parking pengeridai gari bisi dia. Eran baru ia laban pengeridai garinya sigi ba tisi nadai kala engka ba endalan endur ngekah kerita. Nyu pansut ga tudah ia mindah ke pengeridai garinya.

Udahnya ati ia alu tegepang meda sliding door sida bisi tebuka mimit. Enda kala tama ari sliding doornya sida manak laban ke sigi ngena pintu mit belama, ba enda kala dibuka sliding doornya ngelama ke udah diau dia.

Meda utai tak nyelai bakanya alu ngangau ke jiran ia sepiak ia. Baru ka berandau seduai ia tak pansut lelaki siku ( agi biak ko ia dalam 20-an kenya) ngasuh ia masuk  ke dalam. Ia alu panic enda nemu utai ka dirunding. Engka meda ia enda masuk pencurinya tadi alu pansut ngelawa ia alu ngerampas handbag ia udahnya alu nyau ngebu kediri laban kerita ga sigi udah sedia nganti ba luar.

Tudah kaban aku tu tadi nyu nadai runding agi. Nyu nginjau talipaun jiran sepiak madah ke laki ia. Baru parking meh tudah laki ia ba upis nyu pulai baru ga ninga penusah ke nyadi.

Bala lorong sida alu begau ga. Ia ga balai indu-indu aja ka maioh sereta tebal agi sida tu nyu berumur magang.

Nya meh indai tuai ka ba mua rumah sida madah ia bisi meda urang benung muka grill rumah. Laban kenda entu nemu bepadah, ia alu betalipaun ngagai jiran enda jauh ari ya ngasuh talipaun agai pulis.

Munyi ko cerita indai tuai ke meda pencuri nya datai. Tak baru endar ga sida ia ulih tama ke rumah kaban akunya. Bisi kini 5 minit ko ia nyau datai ga kaban akunya beranjung anak ke sekula dalam pukul 7.30 pagi.

Nya meh enda sempat nyengkau utai ba rumah pencuri nya tadi. Ko kaban akunya ia semina muka api ba bilek baruh engka laban meda utai dia tak tugong gari magang engka nya ia alu niki katas. Semina laci endur engkah document aja sempat diserungkai ia. Ka ngiga sida duit engau emas mehnya kini. Engka pedis ati lelak enda sempat ngambi barang ba rumahnya ia alu pansut ngerampas bag tudah kaban akunya tadi.

Baru ngelebus pencuri nya rari mai bag kaban sida pulis pan datai ga. Bala baru dah chapuh. Nya meh jiran takah sepintu ari sida eran meda keta alza balat mat chelum cermin parking ba mua rumah sida mula-mula. Nadai kala meda kerita jiran selorong sida bakanya, ati ia alu enda nyamai, alu dambi ia numur keritanya tadi benung ia ka nurun kereja. Laban enda nyamai ati nikal baru ia ka meda keritanya, nyu meda bala begau.

Nama deh kaban akunya alu sampai saritu  agi meh enda lantang ati, kada agi ulih tinduk jenak tudah tuai. Malam keterubah sigi nadai mejam ke mata meh ia, makai enda. Ni enda 3 kali pencuri nya nguji meli tiket online ngena credit card ia. Nasit laban  maia ari tu mesti bisi password dikirum bank ngena hp baru ulih bebeli ke tiket. Taja pan udah diriput agai bank.

Laban ke kelalu panik, kaban akunya enda nemu berapa iku sida ke tama ke dalam rumah. Semadi ari siti benung ka pansut breakfast ( kami duai bejanji ka breakfast ari siti udah aku ke ngabas sida manak ari kena curi) Nya meh bala nanya berapa iku, siku ko ia tang jiran ka engau ia berandau madah 2. Nya ko ia ba ia pandak runding nadai tepeda ke siku agi.

Saritu bendar sida manak ngadu ka ic sida manak ke nyau engau ngadu ke lisin sereta surat saham ia disimpan dalam bag ia. Engai bejaku, cukup lelak pengawa nya udah ensepi. Nasit diatu JPN enda ngukum maia ngaga ic baru setegal kes kena curi. Engi tudah aku udahlah kena curi duit nadai sepuluhsin tinggal udah ngaga riput pulis alu ngaga ic nyu beruntang ba bala kaban ke dikelala sebelah upis kena mayar. Cukup merinsa.

Bejimat keni kati pan kitai nama penusah udah nuntung nadai pan ulih dikelari. Ia ga bik kaban baru beli huhuhu kada enda alu dilelong ia biknya deh. Pesan agai kaban akunya ila pulai gawai nyual sawit meli baru wai anang jera meli bik kenya mese ga ney wai

Selamat Ari Indai 2012

selamat ari indai ngagai semua indai kelebih agi agai indai aku empu. Nadai jaku sereta pemeri ke ulih nganti penyayau engau penyinu nuan ngagai bala anak nuan.

Pia mega ngagai bala kaban blogger ke sama mega indai urang selamat ari indai agai semua.

Berkat Tuhan engau kitai belama ngambi ulih ngiring kitai dalam semua pengawa kelebih agi dalam nyaga ruang bilek setiap kitai.

Semampai Berubah

My Own Birthday Prayer

Father, thank you for today

All the tokens of love that remind me of how I am loved and appreciated.

Today I remember that you are my creator and sustainer

In you I live and move and have my being

I thank you for your faithfulness and care through the years

I commit this birthday to You

May I honour You as You have given to me

This special day and each day of my life

I want to know You more

Take 'time out' to be with You more

and love You more.

Amen.

Tiap taun umur nambah belama. Numur semampai berubah. Nyu nemu lembau ngintu ari pengada diri empu. Maioh utai dah dirunding kena ngintu ari diri empu tang nyu datai ba ari ya nyu lembau ngadu kediri. Nanya sida anak nama mami nadai meli kek. Enda ibuh pan ko aku nganti kita udah nemu meli ka mami kek kitai meh ngintu ari pengada ke mami. Blog pan lama enda ditukun kelita. Buruk amat. Taja pan lembau ngintu ari pengada diri empu tang meli "ayam" kediri empu enda tau lembau hahaha. Lama udah ngining clutch tu. AT LAST bulih ga indai dara. Sempat ga nyangkau sida kasut sepasang taja nadai dalam list nganti sanu anak sanu meri engai ka baka nganti sungai enda be'ulu nyamai ga meli perisin kediri empu.

tadaaaaaaaaaaaaaaaaaaaaa 

ayam baru indai dara 

Kasih

Nyu  seminggu udah neighbour kaminya udah nadai. Ia empu cina lalu bini ia india. Anak dua iku lelaki, ia ke tuai udah abis college lalu baru udah kereja sereta anank ia ke biak baru primary 6. Bedau tuai baru 50an umur, agi kering laban tubuh sigi tegap.

Tadi pulai bejalai, aku bepansa engau anak ia ke biak pulai main bol. Nyu sinu aku meda tudah anak ia bermain kediri. Ngelama tu apai ia belama ngulu ke ia bemain. Nyu menati ke bala anak diri ga enti sema utai siti nyadi. Keni meh asai tudah tuai ditinggal apai pegi enda pulai-pulai. Tang laban ka nembiak kini agi ulih rari ke penyinu ati diri engau bermain. Indai ia alu bedau kala meda ia pansut sekumbang laki ia udah nadai. Beruntung ia laban anak tuai udah ulih dikarap nupi sereta nyaga seduai ia anak ka biak.

Nadai nemu apai tuainya sakit laban selalu meda ia bermain tiap lemai engau anak biak ianya. Semina nyu dua bulan tu aku jarang meda ia berjalan. Ti enda salah aku bulan 2 nyin kemari keterubah ambulan datai ke rumah kia. Kumbai aku sida bisi ngibun urang tuai, nadai ngadang nya ia.

Kedua kali ninga ambulan datai tumu pagi ari 6 minggu nyin kemari. AKu tumu meribit laban anak dara bisi pengawa ba sekula. Kami duai nurun baru dah ngelebus ambulan ke mai tudah tuai ke hospital. 

Angkat lemai ari 4 minggu nyin kemari peda urang bepasang ke camp. Laban ke puh sesegap beranjung berambi sida anak jampat endar nemu utai nyadi. Ati aku sigi alu nyangka. Pulai ngambi anak sekul lemai peda aku jiran sepiak engau laki ia bernadau ba luar, dikangau ke seduai ia aku nya baru nemu apai tuainya udah nadai. Seduai melaki bini pan enda nyangka, kumbai urang bisi kenduri.

Nya meh nama ajal datai nadai ulih ditulak. Tang jampat amat ga penyakit ia ngambi nyawa engka laun ditemu kini. Kena lung cancer tudah tuai. Ukai nama laban agi 1-2 tu agi tak regas meh gamal ia.

Ari dua tu kemari bakanya ga. Tekenyit ga ninga sida anak mai rita nembiak ke sama engau sida main bol mati dipangka kilat. Ni enda sinu ngena parai bujang tudah. Ukai siku tang dua iku. Seduai ari sekula ke sama sereta sama umur. Parai bujang enti ba kitai Iban cukup pemerinsa apai indai ke ditinggal ke anak. Ba menua lepeh ditu cukup balat kilat - keterubah ninga nyu asai ka tecabut nyawa empa pemalat. Nadai ga kala ningga ngemalatnya agi sekula ditu kelia 20 lebih taun ke udah ( engka enda ingat ga kini). Tiap-tiap taun jarang enda ninggal urang mati dipangka kilat. Takut amat ninga. Nama sida anak nurun bemain lemai udahnya ujan ari sigi keput-keput asai ati, enda sabar nganti sida pulai. Amat takut endar aku ke kilat menua urang ditu.




Ari

Buah Kemunting

Agi mit kelia nama Utai enda dempa asal enda ngasuh mabuk tauka ngasuh parai. Laban ke sigi anak rumah panjai ambis meh dunya sebelah babas ditujah endur bermain. Babas engau sungai meh "play ground.

siti ari buah ka dempa ianya buah kemunting, ti udah makai alu dark purple gamal sida ngeli wakakaka.

Berebut ngiga pun kediri empu engai kunsi sama ngepam buah ba pun diri empu

Nadai nemu asal sida buah anggur buah epul buah strawberry. Lelengau ngenang pengidup agi mit kelia bemain Sebelah babas.

Bon Jovi - It's My Life

Pengidup kitai mensia sigi maioh penguji, enti tan ati bisi pengupah enti nadai pemerinsa meh dikembuan.

Munyi ko Bon Jovi - it's my life. Ni ko kitai empu meh ngatur. Taja pan urang bukai kiba kanan mua belakang atas baruh tauka sepiak-sepiak kitai. Tang pengunjung ia tepangai ba diri empu meh.

Sigi rindu ninga lagu aja nadai nama-nama

Nungkun Ke Dapur

ukai nadai cerita tang meda bala nyu sunyi magang ruai, nyu nadai entu mood ga deka ensera tudah indai dara. I'm backkkkkkkkkkkk keno ekekeke

Nyu baka tudah ayun ba gambar nyin penyunyi ruai bala kaban blogger. Tu ngerajin kediri nyenguk ruai taja buruk nusi ensera. Engai enda nungkun ke dapur baka adat berumah panjai mesti ngabas ruang bilik diri empu keno engai ke kena ukum mungkul 5 hehehe

Ngarap ke pengidup bisi berubah ke manah meh maia tau naga ai tu.

Berita Tertunggak- Ari Pengada Noie Athena

Buruk mat tulang diatu, urang makin berumur makin rajin aku tu makin berumur makin buruk.

Sigi semampai ka nadai utai ditusoi tang meh sigi ka nusoi ensera ngapa-ngapa.

Minggu nyi kemari kena 14hb kami ngintu ari pengada wie, anak indai dara ke numor 3. Enda berasai nyu manggai umur ke 13 taun udah iya. Diatu korum nyu makin kurang maia ngintu ari pengada sida anak, ngelama tu apai sida puh nadai laban ke nurun berikan ngiga anak belanja. Nyadi taun tu anak ke tuai enda engau kami ngintu ari pengada adik ia. Ti nitih ka sigi maia ia pulai ga ujung minggu tang laban ke benung peresa, nya kebuah tudah ia nadai engau kami. Semina makai diri sebilek aja - acara rutin nya deh enda kala ngintu engau pengerami ke besai. Maia tu ni ko sida ke empu ari pengada milih endur makai ko apai sida ia. Kami lepak ba restoran subangku seberai subang airport aja kami nitih ke peneka sida birthday girl.

Tudah tuai maia ada suba ia ke mit endar ke sida madi ia. Ka 2.95 kg aja. Enda nitih ke ari ke disangka sida lutor ia ada, nyu 10 ari tumu. Ia ga pun taun benung kisuk amat maianya laban ke baru buka sekula. Nurun niki kelas tingkat dua dahnya nurun ke baruh endar tembunya niki ke ke tingkat 1. Kisuk ga nembiak ke belumba nurun ga lemai ke padang maia perut. Ni enda tudah enda sabar ka pansut hahahaha. Udah bendar sepagi nurun niki kelas lemai kulu kili sebelah padang sekula nyaga nembiak ke belatih, dini ari nyu lain asai utai. Pukul 7.33 pagi alu bekaraoke urang empu madah kediri datai ba dunya.

baru nemu nuduk kediri ( gambar baru ada nyu ambis enda temu. buruk ka ngiga ke batang hehehe)

nyu dah besai agi

gambar dah 13 taun.

Selamat Ari Pengada wie, berkat sereta iring Tuhan engau nuan belama - gerai sereta mujur dalam semua pengawa kelebih agi ba pengawa sekula lalu nyadi anak ke menyana. Amen

2012 - Taun Baru Pengawa Lama

Nembiak udah ambis kemisi sekula, saritu ari terubah sekula ba taun 2012. Kemisi sebulan setengah tajapan kemisi tang pengawa nadai entu berubah semina ulih ngelaun kediri dani tinduk.

Taun semampai betukar belama, asal meh ujung taun datai meh taun baru. Tang pengawa indai dara nadai nemu berubah sigi semampai bakanya belama. Sigi laku meh ensenis meribit indai dara. 4 anak, 4 iti endur skul sereta jam kenda sama.

Nama nuan muchau pia indai dara???? ukai muchau tang sigi deka kuchau-kuchau kena ngari kediri ari pengawa enda lama. Sigi rindu hobi kekuchau baka burung semalau :)

Selamat Taun Baru 2012

Saritu ari penudi ba taun 2011. Meri selamat taun baru 2012 agai bala kaban cyber. Ngajih sereta ngarap ke semua kitai bulih berkat ari Allah Taala meri pengerai engau pengelantang ngagai semua kitai, AMEN

Aku Meri Puji engau terima kasih agai Tuhan ke meruan nyempulang aku dalam semua pengawa dikereja aku taja aku semina mensia ti maioh dosa sereta selalu ninggal ke diri ari Tuhan.

Taja pan kami sebilek ukai urang menyana ukai urang bepangkat ukai urang ka maioh reta engau pengeraja tang pengidup kami ka diberi nuan Tuhan udah cukup ba ungkup kami Terima kasih Tuhan

Ngitung Ari-Selamat Ari Krismas

Urang benung gagau nyedia kediri ka nyambut ari kerismas, kami manak tu dedugau ngati kediri. Nadai sedia sedia utai pemakai tauka perengka dikena. Semina kayu kerismas aja udah bediri.

Enda nemu nama kebuah enda gagit nyendia ke pemakai engau perengka dikena ngintu ari kerismas taun tu. Tak seilu-ilu asai ati. Semina nganti ke ngintu sembiang malam kerismas aja meh tu.

Pagila nyu ari 2. Ka berapa ari da agi kitai raban kristian deka ngintu ari krismas ke tanda kena ngingat ke ari pengada Jesus Kristus nyu datai ba tengah malam ari 6.

Engau peluang tu indai dara meri pesan ari KRISMAS ngagai bala kaban blogger ke sama ngintu ari Krismas ti deka datai.

SELAMAT ARI KRISMAS

Kasih Ka Aku Kasih Ka Sida

This special Christmas wish
That comes with love to you
Brings warm and heartfelt thanks
For all the thoughtful things you do--

It also comes to let you know
You both mean more each day
To everyone your lives have touched
In such a loving way.

Happy Christmas, Mum and Dad
With Love

Nadai chara bukai kena malas pemanah engau pengasih agai apai indai kelebih baka aku ka nadai pengawa tu enda ulih meri sokong ari segi material semina nyerah ke pengerai engau pengelantang seduai ngagai Tuhan ti pemadu bekuasa. Nadai pemeri kerismas ti berega ulih beri ngagai seduai ia tang besampi ngambi seduai meruan nerus ka pengidup taja kelaku maioh penguji dalam pengidup seduai ia.

Lord, when we are infants, you partner with our parents in loving and caring for us. My parents are now elderly and infirmed and I ask that you partner with me in giving them the same tender loving care. Give me the strength to be fully present for my parents and lovingly tend to their needs and the wisdom to take time out to tend to my physical, emotional and spiritual needs as i care them, AMEN

Udah Sedia????

Krismas nyu semak.
Maioh bala udah nyedia kediri deka ngintu ari pengada Jesus Christ kelebih agi ba pekara ngelagu kayu krismas.
Taun tu sepi asai ati tak enda entu nyendia kediri ari pengawa ngelagu kayu xmas tauka ari pengawa nyendia kediri "nunga" Tuhan.
Nyu lelak diri ditagih sida anak ngasuh mansut ke pun kayu xmas ari stor.
Entah meh nama kebuah-bai ati kelalu bingking kini. Maioh endar asai utai nanggul ati kedeka nyambut penatai ari xmas tu.
Nyerah kediri ngagai Tuhan ngambi bulih berkat ari ya tajapan aku tu anak mensia ti cukup maioh dosa tang aku nemu Tuhan enda ngira penyalah engau penyai aku.

Besampi Kitai
Lord, in this holy season of prayer and song and laughter, we praise you for the great wonders you have sent us: for shining star and angel's song, for infant's cry in lowly manger. We praise you for the Word made flesh in a little Child. We behold his glory, and are bathed in its radiance.

Be with us as we sing the ironies of Christmas, the incomprehensible comprehended, the poetry made hard fact, the helpless Babe who cracks the world asunder. We kneel before you shepherds, innkeepers, wisemen. Help us to rise bigger than we are. Amen.

engau peluang tu indai dara ngari ke kami sebilek meri
SELAMAT ARI KRISMAS
ngagai bala kaban ke bisi nyenguk ruai indai dara tu

Ukai Senang Ka Senang Ukai Tusah Ka Tusah

Sigi amat meh jaku sempama ukai senang ka senang sereta ukai tusah deka tusah.

Ari 3 tu kemari aku ngambi kaban ka sama engau aku kereja kelia lepak agai rumah aku. Nyu sunyi ditinggal ke bala pulai nemuai nyau aku ngambi ia ke cheras kin. Nya meh maia aku ke ngambi ia dalam kerita ia madah ke diri bisi meli no, no kerita urang udah sidin. Dipau ke tudah tuai meh no nya. Nya meh ia ngasuh aku meli ga. Tang meh laban ukai rezeki kitai munyi ko laut nyu telunga-lunga bejalai sebelah Empire, pulai ke rumah alu terus ga enda ngetu endur meli numur.

Lemai pansut numur nya kena no 1, laban ke dipau kena meh tudah tuai.

TANG.......................................................................................................................
MALANG TIDAK BERBAU, laban enda nyangka urang ngenyai nya engau kitai dia ia meri tiket ia ngagai apai tuai laut ke driba teksi tiket ia laban ka nulong meda keno ko jaku. Aku bisi alit ati mimit ga nama kebuah apai tuainya sanggup ngambi ngagai kami sereta ia sanggup ga nyua ke tiket nya ngagai urang. Asuh aku fotostat dulu.

Pagi apai tuai laut madah ke tiketnya enda kena keno lalu udah dibuai ia tiket nya tadi.

HAAAAAAAAAAAAAAAAAAAAAAAAAAAA, nama hak nuan muai tiket urang sema amat enda kena.

Kemari maia kaban akunya call ia nyu lain jaku ia, berupai amat ia ngakal/nipu. Ta choma-choma meh RM12500.00 nya masuk pukit bangkai apai tuainya. Kaban aku munyi ko laut nusu tunjuk aja meh. Engai nyadi bejaku.

Udahnya lemai kemari, udah melabur ba 2 iti endur, makai laban perut rapar tulang buruk berapi. Puas ke bekenang kediri kena tikit sereta ensera maia ke bebeli ke numur alu pansut meh numur kedeka ati sebut kaban akunya 2442 meli tua legi ko ia ba toto laban ke alu bedau meli dia. setegal pala engau ati agi pedis ditipu apai tuai maia ke nyimpang agai ndur meli kaban aku nyu nadai mood, alu madah kenda ibuh aja meh ko ia. Aku nitih aja laban ke sigi enda nemu baka nembiak ke masu tadika 1 pasal utainya hahaha.

Sekali malam ngecek pansut ba numur toto 2442 nya tadi AKAIIIIIIIIIIIIIII. Amat ukai senang meh ka senang lalu ukai tusah meh ka tusah. ONG kaban aku nya amat manah amat seminggu tu tang nya meh laban ukai nasit.

Tan 16

Selalu endar ninga sempama madah tan 16 enti sema bisi urang sigi enda mindah tauka nginsit.Nya meh nama sebut ke tan 16 tanda urang nya cukup tan amat. Umbok nginsit tauka ngereja pengawa bukai engai meh. Munyi ko laut cukup setia.

Aku kadang-kadang puh amat nundi ( bisi meh ka amat ) apai tuai aku ngasuh ia mindah tauka ngiga kereja bukai. Ngicha ke bisi tetemu ke pengawa ke menyana sereta besai agi gaji keno. Ukai nama deh ninga tak nyu bebesai ndar gaji bala ke mindah ke menua bukai, pengiduo urang "nyamai" endar dipeda. Ngining meh anak ati hahahaha. Tang ti aku bejaku munyi nya muai karan aja Show allmunyi ko jaku nembiak maia ari tu hahaha, nyampau meh urang ka ningga jaku aku tu.

Nyu enda berasai tudah ia udah 20 taun ba kompeni endur ia kereja. Ti nitih ka bulan 4 tu kemari nerima tang laban nganti party ujung taun kompeni sida meh urang ngaga.

Agi betunang kami duai kelia maia sama-sama meda iklan pengawa nya ba Borneo Post 1991 sebedau kemisi taun baru cina, duduk makai laksa ba kedai Max ( ti nda salah sepil) wisma pelita.

Nya meh minggu nyin kemari agai kertih kami manak dikangau ke kumpeni ( kala urang nambang sereta nyewa ke kitai utai ukai selalu ) . Tambah mega engai nyadi ga enda engau, tanda sokong kami menyanak agai dd sida ga ba pengawa ia. Hahaha asuh urang sepis indai dara, oh terima kasih aja meh ko aku enda berani ga ngemandai ke diri asuh urang meri petua keni ka nyaga diri sebilik laban pengawa laki sigi semampai ninggal ke anak bini.

Bulih ga tudah tuai a token of appreciation ari kumpeni sida ia. Enti diri empu kira ka enda meh tebeli ke utai ngemarnya laban ke ukai bepangkat sereta begaji besai baka urang bukai. Puji Tuhan ketegal pengawa engau penyabar ia ba kumpeninya tudah tuai bulih ga juluk ati ngena utai bakanya. Engi kami menyanak beri urang bungai.

Puji & Terima Kasih Tuhan.

peda tudah minah nyu nadai dipeda laban bungai ke besai ari ia. Mr Sulu nerima jam hulik ari CEO

gaga indai dara bulih bungai & mr sulu bisi jam baru

Miss Little Mermaid Minah

Nyu bebelas taun ( disember 1997 ) suba bisi nemuai ke Awana Kijal igat agi mit 3 taun lebih tu baru meda baru disember 2011. Nama agi anak duyung sigi nda tau nda berendam. Munyi ko jaku sempama laut pucuk dicita ulam mendatang nadai ia ka muai peluang.

Nyapu Pukat Empelawa

Lama amat ruai petang enda ditungkun ke api kelita engau enda disapu, nyu penuh pukat empelawa. Nama datai virus buruk sigi gerenti penuh pukat empelawa.

Tu nyu masuk minggu ke 2 udah nembiak kemisi sekula ujung taun. Ke batang nadai entu ensera ke menyana ditusoi ba ruai ditu ( sigi ga semampai ensera sengapa hahaha)

Seminggu sebedau cuti gagau keno sida indai dara menyanak. 3 ari bejurut agai sekula, enggau ngeruh ai. Ni ka engau sida anak maia ari anugerah cemerlang, ni ka engau ngambi duit ke RM100 alu ni ka engau nganti pemutus peresa UPSR sida anak.

Puji Tuhan. Pemutus peresa anak indai dara ke no 3 manah. Taja pan pemaioh ke bulih semua A bisi nurun mimit, ari 49 iku taun nyin kemari nurun agai 46 iku aja.

Terubah minggu ke kemisi sekula alu begiga ke perengka sekula sida anak engai ke berebut engau urang tambah mega nama nyu ujung pedis endar ga ngiga sais kasut engau baju sida anak.

Maia cuti sekula tu mega kuda tuai indai dara bisi dimakeover mimit. Nyu tuai jara nya meh nyu ngena botox tudah hahaha. Perengka seput tudah kuda tuainya nadai utai ngacau, gerai. Semina gamal tudah ke nyu enda berapa lalu bau tudah pan nyu bau ampis nemu aja meh kuda tuai. 2 iku anak indai dara ke biak ( no 3 n no 4) sigi tak berumah dalam keretanya. Ni ke nyadi jamban sida anak meh penuduk, ni kendur mutah, ni ka bau tusu/orange/cola entah macam ai sida anak ke nyaya. Nyu lebih 10 taun jara umur tudah.

Nya meh penuduk tudah ditukar agai leather, ukai kitai aja ka be"sunglass" tudah kuda tuai pan diberi urang sunglass hahaha ( ditinted). Siling tudah diberus n dituci manah, beresi nadai bintik2/dot2 agi. Udah diberi karpet baru meh tudah ia. Nyu udah bajik mimit meh tudah kuda tuai aku, pama meh.

sebedau

kira bajit mimit meh ney udah penuduk baru ia nadai bau agi

Pia mega nyu pemuas ka bejegau ngadu ke utai nyu kira ka ngisi perut ga. Laban bala bisi besebut ka ba pavillion bisi pemakai kitai menua. Alu kia kami manak laban aku tetenguk ka makai pansuh. Tepantup sera sida indai dara hahaha dah makai pansuh manuk. Mr Sulu ngudar laksa sarawak, anak dara ngudar kolo mee.

Udahnya untak indai dara alu "evil mode" hahaha laban udah kenyang, maioh idea datai. Apai tuai indai dara ukai urang ke lumintik. Sida bedei, sida anibseri sigi enda kala nerima pemeri ari ia. Enti bedei bisi ga sekali sekala bai urang makai luar engau bala anak. Enti ka anibaseri nya tak enda kala ningga ia nyebut. Nya meh indai dara nguji meraya mimit laban enda kala minta nama-nama maia anibeseri. Taun baru tu (pun taun) nyu ka datai 20 taun jadi enda kala meraya, nya meh ka nguji. Niki katas udah makai alu tepeda ke kedai jewellery. Nguji masuk HAHAHA ( ketawa urang jai lok) Eksyen2 ajak keno mula-mula. Ningga urang madah ti ka beli meh YAHOOOOOOOOOOOO nama agi hehehe datai ke pending tuchum indai dara hehehe. Nyu bujang dara anak baru mr sulu meli tinchin diamond ( enda kasih kita ningga ) lama udah nadai tinchin kawin udah ke rumah kena rumpak engau barang emas lesap 1998 kelia. Nya pan tinchin belah rutan aja hehehe kasih ninga, pia pan ia ga baru ngidup kediri, nya pan nyu ka enda alah beli. Terima kasih mr sulu. Taja pan enda tebeli ke besai baka engi urang, nya pan udah cukup. Biar urang ngumbai semina sepur tauka repik diamond aja tang ba aku nya udah cukup BESAI ke tanda kasih sayau nuan agai aku.

anang salah sangka ukai ngemesai tu wai tinchin indai dara, tu semina gambar paper bag kendur nyimpan ia aja hehehe

Labanke udah meli ka aku utai datas nya, nya meh ari minggu tu kemari puas ke sesipa ba subang parade alu nyengkau ayam ia ga. Ba ia gila gadget apai tuai indai dara, siti ari utai ke dikerindu ke ia kamiha dslr. Enda nemu bansa lens ka dikena, tang semampai meli belama, nya meh kemari nyangku utai ke digambar aku ba baruh nyin ia. Apuuuuuuu ko ati aku pama aku anang guai dulu meli tinchin ti nemu lens ngemarnya. Uji meh aku minta tinchin ka sama rega engau lens ke dibeli ianya ney . Hahaha engai alah keno ko ati, tang berani kenda minta.

ayam baru apai dara

Bah ila mantai ke ensera baru, gagau indai dara bepun ari 5 tu ila bisi temuai ari menua. Nyadi turisgat engau driba meh aku.

PUJI TUHAN

Terima kasih Tuhan meri pengelantang engau pengerai ngagai kami sebilek. Taja kami urang ke berdosa tang nuan semampai ngibun, ngemata sereta ninga ke sampi engau peminta kami sebilek. Puji Tuhan, Hallelujah.

Thanks for a beautiful day: On a beautiful day,
we may thank GOD and praise him for his many gifts.

Father of Jesus,
We praise you and give you glory
For the wonderful things you do for us;
For life and health,
for friends and family,
for this splendid day.

Amen

Udah Atur Petara

Udah nasit atur petara tauka ketegal peneka kitai empu?

Enda nemu meh Laban aku ukai urang ka kering ba pengarap, sebuti ke nemu bisi Tuhan aja.

Nyamai amat meda urang bisi kuasa. Ukai semina kuasa ba pengawa tang mega ba pengidup.

Urang ka bisi kuasa tak sepeneka ati peda aku. Ti bejaku nyawa enda tau enda kurah-kurah engai enda minta disenakut ke urang. Mua enda tau Enda redu-redu kena ngeso ke pemangah engau kuasa.

Pia meh engai urang baka aku tu Enda nemu baka Ni pendiau urang ka bisi kuasa bisi pengeraja engau bisi semua.

Enda aku isahhhhhhh tajapan aku tu urang merinsa urang nadai kuasa nadai pengeraja. Munyi ko leka lagu engkah Sigi udah selatan pengidup tudah diri datur petara baka tu, nyadi terima aja meh.

Ni ko urang meh engau tudah diri. Semina minta Tuhan meri pengerai ngagai aku ngambi ulih ngemata sereta nyaga bala anak ka mesti dijaga engau ngibun Apai Indai aku ka nyu tuai. AMEN