Friday 25 February 2011

Sinu Ngenang

Kadang-kadang ti maioh maca cerita ti sinu engau tusah ati nyu ngasuh maioh agi utai nyu beserabut dalam untak. Ti maca status ba FB, posting ba blog meda cerita ba TV maca berita ba newspaper engau macam agi ke maioh cerita pasal penusah.

Diatu nyu udah berumur lain amat sepi aku tajapan ukai penusah engau penanggul ba diri empu, tang penusah kaban belayan tauka urang dikelala nemu ngasuh untak beserabut alu enda ulih tinduk ngenang penusah sida. Ia ga sigi bansa urang ke pedis amat ninduk ke leka mata. Nyu ka siang ari baru ka tinduk, udah ka mesti tumu dani beranjung bala anak sekula.

Pengidup aku tu enda ga merinsa tang ukai ga urang ke senang tauka kaya. Munyi ko jaku urang maia ari tu sedang-sedang aja. Ngarap ke laki nupi laban kenda kereja. Pia mega laki semina makai gaji aja. Urang ke ditupi tudah laki kiba kanan atas baruh. Kadang-kadang meda kitai nyamai mimit pengidup ari bala menyadi, ipar, kaban belayan alu deka kitai magang nulong sida ia. Sekali tua nulong alu kitai belama endur bepangai. Ko jaku nginjau tang ALU NYADI LESUNG. Agi 6-7 kali agi tua ulih nulong, tang enti nyu ngambi peluang ba kitai engai nyadi ga.

Aku ka engka laki aku engai kelebih agi enti baka aku ke nadai kereja ngarap ke laki nupi , pia mega laki aku ka nulong engka aku ga enda setuju. Kati ko nya dehhhhh???? Idup kemaia ari tu pedis amat, diri menyadi, diri mipar sangup meh bejai kitai kulu kili laban nyu enda sangup nulong tauka endur minjau duit tauka endur meri duit. Enda ibuh kira kaban belayan ke jauh mimit nadai kira agi pemanah kitai ngelama tu sigi alu di langit din endur penyaie tua ke enda ulih nulong sida belama.

Ba ya nama runding nyu tusut, ati pan enda meh berapa senang. Nuan idup sedang pan tusah enti idup tusah enda ibuh kira agi penusah. Nya meh petara meri untak kena berunding tang meh kitai mensia buruk amat ke berunding ngiga pengidup, semua ka utai mudah magang. Enti ulih semua ka nelentang ke tapa aja minta tulong.


Nya meh pengidup mensia sigi enda ulih rari ari penusah. Munyi ko urang serah aja meh pengidup ngagai Tuhan ngambi meri pengelantang dalam pengidup tuai. Penguji ba kitai siku-siku enda sama. Tang nadai mensia dalam dunya tu ulih rari ari penguji.

3 comments:

Endu Tupai Engkrabak said...

Sabar aja meh ubat ya wai.

Indai Dara said...

bah ya wai enda nemu keni ko engau agi - ti ngumpul duit baka ngumpul daun kayu sigi ampit magang bala deh nadai ka meda kaban tusah. Tang munyi ko jaku tuai indah daun kayu ga nemu ambis - urang ke ngarap ke ditulong enda sedar diuntung ga legi tubuh agi kering baka remaung tang nelentang ke tapa aja pengawa. Akaiiiii

Chris Anakapai said...

sigi baka iya nya indai dara... mayuh agik kaban belayan ke baka nya...kacang lupakan kulit...
baka anak menyadi apai aku, ari mit sampai tuai diibun ditulung, ukai minta balas, tang ngarap ke urang nemu siru nemu mentas... udah org senang diatu, taik org ngelala kitai. ngambu kitai tu kaban kada nya ka...sapa meh kami tuk, ukai org kaya org raja...
nya ku madah ngagai apai aku, sigi dasar ukui kaka, maya pedis kaung2 minta kasih, udah gerai kitai dipanggum ia...